2 Mbai 18:13 - Mbeti ti Nzapa - Tënë so amu fini

¹³ Mishe akiri tënë, atene: “*KOTA GBIA ayeke na fini! Tënë so Nzapa ti mbi ayeke tene, gi ni laa mbi yeke tene ande!”

2 Mbai 18:13 ပူးပေါင်းရင်းမြစ်များ

1 Agbia 22:14

Mishe akiri tënë, atene: “*KOTA GBIA ayeke na fini! Tënë so KOTA GBIA ayeke tene na mbi, gi ni laa mbi yeke tene ande!”

2 Mbai 18:12

Watokua so ague ti iri Mishe so atene na lo: “Baa, awayanga-nzapa kue, tënë ti yanga ti ala ague gi oko: ala tene nzoni tënë na gbia. Mo nga, mo sara si tënë ti mo ague oko na ti ala: mo tene nzoni tënë na lo!”

2 Mbai 18:14

Mishe aga na dawa ti gbia si gbia ahunda lo, atene: “Mishe, alingbi e gue, e tiri bira na gbata ti Ramot, na sese ti Galaad wala mbi zia lege ni?” Mishe akiri tënë na lo, atene: “Ala gue senge! Fade ala yeke so benda! Fade a yeke zia ala na maboko ti ala.”

Jérémie 23:28

Tongana mbeni wayanga-Nzapa abaa li ti lo, lo tene peko ni na azo ma! Me tongana lo wara mbeni tënë so alondo na yanga ti mbi, ayeke nzoni lo tene ni kue na legeni! Aporo ti le ti kobe na ale ti kobe alingbi tere? So tënë ti yanga ti KOTA GBIA laa.

Jérémie 42:4

Wayanga-Nzapa Jérémie atene na ala: “Mbi ma awe! Fade mbi yeke sambela KOTA GBIA, Nzapa ti ala tongana ti so ala hunda na mbi. Na pekoni, tënë so kue KOTA GBIA ayeke kiri ni na ala, fade mbi yeke fa ni na ala; mbi yeke honde tënë oko na ala pepe.”

Ezekiel 2:7

Fade mo yeke tene na ala atënë ti mbi, ataa ala ma mo, ataa ala ma mo pepe; azo ni ayeke azo ti ngangu li.

Wungo ti azo 22:35

Me ange ti KOTA GBIA atene na lo: “Ên-en, mo na azo so ague! Me fade mo tene gi tënë so mbi yeke tene na mo.” Tongaso Balaam amu peko ti amakonzi ti Balak si ala gue.

Wungo ti azo 23:12

Balaam akiri tënë: “Alingbi mbi tene pepe gi tënë so KOTA GBIA azia na yanga ti mbi ti tene?”

Wungo ti azo 23:26

Balaam akiri tënë na Balak, atene: “Kozoni, mbi tene fade biani na mo, mbi tene: mbi yeke sara gi ye so kue KOTA GBIA atene!”

Wungo ti azo 24:13

‘Ataa Balak amu na mbi nginza na lôro asi yangbo ti lo singo, mbi lingbi ti sara mbeni ye nde pepe na yanga so *KOTA GBIA amu. Gi tënë so KOTA GBIA atene na mbi laa mbi yeke tene.’

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.

1 Korente 11:23

Ti mbi, tënë so mbi ma na yanga ti Kota Gbia si mbi fa na ala ayeke so: na bi so ala ka lo, Kota Gbia Jésus amu mapa,

2 Korente 2:17

Azo mingi ayeke mu tënë ti Nzapa ti de buze na ni; e yeke tongana ala pepe. Ti e, Nzapa laa atokua e, nilaa na lege ti gango so e ga oko na Christ, e yeke tene taa-tënë na le ti Nzapa.

Galasii 1:10

Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

1 Tesalonike 2:4

Me e yeke fa tënë ni tongana ti so be ti Nzapa aye, ngbanga ti so lo tara e awe si lo mu na e kua ti fango Nzoni Tënë. E yeke gi lege ti zia ngia na be ti azo pepe, me ti zia ngia na be ti Nzapa, lo so lo yeke tara be ti e.