2 Mbai 16:3 - Mbeti ti Nzapa - Tënë so amu fini

³ “Ayeke nzoni mbi na mo, e ga *ambuki tongana ti so babâ ti mbi na babâ ti mo asara ando so. Baa, wen ti nginza na lôro laa mbi tokua ni na mo so. Gue mo buba ya ti mbuki ti mo na Basha, gbia ti Israel, tongaso si lo zia ti tiri bira na mbi.”

2 Mbai 16:3 ပူးပေါင်းရင်းမြစ်များ

2 Samuel 21:2

Gbia airi azo ti Gabaon ti tene tënë na ala. Azo ti Gabaon ayeke azo ti Israel pepe; me ala yeke tanga ti azo ti Amori so angba na fini. Azo ti Israel adeba yanga ti ala lani ti bata fini ti azo ti Gabaon. Me Saul, so tënë ti azo ti Israel na ti Juda agbu be ti lo ahon ndoni agi lege ti fâ azo ti Gabaon ti hunzi ala.

1 Agbia 15:16

Na lango so kue Asa na Basha, gbia ti Israel angba ti le-gbia, bira ayeke na popo ti ala.

2 Mbai 16:2

Tongaso Asa amu awen ti nginza na lôro so a bata na ya ti kubu ti mosoro ti kota da ti *KOTA GBIA na ti so ayeke na yangbo ti gbia si lo tokua ni na Ben-Hadad, gbia ti Sirii so ayeke lango na Damas. Lo tene na Ben-Hadad:

2 Mbai 16:4

Ben-Hadad ayeda na tënë ti gbia Asa si lo tokua amakonzi ti aturugu ti lo ti tiri bira na agbata ti Israel. Ala mu agbata ti Yon, ti Dan, na ti Abel-Maim nga na agbata so kue a yeke bata akobe daa na sese ti Neftali.

2 Mbai 18:3

Akab, gbia ti Israel ahunda Yosafat, gbia ti Juda, atene: “Mo ye titene mbi na mo, e gue, e mu Ramot, na sese ti Galaad?” Yosafat akiri tënë na lo, atene: “Mbi na mo, e yeke gi oko, aturugu ti mo na aturugu ti mbi ayeke gi oko. Fade e yeke gue ti tiri bira ni senge.”

2 Mbai 19:2

Zo ti bango nda ti aye Yehu, molenge ti Hanani, aga awara gbia Yosafat na lege si atene na lo: “Mo mu maboko na sioni zo tongaso ngbanga ti nyen? Azo so be ti ala ake *KOTA GBIA so, mo ye ala ngbanga ti nyen? Ndali ti ye so mo sara so, KOTA GBIA ayeke sara ngonzo na tere ti mo.

Abia (Psaumes) 15:4

Zo so Nzapa ake tënë ti lo, na le ti lo, lo baa zo ni tongana mbumbuse zo, me lo yeke ne zo so ayeke kpe mbeto ti KOTA GBIA. Tongana lo mu zendo ti sara mbeni ye, ataa so zendo ni ayeke ga na kpale na tere ti lo, lo yeke sara ni.

Sigingo 32:21

Na pekoni, Moïse ahunda Aaron, atene: “Azo so asara nyen na mo si mo yoro ala na ya ti kota siokpari tongaso?”

2 Korente 6:16

Nyen laa abongbi da ti Nzapa na anzapa nde, nyen? E yeke tongana da ti Nzapa, lo so lo yeke na fini. Nzapa wani atene: “Fade mbi yeke duti na popo ti azo ni si mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.”

2 Timothée 3:3

Ala yeke na be ti zo pepe, ala yeke sara mawa ti amba ti ala pepe, ala yeke tene sioni tënë na iri ti amba ti ala, ala yeke kanga nzara ti tere ti ala pepe, ala yeke sara pasi na amba ti ala, ala ye ti sara nzoni ye pepe.

Awafango-ngbanga 2:2

Me mbi mu yanga na ala titene ala na azo ti kodro so aga ambuki pepe. Fade ala kungbi agbalaka ti azo ni kue na sese. Me ala ma yanga ti mbi pepe. Nyen laa ala sara so, nyen?