2 Mbai 16:9 - Mbeti ti Nzapa - Tënë so amu fini

⁹ Biani, le ti KOTA GBIA ayeke baa ndo na ndö ti sese kue titene lo mu maboko na azo so azia be ti ala kue na lo. Me ye so mo sara so, mo sara ni tongana zo so li ti lo ayeke daa pepe. Ndani laa, ti fadeso, awato ti mo ayeke ga na bira na tere ti mo.”

2 Mbai 16:9 ပူးပေါင်းရင်းမြစ်များ

Tongo nda ti aye 31:28

Mo zia mbi su ngbangba ti amolenge ti mbi ti wali na a-ata ti mbi pepe. Biani mo sara ye tongana zo so li ti lo ayeke daa pepe.

2 Samuel 24:10

Na peko ti so David adiko wungo ti azo, be ti lo apika kpu kpu kpu. Lo tene na *KOTA GBIA, lo tene: “Ye so mbi sara so ayeke sioni mingi. Mbi hinga, mbi tene, mbi sara ye tongana zo so li ti lo ayeke daa pepe. Fadeso, KOTA GBIA, mo zi siokpari so na li ti mbi, zo ti kua ti mo.”

1 Agbia 15:32

Na lango so kue Asa na Basha, gbia ti Israel angba ti le-gbia, bira ayeke na popo ti ala.

2 Agbia 20:3

“Ae! KOTA GBIA, mbi gbu gere ti mo, mo dabe ti mo so mbi sara ye na le ti mo na lege ti taa-tënë si mbi sara ni na be ti mbirimbiri. Mbi sara nga ye so ayeke nzoni na le ti mo.” Na pekoni Ezekias atoto mingi.

1 Mbai 21:8

David atene na Nzapa: “Ye so mbi sara so ayeke sioni mingi. Mbi hinga, mbi tene, mbi sara ye tongana zo so li ti lo ayeke daa pepe. Fadeso, mo zi siokpari so na li ti mbi, zo ti kua ti mo.”

2 Mbai 15:17

Me ando so azo aleke na ndö ti ahoto ti voro anzapa nde daa, Asa azi ni na sese ti Israel pepe, ataa so be ti lo ayeke use use pepe na lango so kue lo ngba na fini.

2 Mbai 15:19

Ti gue ngbii ti si na ngu baleota na oku ni so kue Asa ale-gbia so, bira ayeke na ya ti kodro pepe.

2 Mbai 16:10

Asa asara ngonzo na tere ti zo ti bango nda ti aye si lo mu yanga titene a bi lo na da ti kanga, ngbanga ti so be ti Asa aso na tere ti lo ndali ti tënë so lo tene. Gi na ndembe ni so, Asa ato nda ti nika ambeni zo ti kodro.

2 Mbai 19:9

Lo mu yanga na ala, lo tene: “Fade ala yeke sara kua ni na kpengo mbeto ti KOTA GBIA, lakue na legeni nga na be ti ala kue.

2 Mbai 6:20

Zi le ti mo bi na lâ ti baa ndo na tere ti kota da so, ndo so mo tene, mo yeke duti daa. Ma sambela so mbi, zo ti kua ti mo, mbi yeke ya na mo na ndo so.

Esdras 5:5

Me le ti Nzapa ayeke na ndö ti *akangba ti azuife. Nilaa a kanga lege na ala pepe ti leke kota da ti Nzapa. Azo ni atokua mbeti na gbia Darius si ala yeke ku titene lo kiri tënë na ala na ndö ni si.

Mbeti ti Job 28:24

Lo laa lo yeke baa ndo ngbii asi na nda ti sese kue, le ti lo ayeke na ndö ti aye so kue ayeke na gbe ti yayu.

Mbeti ti Job 31:4

Ti Nzapa, lo yeke baa sarango ye ti mbi pepe? Lo yeke diko peko ti gere ti mbi pepe?

Mbeti ti Job 34:21

Biani, le ti Nzapa ayeke baa ndo na ndö ti dutingo ti azo; lo yeke baa peko ti gere ti ala kue.

Abia (Psaumes) 113:6

lo ba tere ti lo ti baa yayu na sese.

Abia (Psaumes) 33:14

Na ndo so lo duti daa, lo yeke baa azo ti ndö ti sese kue.

Abia (Psaumes) 33:15

Lo laa lo sara be ti azo kue, lo laa lo hinga sarango ye ti ala kue.

Abia (Psaumes) 33:18

Me le ti KOTA GBIA ayeke na ndö ti azo so ayeke kpe mbeto ti lo, azo so azia be ti ala ti ku nzoni be ti lo

Abia (Psaumes) 34:15

Mo ke lege ti sioni ye, mo sara nzoni ye; mo gi lege ti siriri, mo ngba daa.

Abia (Psaumes) 37:37

Mo baa zo so alingbi kue, mo baa zo so sarango ye ti lo ayeke na legeni: zo so aye tënë ti siriri, fade ahale ti lo ayeke duti nzoni.

Amato 15:3

Le ti KOTA GBIA asi na ndo kue; lo yeke baa azo ti sioni na azo ti nzoni.

Amato 5:21

KOTA GBIA abaa lege ti dutingo ti azo oko oko kue. Lo baa sarango ye kue ti ala mbirimbiri.

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Jérémie 16:17

Le ti mbi abaa asarango ye ti ala kue, ahonde na le ti mbi oko pepe; sioni so ala yeke sara ayeke polele na le ti mbi.

Jérémie 32:19

Apialo ti mo ayeke kota; na lege ti ngangu ti mo, mo yeke sara si apialo ni abaa gigi. Ye so azo ayeke sara, mo yeke baa ni kpoo. Tongaso, mo yeke sara na zo oko oko alingbi na lege ti dutingo ti lo nga na lengo ti sarango ye ti lo.

Jérémie 5:1

“Ala tambula na ndö ti alege ti Jérusalem mbage na mbage kue, ala baa ndo, ala hunda ndo, ala gi ndo na ndö ti abalabala ti wara mbeni zo, zo so ayeke sara ye mbirimbiri, zo so ayeke sara ye na legeni. Tongana ala wara mbeni zo oko tongaso, fade mbi yeke zi siokpari na li ti azo ti Jérusalem.”

Jérémie 5:21

Ala ma tënë so, ala abuba zo so li ti ala ayeke daa pepe so. Ala yeke na le, me ala baa ndo pepe; ala yeke na mê, me ala ma ndo pepe.

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Nzoni Tënë so Luc asu na mbeti 12:20

Me Nzapa atene na lo: ‘Mo buba zo! Gi na bi so mo yeke kui. Me aye so mo bongbi ni kue so, zo wa laa ayeke wara ni, zo wa?’ ”

1 Korente 15:36

Zo ti buba, gbu li ti mo kete si! Le ti kobe so mo yeke lu, tongana akui si fini ni asigigi na peko ni.

Galasii 3:1

Ala azo ti Galasii, so buba ti nyen? Zo wa laa aturne li ti ala, zo wa? Andaa, a fa na ala polele tënë ti kuâ ti Christ na ndö ti keke ti kroa!

Ahebro 4:13

Ye so kue Nzapa asara, mbeni oko so ahonde na le ti lo ayeke daa pepe. Ye kue ayeke na gbe ti le ti lo polele; ye so kue e yeke sara, fade e yeke fa peko ni na lo.

1 Pierre 3:12

Biani, le ti *Kota Gbia ayeke na ndö ti azo ti mbirimbiri, mê ti lo ayeke ma sambela ti ala; me ti azo so ayeke sara ye ti sioni, Kota Gbia ayeke londo ti ke ala.”

1 Samuel 13:13

Samuel atene na Saul: “Mo sara ye tongana zo so li ti lo ayeke daa pepe. Tënë so KOTA GBIA, Nzapa ti mo atene na mo so, mo sara ye alingbi na ni pepe. Tongana mo sara fade ye alingbi na ni, ka lo zia mo, na *ahale ti mo ti duti gbia na ndö ti azo ti Israel kpu na kpu.