2 Mbai 17:8 - Mbeti ti Nzapa - Tënë so amu fini

⁸ Ala na azo ti mara ti Lévi so laa ague: Shemaya, Netania, Zebadia, Asael, Shemiramot, Jonatan, Adonia, Tobia na Tob-Adonia. Awayango-sandaga Elishama na Yoram ayeke nga na tere ti ala.

2 Mbai 17:8 ပူးပေါင်းရင်းမြစ်များ

2 Mbai 19:8

Na Jérusalem nga, Yosafat azia ambeni zo ti mara ti Lévi, ambeni wayango-sandaga nga na amakonzi ti asewa ti Israel titene ala fâ ngbanga ti azo na iri ti KOTA GBIA si ala leke nga atënë so ayeke na popo ti azo ti gbata ni.

2 Mbai 35:3

Na pekoni, lo tene na azo ti mara ti Lévi so a zia ala nde ndali ti KOTA GBIA si ala yeke fa ye na azo ti Israel, lo tene: “Sanduku ti *mbuki so ayeke nde si ayeke nzoni kue so, ala zia ni na ya ti kota da ti Nzapa, da so Salomon, molenge ti David, gbia ti Israel asara ando so; fade ala yeke kiri ti yo ni na ndö ti go ti ala pepe. Fadeso ala sara kua na KOTA GBIA, Nzapa ti ala, ala sara nga kua na azo ti Israel, azo ti lo.

Malashii 2:7

Biani, kua ti wayango-sandaga ayeke ti fa lege na azo si ala hinga Nzapa. Azo ayeke ga na mbage ti lo ti gi ti hinga ye so ndia afa, ngbanga ti so lo yeke watokua ti KOTA GBIA so ayeke na ndö ti dunia kue.