2 Mbai 18:1 - Mbeti ti Nzapa - Tënë so amu fini

¹ Yosafat awara mosoro mingi si azo agonda lo mingi. Lo ga songo na Akab, gbia ti Israel na lege ti wali so lo mu na ya ti sewa ni.

2 Mbai 18:1 ပူးပေါင်းရင်းမြစ်များ

1 Agbia 21:25

Mbeni zo ti ka tere ti lo ti sara sioni na le ti KOTA GBIA tongana Akab ayeke daa laoko pepe. Biani, wali ti lo Yezabel laa ayeke pusu lo ti sara sioni.

1 Agbia 22:1

Na ya ti ngu use, bira ayeke na popo ti azo ti Sirii na azo ti Israel pepe.

1 Agbia 22:45

Yosafat na gbia ti Israel aduti na siriri na popo ti ala.

2 Agbia 11:1

So Atalii, mama ti Ahazia ama a tene, molenge ti lo akui awe, lo londo, lo fâ *ahale ti gbia kue.

2 Agbia 8:18

Lo mu peko ti sarango ye ti agbia ti Israel tongana ti so azo ti sewa ti Akab asara, ngbanga ti so lo mu mbeni molenge ti Akab ti ga wali ti lo. Lo sara ye so ayeke sioni na le ti *KOTA GBIA.

2 Mbai 17:12

Ngangu ti Yosafat ayeke gue guengo na nduzu. Nilaa na sese ti Juda, lo sara agbata so angangu gbagba ayeke na tere ni nga na agbata so a yeke bata akobe daa.

2 Mbai 17:5

KOTA GBIA asara si lengo-gbia ti lo akpengba. Azo ti Juda kue amu akadoo na Yosafat; nilaa lo wara mosoro mingi si azo agonda lo mingi.

2 Mbai 18:31

So amakonzi ti azo ti kpengo na apusu ti mbarata abaa Yosafat, ala tene: “So gbia ti Israel laa.” Nilaa ala ngoro lo titene ala ti na ndö ti lo. Me Yosafat adekongo. Tongaso *KOTA GBIA amu maboko na lo si Nzapa atumba awato ti lo na tere ti lo.

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

2 Mbai 20:35

Na pekoni, Yosafat, gbia ti Juda asara songo na Ahazia, gbia ti Israel. Sarango ye ti Ahazia ni ayeke sioni mingi.

2 Mbai 21:6

Lo mu peko ti sarango ye ti agbia ti Israel tongana ti so azo ti sewa ti Akab asara, ngbanga ti so lo mu mbeni molenge ti Akab ti ga wali ti lo. Lo sara ye so ayeke sioni na le ti *KOTA GBIA.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

2 Korente 6:14

Azo so ama na be pepe, ala bongbi oko na ala ti sara kua pepe. Ye ti mbirimbiri na ye ti sioni ayeke bongbi oko tongana nyen? Zango ndo na vukongo ndo ayeke duti na ndo oko?