2 Mbai 16:10 - Mbeti ti Nzapa - Tënë so amu fini

¹⁰ Asa asara ngonzo na tere ti zo ti bango nda ti aye si lo mu yanga titene a bi lo na da ti kanga, ngbanga ti so be ti Asa aso na tere ti lo ndali ti tënë so lo tene. Gi na ndembe ni so, Asa ato nda ti nika ambeni zo ti kodro.

2 Mbai 16:10 ပူးပေါင်းရင်းမြစ်များ

2 Samuel 11:4

David atokua azo ti ga na wali ni. Wali ni aga na da ti lo si lo lango na lo; na pekoni, wali ni akiri na da ti lo. Andaa lo *sukula fade *sioni na tere ti lo na peko ti so lo baa ya ti lo.

2 Samuel 12:13

David atene na Natan: “Mbi sara siokpari so ake KOTA GBIA awe.” Natan akiri tënë na David, atene: “KOTA GBIA azi siokpari na li ti mo awe; mo yeke kui pepe.

2 Samuel 12:31

David amu azo ti gbata ni ague na ala; lo mu na ala angangu kua ti sarango ni. Ambeni ayeke suru akeke, ambeni ayeke de tere ti atêne, ambeni ayeke de akeke, ambeni ayeke do ya ti potopoto ti sara na biriki. David asara mara ti ye tongaso na azo ti agbata ti azo ti Amon kue. Na pekoni, David na aturugu ti lo kue akiri na Jérusalem.

1 Agbia 13:4

Gi so Yeroboam ama tënë so zo ti Nzapa atene na tere ti gbalaka ti Betel, lo yoro maboko ti lo na ndö ti gbalaka ni, lo dekongo, lo tene: “Ala gbu koli so!” Me maboko ti lo so lo yoro so angba gi na nduzu, ahole; lo lingbi ti kiri na ni na tere ti lo pepe.

1 Agbia 22:27

Mo tene na ala, mo tene: Tënë so gbia atene ayeke so: ‘Ala bi ye so na da ti kanga! Ala mu na lo gi kete fuku ti mapa na kete kete ngu ngbii asi na lango so mbi yeke kiri na kodro na nzoni tere si.’ ”

2 Mbai 16:11

Atënë na ndö ti Asa, na tongo nda ni ngbii asi na ndani, a su ni na ya ti “Mbeti ti Agbia ti Juda na ti Israel.”

2 Mbai 16:9

Biani, le ti KOTA GBIA ayeke baa ndo na ndö ti sese kue titene lo mu maboko na azo so azia be ti ala kue na lo. Me ye so mo sara so, mo sara ni tongana zo so li ti lo ayeke daa pepe. Ndani laa, ti fadeso, awato ti mo ayeke ga na bira na tere ti mo.”

2 Mbai 18:26

Ala tene na amakonzi ni, atene: Tënë so gbia atene ayeke so: ‘Ala bi ye so na da ti kanga! Ala mu na lo gi kete fuku ti mapa na kete kete ngu ngbii asi na lango so mbi yeke kiri na kodro na nzoni tere si.’ ”

2 Mbai 25:16

So wayanga-Nzapa ni angba ti tene tënë, Amasia afâ tënë na yanga ti lo si lo tene: “Zo wa laa azia mo wamungo-wango na gbia, zo wa? Kai tënë so! Mo ye pika?” Wayanga-Nzapa ni akai, me lo tene: “Fadeso mbi hinga, mbi tene, Nzapa aleke na be ti lo titene mo kui, ngbanga ti so mo sara ye so si mo ke ti ma wango ti mbi.”

2 Mbai 26:19

Ngonzo agbu Ozias na tere ti awayango-sandaga, andaa lo gbu kete ta ti zongo na dukani ni na maboko ti lo. Biaku tongaso, buruma asigigi na ndö ti le ti lo, na dawa ti awayango-sandaga, taa gi na ya ti kota da ti KOTA GBIA, nduru na tere ti gbalaka so a yeke zö dukani na ndö ni.

Mbeti ti Job 20:19

Aye ni kue asi na lo, ngbanga ti so lo do awayere, lo zia, lo nika ala, lo mu da ti ala na ngangu, me lo sara da ti li ti lo wani pepe.

Abia (Psaumes) 141:5

Tongana zo ti mbirimbiri apika mbi, andaa lo sara nzoni be na mbi laa. Tongana lo suku na mbi, andaa nzoni mafuta laa lo tuku na li ti mbi, mbi lingbi ti ke ni pepe. Me mbi yeke ngba ti sambela, ataa so ala yeke sara sioni na mbi.

Ésaïe 51:23

Mbi yeke mu kopo ni na azo so lani ayeke sara pasi na mo. Ala yeke tene lani na mo, atene: ‘Lango na sese, e tambula na ndö ti mo!’ Mo yeke zia lani peko ti mo si aga tongana sese, wala tongana lege so azo ayeke hon daa.”

Jérémie 20:2

Tongaso, lo pika mê ti wayanga-Nzapa Jérémie si lo mu yanga titene a kanga lo na ya ti olongbo so ayeke na yanga ti kota da ti Nzapa, ti mbage ti nduzu so iri ni ti Benjamin, ndo so azo ayeke hon daa ti li na ya ti kota da ti KOTA GBIA.

Jérémie 26:21

Gbia Yoakim, lo na angangu turugu ti lo kue nga na akota zo ti kodro ti lo ama atënë so Uria atene. Tongaso, gbia agi lege ti fâ lo. So Uria ama tënë ni, mbeto agbu lo si lo kpe, lo gue na Ezipte.

Jérémie 29:26

“KOTA GBIA amu mo ti ga wayango-sandaga na peko ti Yoyada awe. Alingbi mo baa ndo na ndö ti azo ti gbogbolinda so atene, ala yeke awayanga-Nzapa si ala yeke sara kua na ya ti kota da ti Nzapa so. Alingbi mo kanga ala na ya ti olongbo, mo zia zingiri na go ti ala.

Jérémie 37:15

Akota zo ni asara ngonzo mingi na tere ti Jérémie si ala pika lo. Na pekoni, ala kanga lo na ya ti da ti Jonatan, wakuasu ti letaa; andaa azo ni asara si da ni aga da ti kanga.

Jérémie 51:34

“Nabukodonosor, gbia ti Babilone ate mbi awe, lo pete ya ti mbi kue, lo do mbi, lo zia tongana sembe so ya ni angba senge. Lo mene mbi tongana kota ngbo so amene ye; lo sara si ya ti lo asi na anzerengo ye ti tere ti mbi; na pekoni lo bi tanga ni na ngonda.

Abia ti demango tere 3:34

So azo amu azo ti kanga kue ti kodro si asara na ala taa kua ti mbana so,

Nzoni Tënë so Luc asu na mbeti 3:20

Tongaso Herode akiri asara mbeni ye ti sioni so ahon ndoni: lo mu yanga si a gbu Jean, a bi lo na da ti kanga.