2 Mbai 16:14 - Mbeti ti Nzapa - Tënë so amu fini

¹⁴ A lu lo na ya ti du ti kuâ so lo mu yanga si a zi ni na Gbata ti David. A zia kuâ ti lo na ndö ti mbeni gbogbo so asi singo na ayombo nde nde so awalekengo-yombo laa aleke ni na kode ti ala. A zö gba ti yombo ndali ti lo.

2 Mbai 16:14 ပူးပေါင်းရင်းမြစ်များ

Tongo nda ti aye 50:2

Na pekoni, lo mu yanga na awanganga so ayeke sara kua na lo titene ala sara yoro ti zia na tere ti kuâ ti babâ ti lo ti bata ni si abuba pepe. Awanganga ni asara ni.

Tongo nda ti aye 50:5

‘Na ndembe so babâ ti mbi aga nduru ti kui, lo hunda na mbi ti deba yanga ti mbi titene mbi lu kuâ ti lo na ya ti du ti kuâ so lo zi ndali ti lo wani na sese ti Kanaan so. Tongaso, mbi gbu gere ti mo, zia mbi gue, mbi lu kuâ ti babâ ti mbi si na pekoni mbi kiri.’ ”

2 Samuel 2:32

A mu kuâ ti Asael a gue na ni na Betlehem si a lu ni na ya ti du ti kuâ ti babâ ti lo. Yoab na aturugu ti lo atambula bi bi bi ngbii ala si na Hebron na yanga ti ndaperere.

2 Mbai 16:13

Na ya ti ngu baleosio na oko so Asa ale-gbia, lo kui si lo hon na peko ti ababâ ti lo.

2 Mbai 21:19

Kobela ni aninga mingi; na peko ti ngu use, ndali ti songo ti kobela ni, avi ti lo kue asigigi si lo kui na ya ti kota pasi. Azo ti kodro ti lo azö dukani ndali ti kuâ ti lo pepe, tongana ti so ala sara ndali ti kuâ ti ababâ ti lo so.

2 Mbai 32:33

Ezekias akui, lo hon na peko ti ababâ ti lo, a lu lo na ndo so a yeke lu *ahale ti David daa, na mbage ti nduzu; azo ti Juda kue na azo ti Jérusalem amu nengo na kuâ ti lo. Molenge ti lo Manase laa aga gbia na peko ti lo.

2 Mbai 35:24

Azo ti kua ti lo azi lo na ya ti pusu ti mbarata ti lo ti bira, ala zia lo na ya ti use pusu ti mbarata ti lo si ala gue na lo na Jérusalem. Yosias akui kâ si ala lu lo na ya ti sende ti kuâ ti akotara ti lo. Azo ti Juda kue na azo ti Jérusalem asara mua ti lo.

Zo ti bongbingo azo 10:1

Kuâ ti avuma so ati na ya ti mafuta ti zo ti sarango yombo asara si mafuta ni abuba si akpi. Kete buba ye ayeke buba ndara ti zo na nengo ti zo.

Ésaïe 22:16

Nyen laa mo yeke na ni ge, nyen? Zo wa laa ayeke sewa ti mo ge si mo zi du ti kuâ ndali ti mo, mo leke ni ngbii asi na nduzu, mo zi ndangba ndo ti lango ti mo na ya ti têne so?

Jérémie 34:5

Me mo yeke kui na siriri. Azo ayeke leke kuâ ti mo tongana ti so ala leke ti akotara ti mo so ayeke agbia kozo na mo. Azo ni ayeke zö dukani ndali ti mo si ala yeke he bia ti totongo kuâ so na ndö ti mo: ‘So ye ti mawa ti nyen-oo! Gbia akui awe.’ ” So tënë ti yanga ti KOTA GBIA laa.

Marc 16:1

So *lango ti wungo tere ahon awe, Marie ti kodro ti Magdala na Marie, mama ti Jacques na ti Salome avo ayombo titene ala gue, azia na tere ti kuâ ti Jésus.

1 Samuel 31:12

Akpengba turugu atambula bi bi bi, ala gue, azi kuâ ti Saul na ti amolenge ti lo na tere ti gbagba ti Bet-Shean, ala kiri na Yabesh si ala gbi ni.