2 Mbai 17:4 - Mbeti ti Nzapa - Tënë so amu fini

⁴ Me lo gi KOTA GBIA, Nzapa ti kotara ti lo, lo sara ye alingbi na atënë ti ndia ti Nzapa, lo sara ye tongana ti azo ti Israel pepe.

2 Mbai 17:4 ပူးပေါင်းရင်းမြစ်များ

1 Agbia 12:28

Na peko ti so gbia ahunda wango na azo awe, lo mu yanga titene ala leke abagara use na lôro. Lo tene na azo ni, lo tene: “Ala azo ti Israel, ala gue na Jérusalem alingbi awe! Baa, anzapa ti ala so asara si ala sigigi na kodro ti Ezipte laa!”

1 Agbia 12:30

Lege so lo pusu azo ti sara siokpari laa. Azo ni ayeke tambula na molongo na dawa ti oko bagara ni ngbii ala si na Dan.

1 Agbia 12:33

Na lango baleoko na oku ti nze miombe ni, Yeroboam asara matanga na Betel ndali ti azo ti Israel. Lo wani laa lo soro lani lango so. Na ndembe ti matanga ni, lo wani lo ma na ndö ti gbalaka so lo leke ti gbi asandaga daa.

1 Agbia 3:3

Salomon aye KOTA GBIA si lo yeke sara ye alingbi na aye so babâ ti lo David amu yanga na lo. Me lo nga, lo yeke mu asandaga ti anyama si lo yeke zö dukani na li ti ahoto ni.

1 Agbia 9:4

Ti mo, tongana mo tambula na dawa ti mbi tongana ti so babâ ti mo David asara lani, na sioni be pepe, me na be ti mbirimbiri, tongana mo sara ye kue alingbi na yanga so mbi mu na mo, tongana mo sara ye kue alingbi na andia ti mbi nga na aye so mbi fa,

2 Agbia 17:19

Me azo ti Juda nga ake ti sara ye alingbi na andia ti KOTA GBIA, Nzapa ti ala. Ala sara ye alingbi gi na atënë ti ndia so azo ti Israel wani azia na sese.

2 Agbia 8:18

Lo mu peko ti sarango ye ti agbia ti Israel tongana ti so azo ti sewa ti Akab asara, ngbanga ti so lo mu mbeni molenge ti Akab ti ga wali ti lo. Lo sara ye so ayeke sioni na le ti *KOTA GBIA.

2 Mbai 14:6

Lo tene na azo ti Juda: “E sara angangu gbagba na tere ti agbata so, e sara agbagba na tere ni, e sara akota da so ayo na nduzu, e zia angbongboro wen na yanga ni ti kanga na ni; e sara ni na ndembe so kodro ni ade ti e so. Biani, e gi KOTA GBIA, Nzapa ti e; nilaa lo sara si e duti kpoo mbage na mbage kue so.” Tongaso ala sara agbata si aye ti ala aga nzoni.

2 Mbai 17:3

*KOTA GBIA ayeke na Yosafat, ngbanga ti so lo mu peko ti akozo sarango ye ti kotara ti lo David. Lo gue na peko ti anzapa *Baal pepe.

2 Mbai 21:12

Yoram awara mbeni mbeti so wayanga-Nzapa Élie atokua na lo; tënë ti ya ti mbeti ni atene: “Tënë so KOTA GBIA, Nzapa ti babâ ti mo David atene ayeke so: Mo sara ye tongana ti babâ ti mo Yosafat pepe wala tongana ti kotara ti mo Asa, gbia ti Juda pepe.

2 Mbai 22:9

Na pekoni, Yehu amu yanga titene a gi Ahazia. Azo ague, agbu lo na Samarii, ndo so lo honde tere ti lo daa. Ala ga na lo na Yehu si a fâ lo. Ala lu lo, ngbanga ti so azo atene: “Lo yeke molenge ti ya ti sewa ti Yosafat, gbia so agi lani KOTA GBIA na be ti lo kue so.” Na ya ti sewa ti Ahazia, mbeni zo so alingbi ti le-gbia ayeke daa pepe.

2 Mbai 27:6

Yotam awara ngangu mingi, ngbanga ti so lo tambula mbirimbiri na le ti KOTA GBIA, Nzapa ti lo.

2 Mbai 29:2

Ezekias asara ye so ayeke mbirimbiri na le ti *KOTA GBIA gi tongana ti David, kotara ti lo.

2 Mbai 34:2

Lo sara ye so ayeke mbirimbiri na le ti *KOTA GBIA. Lo mu peko ti sarango ye ti kotara ti lo David; lo zia lege ni ti hon mbage na mbage pepe.

Osée 4:15

“Tongana mo Israel, mo sara ye ti ndumba, ayeke nzoni Juda asara gi mara ti sioni ye so pepe. Ala gue na Gilgal pepe, ala gue na Bet-Aven pepe si ala deba yanga ti ala pepe, atene: ‘KOTA GBIA ayeke na fini!’ ”

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

1 Tesalonike 2:12

E mu na ala wango, e sara titene be ti ala akpengba, e hunda na ala mingi titene lege ti dutingo ti ala alingbi na ti so be ti Nzapa aye, lo so lo iri ala ti li na ya ti Kodro-gbia ti lo nga na ya ti gonda ti lo.

1 Tesalonike 4:1

Ti hunzi na ni, a-ita, e fa na ala lani lege ti dutingo so ala lingbi ti duti na ni si anzere na be ti Nzapa. Biani, ala duti tongaso awe. Me fadeso, e yeke hunda na ala si e voro ala na iri ti *Kota Gbia Jésus titene lege ti dutingo ti ala akiri aga nzoni ahon ti kozoni.