2 Mbai 16:4 - Mbeti ti Nzapa - Tënë so amu fini

⁴ Ben-Hadad ayeda na tënë ti gbia Asa si lo tokua amakonzi ti aturugu ti lo ti tiri bira na agbata ti Israel. Ala mu agbata ti Yon, ti Dan, na ti Abel-Maim nga na agbata so kue a yeke bata akobe daa na sese ti Neftali.

2 Mbai 16:4 ပူးပေါင်းရင်းမြစ်များ

Tongo nda ti aye 14:14

So Abram ama tënë ti ita ti lo so azo agbu lo ahon na lo so, lo mu azo ti lo ngbangbo ota na baleoko na miombe so a du ala na da ti lo si ala manda akode ti bira. Lo tumba peko ti azo so amu Lot so ngbii lo si na Dan.

1 Agbia 15:20

Ben-Hadad ayeda na tënë ti gbia Asa si lo tokua amakonzi ti aturugu ti lo ti gue ti tiri bira na agbata ti Israel. Ala mu agbata ti Yon, ti Dan, ti Abel-Bet-Maaka nga na sese ti Kineret, na tanga ti sese ti Neftali kue.

1 Agbia 9:19

Lo kiri lo leke nga agbata so kue lo yeke bata akobe daa, na agbata so lo yeke bata apusu ti bira ti lo na ambarata ti lo daa. Aye so kue be ti Salomon aye ti leke, lo leke ni na Jérusalem, na ndö ti hoto ti Liban nga na ya ti akodro so kue ayeke na gbe ti komandema ti lo. Lege so Salomon agbu azo na ngangu ti sara akua laa:

2 Agbia 16:9

Gbia ti Asirii ayeda na tënë ti Ahaz. Gbia ti Asirii ague ti tiri bira na gbata ti Damas si lo mu gbata ni. Lo gbu azo ti gbata ni, lo gue na ala na gbata ti Kir si lo fâ Resin.

2 Mbai 16:3

“Ayeke nzoni mbi na mo, e ga *ambuki tongana ti so babâ ti mbi na babâ ti mo asara ando so. Baa, wen ti nginza na lôro laa mbi tokua ni na mo so. Gue mo buba ya ti mbuki ti mo na Basha, gbia ti Israel, tongaso si lo zia ti tiri bira na mbi.”

2 Mbai 16:5

Gi so Basha ama tënë ni, lo zia lege ti sarango ngangu gbagba na tere ti gbata ti Rama.

2 Mbai 17:12

Ngangu ti Yosafat ayeke gue guengo na nduzu. Nilaa na sese ti Juda, lo sara agbata so angangu gbagba ayeke na tere ni nga na agbata so a yeke bata akobe daa.

2 Mbai 8:6

Lo kiri lo leke gbata ti Baalat, na agbata so kue lo yeke bata akobe daa, na agbata so lo yeke bata apusu ti bira ti lo na ambarata ti lo daa. Aye so kue be ti Salomon aye ti leke, lo leke ni na Jérusalem, na ndö ti hoto ti Liban nga na ya ti akodro so kue ayeke na gbe ti komandema ti lo.

Sigingo 1:11

Tongaso azo ti Ezipte azia amakonzi ti kua na ndö ti azo ti Israel titene a mu na ala akua ti ngbaa. Nilaa azo ti Israel asara agbata tongana Pitom na Ramses ndali ti batango akungba na akobe ti yaka ti Faraon.

Ésaïe 9:1

Azo so atambula na ya ti vukongo ndo, ala baa kota lumiere. Azo so aduti na ndo so avuko pitipiti, lumiere aza na ndö ti ala awe.

1 Timothée 6:10

Aye ti sioni kue alondo gi na lege ti sarango nzara ti nginza. Nzara ti nginza asara si ambeni zo azia lege ti mabe yongoro si ala tambula kirikiri, ala wani asara pasi na be ti ala mingi si ala duti na siriri pepe.

2 Pierre 2:15

Ala do lege ti mbirimbiri azia awe, ala girisa lege si ala mu peko ti Balaam, molenge ti Bosor. Balaam ayeda ti wara nginza titene lo sara ye ti sioni.

Awafango-ngbanga 20:1

Azo ti Israel kue abongbi tere tongana zo oko na dawa ti *KOTA GBIA na sese ti Mispa. Ala londo na sese ti Dan ngbii ala si na Bersheba nga na Galaad.