2 Mbai 17:1 - Mbeti ti Nzapa - Tënë so amu fini

¹ Yosafat, molenge ti Asa aga gbia na peko ti babâ ti lo. Lo ga ngangu na kodro ti Israel.

2 Mbai 17:1 ပူးပေါင်းရင်းမြစ်များ

1 Agbia 15:24

Asa akui, lo hon na peko ti ababâ ti lo si a lu lo na tere ti ababâ ti lo na Gbata ti David. Molenge ti lo Yosafat laa aga gbia na peko ti lo.

1 Agbia 22:41

Na ngu osio ni so Akab ayeke gbia ti Israel, Yosafat, molenge ti Asa aga gbia ti Juda.

2 Agbia 1:17

Ahazia akui alingbi na tënë ti KOTA GBIA so Élie atene. Ndali ti so Ahazia ayeke na molenge pepe, ita ti lo Yoram aga gbia na peko ti lo na use ngu ni so Yoram, molenge ti Yosafat ayeke gbia ti Juda.

1 Mbai 11:10

So ayeke iri ti amakonzi ti akpengba turugu ti David, ala na azo ti Israel so kue amu maboko na David titene lo ga gbia alingbi na tënë so *KOTA GBIA atene lani na ndö ti Israel.

2 Mbai 12:1

So Roboam asara si lengo-gbia ti lo akpengba si lo ga ngangu awe, lo do *Ndia ti *KOTA GBIA, lo zia; azo ti Israel kue asara nga tongana lo.

2 Mbai 17:2

Lo zia aturugu na ya ti agbata ti Juda so kue a sara angangu gbagba na tere ni. Lo zia agovoronere na ya ti agbata ti Juda na ti Efraim so babâ ti lo Asa amu na bira.

2 Mbai 26:8

Azo ti mara ti Amon ayeke futa lapo na Ozias. Sango ti Ozias ague ngbii asi na ayanga ti kodro ti Ezipte, ngbanga ti so lo ga ngangu gbia mingi.

2 Mbai 32:5

Ezekias awara ngangu si lo kiri lo leke gbagba ti gbata ni na ando so adu akoro daa. Ada so ayo na nduzu, lo kiri lo leke ni titene ayo na nduzu ahon ti kozoni; lo sara mbeni gbagba nde na gigi ti kozo gbagba ni; lo leke nga ndo so iri ni Milo so ayeke na Gbata ti David; lo mu yanga si a sara na lo gba ti aye ti bira na *avala.

Ezekiel 7:27

Fade gbia ayeke sara mua, makonzi ayeke duti na kota mawa, maboko ti azo ti kodro ayeke do dongo. Mbi yeke sara ye na ala alingbi na lege ti sarango ye ti ala, mbi yeke fâ ngbanga na li ti ala alingbi na ngbanga so ala fâ na li ti amba ti ala. Tongaso, ala yeke hinga atene, mbi yeke KOTA GBIA.”

Matthieu 1:8

Asaf adu Yosafat; Yosafat adu Yoram; Yoram adu Ozias;

Efeze 6:10

Ti hunzi na ni, ala kpengba na lege ti kota ngangu ti *Kota Gbia, ngbanga ti so ala ga oko na lo.

1 Samuel 23:16

Mbeni lâ, Jonatan, molenge ti Saul alondo, ague, awara David na Horsha; lo mu wango ti kpengba be ti David na iri ti Nzapa.