2 Mbai 16:7 - Mbeti ti Nzapa - Tënë so amu fini

⁷ Na ngoi ni so, Hanani, zo ti bango nda ti aye aga awara Asa, gbia ti Juda si lo tene na lo: “Mo zia be ti mo na *KOTA GBIA, Nzapa ti mo pepe; me mo zia be ti mo na gbia ti Sirii. Ndani laa aturugu ti gbia ti Sirii akpe na maboko ti mo.

2 Mbai 16:7 ပူးပေါင်းရင်းမြစ်များ

1 Agbia 15:19

“Ayeke nzoni mbi na mo, e ga *ambuki tongana ti so babâ ti mbi na babâ ti mo asara ando so. Baa, wen ti nginza na lôro laa mbi tokua na mo na kadoo so. Gue mo buba ya ti mbuki ti mo na Basha, gbia ti Israel, tongaso si lo zia ti tiri bira na mbi.”

1 Agbia 16:1

Tënë ti *KOTA GBIA asi na wayanga-Nzapa Yehu, molenge ti Hanani titene lo tene peko ni na ndö ti Basha; tënë ni ayeke so:

1 Agbia 16:7

Tënë ti KOTA GBIA so asi lani na wayanga-Nzapa Yehu, molenge ti Hanani si lo tene peko ni na ndö ti Basha na azo ti sewa ti lo so, nda ni ayeke use: Kozoni, Basha na azo ti sewa ti lo asara ye so ayeke sioni na le ti KOTA GBIA; ala zia ngonzo na be ti lo na lege ti asioni sarango ye ti ala. Ala sara sioni tongana ti so Yeroboam na azo ti sewa ti lo asara. Use ni, Basha afâ azo ti sewa ti Yeroboam kue.

2 Agbia 18:5

Ezekias azia be ti lo gi na ndö ti KOTA GBIA, Nzapa ti Israel. Na popo ti agbia ti Juda kue, ala so aga kozo ti lo, wala ala so aga na peko ti lo, mbeni gbia tongana lo ayeke daa pepe.

1 Mbai 5:20

Na ngoi ti bira ni, ala toto na Nzapa; lo yeda na sambela ti ala si lo mu maboko na ala, ngbanga ti so ala zia be ti ala na lo. Tongaso ala hon ndö ti azo ti mara ti Hagri nga na asongo ti ala.

2 Mbai 13:18

Na lango ni so, azo ti Israel aga taa buba si azo ti Juda aso benda, ngbanga ti so ala luti na ndö ti KOTA GBIA, Nzapa ti akotara ti ala.

2 Mbai 14:11

KOTA GBIA akinda azo ti Etiopii na dawa ti Asa nga na dawa ti aturugu ti Juda; aturugu ti Etiopii akpe.

2 Mbai 16:6

Tongaso gbia Asa amu azo ti kodro ti Juda kue, ala ro atêne na akeke so Basha ayeke sara na ngangu gbagba na tere ti gbata ti Rama so, ala gue na ni. Asa amu atêne na akeke ni si lo sara na ngangu gbagba na tere ti agbata ti Geba na ti Mispa.

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

2 Mbai 20:32

Yosafat amu peko ti sarango ye ti babâ ti lo Asa, lo zia lege ni pepe; lo sara ye so ayeke mbirimbiri na le ti *KOTA GBIA.

2 Mbai 20:34

Tanga ti atënë na ndö ti Yosafat, na tongo ndani ngbii asi na ndani, a su ni na ya ti “Mbeti ti atënë na ndö ti Yehu, molenge ti Hanani”; mbeti ni ayeke na ya ti mbeti ti agbia ti Israel.

2 Mbai 24:24

Aturugu ti Sirii so aga so ayeke mingi pepe; me *KOTA GBIA azia gba ti aturugu ti Juda na maboko ti ala, ngbanga ti so azo ti Juda azia KOTA GBIA, Nzapa ti akotara ti ala. Ngbanga so a de na li ti Yoas laa.

Ésaïe 31:1

Mawa na azo so ayeke gue na Ezipte titene a mu maboko na ala! Ala zia be ti ala na ndö ti ambarata, na ndö ti apusu ti mbarata, ngbanga ti so apusu ni ayeke gbani gbani; ala zia be ti ala na ndö ti azo ti kpengo na mbarata, ngbanga ti so ala yeke na ngangu mingi. Me ala yeke baa ndo na mbage ti Nzapa ti Israel pepe, lo so lo yeke nde si lo yeke nzoni kue; ala yeke gi *KOTA GBIA pepe.

Ésaïe 32:2

Ala oko oko ayeke duti tongana mbeni gbefa so zo ayeke bata tere ti lo daa ndali ti pupu, tongana ndo so zo ayeke kpe ti honde tere ti lo daa ndali ti ngu-Nzapa, tongana ngu so ayeke sua na ndö ti holengo sese, tongana gbe ti de ti kota têne na kodro so ngu ayeke daa pepe.

Ésaïe 39:3

Na pekoni, wayanga-Nzapa Ésaïe aga awara gbia Ezekias si ahunda lo, atene: “Azo so atene na mo nyen? Ala londo na ndo wa?” Ezekias akiri tënë: “Ala londo na yongoro ndo, na Babilone, ti ga ti baa mbi.”