2 Mbai 17:10 - Mbeti ti Nzapa - Tënë so amu fini

¹⁰ Akodro-gbia so kue ayeke na tere ti Juda asara mbeto ti *KOTA GBIA si mbeni oko atiri bira na Yosafat pepe.

2 Mbai 17:10 ပူးပေါင်းရင်းမြစ်များ

Tongo nda ti aye 35:5

Na pekoni, ala londo, ahon. Nzapa asara si kota mbeto agbu azo ti agbata so ayeke nduru na ala. Tongaso zo oko atumba peko ti amolenge ti Jacob pepe.

2 Mbai 14:13

Azo ti Juda amu na lege ti bira agbata so kue ayeke na tere ti Gerar, ngbanga ti so mbeto ti KOTA GBIA asara azo ti agbata ni. Azo ti Juda agbu aye ti ya ti agbata ni, ngbanga ti so mosoro mingi ayeke kâ.

2 Mbai 14:14

Ala li nga na bira na ndo ti lango ti azo ti batango anyama si ala gbu ataba na angasa gbani gbani nga na *azambala. Na pekoni, ala kiri na Jérusalem.

2 Mbai 16:9

Biani, le ti KOTA GBIA ayeke baa ndo na ndö ti sese kue titene lo mu maboko na azo so azia be ti ala kue na lo. Me ye so mo sara so, mo sara ni tongana zo so li ti lo ayeke daa pepe. Ndani laa, ti fadeso, awato ti mo ayeke ga na bira na tere ti mo.”

2 Mbai 20:29

So azo ti ambeni kodro-gbia nde ama a tene, KOTA GBIA akinda awato ti Israel, mbeto ti Nzapa asara ala mingi.

Sigingo 34:24

Fade mbi yeke tumba amara nde na dawa ti ala, mbi yeke sara si sese ti ala, azo ti Israel akono. Na ndembe so ala yeke gue fani ota na ya ti ngu oko oko na dawa ti mbi KOTA GBIA, Nzapa ti ala, zo oko ayeke tara ti mu sese ti ala pepe.

Amato 16:7

Tongana KOTA GBIA ayeda na lege ti sarango ye ti mbeni zo, ataa awato ti zo ni, lo yeke leke songo na popo ti lo na ala.

Mishe 7:17

Fade ala yeke su fuku ti sese tongana ngbo, tongana anyama so ayeke hara na sese. Na mbeto na be ti ala, ala yeke sigigi na ya ti angangu gbagba ti ala ti bira ti ga na mo KOTA GBIA, Nzapa ti e. Fade mbeto ayeke hon ndö ti ala mbeto ti mo ayeke sara ala.