2 Mbai 17:11 - Mbeti ti Nzapa - Tënë so amu fini

¹¹ Ataa azo ti Filistii kue aga na lo kadoo wala lapo ti wen ti nginza. A-arabu aga na lo anyama: akoli-taba 7 700 nga na akoli-ngasa 7 700.

2 Mbai 17:11 ပူးပေါင်းရင်းမြစ်များ

2 Samuel 8:2

Lo hon nga ndö ti azo ti Moab na bira, lo zia ala, ala lango na sese, lo diko ala si na popo ti azo ota, lo fâ azo use si lo zia oko; lo sara gi tongaso ngbii asi na ndani. Nilaa azo ti Moab aga azo ti gbe ti David si ala yeke futa lapo na lo.

1 Agbia 5:1

Salomon asara komandema na ndö ti akodro-gbia kue, ti londo na *bale ti Efrate asi na kodro ti azo ti Filistii, akiri ague ngbii asi na katikati ti sese ti Ezipte. Agbia ti akodro so kue ayeke na gbe ti Salomon, ala yeke futa alapo na lo na ngoi so kue lo ngba na fini.

2 Agbia 3:4

Mesha, gbia ti Moab ayeke na ataba mingi. Na ya ti ngu oko oko, lo yeke mu na gbia ti Israel akete taba saki ngbangbo oko, na akoli-taba saki ngbangbo oko so kua ti tere ti ala angba daa ti futa na lapo.

2 Mbai 17:12

Ngangu ti Yosafat ayeke gue guengo na nduzu. Nilaa na sese ti Juda, lo sara agbata so angangu gbagba ayeke na tere ni nga na agbata so a yeke bata akobe daa.

2 Mbai 17:5

KOTA GBIA asara si lengo-gbia ti lo akpengba. Azo ti Juda kue amu akadoo na Yosafat; nilaa lo wara mosoro mingi si azo agonda lo mingi.

2 Mbai 21:16

KOTA GBIA apusu azo ti Filistii na a-arabu so ayeke lango nduru na azo ti Etiopii ti tiri bira na Yoram.

2 Mbai 26:8

Azo ti mara ti Amon ayeke futa lapo na Ozias. Sango ti Ozias ague ngbii asi na ayanga ti kodro ti Ezipte, ngbanga ti so lo ga ngangu gbia mingi.

2 Mbai 9:14

Na ndö ni, lo yeke wara nga nginza ti lapo so azo ayeke futa na ndö ti akungba so ayeke londo na kodro wande nga na ndö ti akungba ti dengo buze. Agbia ti Arabii kue na agovoronere ti kodro ni ayeke ga nga na lo lôro na wen ti nginza.

2 Mbai 9:24

Na ngu oko oko, zo oko oko ayeke ga na mbeni nzoni ye ti mu na lo: aye so a sara na wen ti nginza nga na lôro; abongo, aye ti bira, ayombo, ambarata na *apâkârâ.

Ésaïe 13:20

Zo ayeke kiri ti lango na gbata ti Babilone pepe; ngu na ngu, zo ayeke kiri ti duti daa pepe. Ataa azo ti tambulango ka na benyama, ala yeke kiri ti sara ada ti ala ti bongo kâ pepe; ataa azo ti batango nyama, ala yeke sara si anyama ti ala alango kâ pepe.

Ezekiel 27:21

Mo na azo ti Arabii na amakonzi kue ti sese ti Kedar ayeke de nga buze. Ala yeke ga na akete taba, ataba nga na angasa ti vo na akungba ti mo.