2 Mbai 17:6 - Mbeti ti Nzapa - Tënë so amu fini

⁶ Lo zia be ti lo kue ti sara na KOTA GBIA. Nilaa lo zi na ya ti kodro-gbia ti Juda ando so azo aleke na ndö ti ahoto si ala yeke voro anzapa nde daa; lo zi nga akeke so azo aleke aluti na nduzu ndali ti nzapa-wali *Ashera.

2 Mbai 17:6 ပူးပေါင်းရင်းမြစ်များ

1 Agbia 22:43

Yosafat amu peko ti sarango ye ti babâ ti lo Asa kue, lo zia lege ni pepe; lo sara ye so ayeke mbirimbiri na le ti KOTA GBIA.

2 Mbai 14:2

Lo zi agbalaka ti anzapa ti awande nga na ando so azo aleke na ndö ti ahoto si ala yeke voro anzapa nde daa; lo kungbi na sese angbongboro têne so azo aleke si aluti na nduzu, lo fâ ya ti akeke so ala leke si aluti na nduzu ndali ti nzapa-wali *Ashera.

2 Mbai 14:3

Lo mu yanga na azo ti Juda ti gi KOTA GBIA, Nzapa ti akotara ti ala, ti sara ye alingbi na ndia ti lo nga na atënë ti ndia ti lo.

2 Mbai 15:17

Me ando so azo aleke na ndö ti ahoto ti voro anzapa nde daa, Asa azi ni na sese ti Israel pepe, ataa so be ti lo ayeke use use pepe na lango so kue lo ngba na fini.

2 Mbai 19:3

Me mo sara ambeni nzoni ye: na ya ti kodro ti mo kue, akeke so azo aleke aluti na nduzu ndali ti nzapa-wali *Ashera, mo gbi ni; mo zia be ti mo kue ti gi Nzapa.”

2 Mbai 20:33

Me ando so azo aleke na ndö ti ahoto si ala yeke voro anzapa nde daa, lo zi ni pepe. Nilaa azo azia be ti ala kue pepe na Nzapa ti akotara ti ala.

2 Mbai 31:1

So matanga ni ahunzi awe, azo ti Israel so kue ayeke kâ ague na ya ti agbata ti Juda, ala fâ ya ti angbongboro têne so a leke si aluti na nduzu, ala kungbi na sese akeke so a leke si aluti na nduzu ndali ti nzapa-wali *Ashera, ala buba ando so azo aleke na ndö ti ahoto ti voro anzapa nde daa, ala buba nga agbalaka ti ando ni. Ala sara gi oko ye so na sese ti Juda kue, ti Benjamin, ti Efraim na ti Manase. Na pekoni, azo ti Israel kue akiri na ya ti agbata ti ala, zo oko oko na ndo ti lo.

Mbeti ti Job 22:26

Tongaso, fade mo yeke wara ngia ti mo na lege ti Nzapa so ngangu ti lo ahon angangu kue, mo lingbi ti yo le ti mo na mbage ti lo.

Abia (Psaumes) 119:1

Ti ala nzoni, azo so tambula ti ala alingbi kue si sarango ye ti ala alingbi na *Ndia ti *KOTA GBIA!

Abia (Psaumes) 138:5

Ayeke nzoni ala he bia na KOTA GBIA ndali ti alege ti sarango ye ti lo, ala tene: “Gonda ti KOTA GBIA ayeke kota mingi!”

Sigingo 34:13

Fade ala yeke kungbi na sese agbalaka ti azo ni, ala yeke kungbi angbongboro têne ti ala so ala leke si aluti na nduzu, ala yeke de na sese akeke so azo ni aleke aluti na nduzu si ala yeke voro ni so.

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

Awatokua 13:10

si lo tene na lo: “Mo, molenge ti Zabolo! Sioni zo ti mvene so! Be ti mo asi singo na asioni ye! Mo ke ye so kue ayeke nzoni! Lawa laa mo yeke zia ti buba ya ti ambirimbiri lege ti *Kota Gbia?

Ndia ti fani use ni 28:47

Tongana ala sara ande na KOTA GBIA Nzapa ti ala na ngia nga na nzerengo be pepe na ndembe so ala yeke na ye gbani,