2 Mbai 15:9 - Mbeti ti Nzapa - Tënë so amu fini

⁹ Mingi ti azo ti mara ti Efraim, ti Manase na ti Siméon akiri na peko ti Asa si ala duti na kodro ti lo. Ala baa so KOTA GBIA Nzapa ti lo ayeke na lo. Tongaso lo bongbi ala, ala na azo ti Juda na ti Benjamin kue.

2 Mbai 15:9 ပူးပေါင်းရင်းမြစ်များ

Tongo nda ti aye 26:28

Ala kiri tënë, atene: “E baa biani so KOTA GBIA ayeke na mo. Nilaa e tene na be ti e, e tene, ayeke nzoni e na mo, e deba yanga ti e na popo ti e ti ga ambuki.

Tongo nda ti aye 39:3

Wa ti Joseph abaa so KOTA GBIA ayeke na Joseph si KOTA GBIA ayeke sara titene aye so kue lo yeke sara, aga nzoni.

1 Agbia 12:19

Lege so azo ti Israel ti Banga ake ti duti na gbe ti komandema ti azo ti sewa ti David ngbii asi laso laa.

1 Agbia 3:28

Azo ti Israel kue ama tënë ti ngbanga so gbia Salomon afâ. Ala kpe mbeto ti gbia, ngbanga ti so ala baa so Nzapa amu na lo ndara ti fâ ngbanga mbirimbiri.

1 Mbai 12:19

Tongaso yingo ti Nzapa agbu Amasai, makonzi ti aturugu ti batango gbia si lo tene: “E yeke ti mo, David; e yeke na mo, molenge ti Yese! Siriri, siriri aduti na mo! Siriri aduti na zo so ayeke mu maboko na mo, ngbanga ti so Nzapa ti mo amu maboko na mo awe.” David ayamba ala si lo zia ala amakonzi ti aturugu ti lo.

2 Mbai 11:16

Azo ti amara kue ti Israel, ala so azia be ti ala ti gi *KOTA GBIA, Nzapa ti Israel, ala mu peko ti azo ti mara ti Lévi ti gue na Jérusalem titene ala mu *asandaga na KOTA GBIA, Nzapa ti akotara ti ala.

2 Mbai 15:10

Ala bongbi na Jérusalem na ya ti ota nze ni, na ngu baleoko na oku ni so Asa ayeke le-gbia.

2 Mbai 19:4

Yosafat angba na Jérusalem. Na pekoni, lo to nda ti tambula na popo ti azo ti lo, ti londo na Bersheba ngbii asi na sese ti Efraim, ndo so ahoto ayeke daa. Lo sara si azo ni akiri na mbage ti KOTA GBIA, Nzapa ti akotara ti ala.

2 Mbai 30:25

Bongbi ti azo ti Juda kue, awayango-sandaga, azo ti mara ti Lévi, azo so kue alondo na Israel si aga, ala so aga ndali ti matanga ni wala ala so ayeke lango na sese ti Juda, ala kue ayeke na ngia.

Ezekiel 37:16

“Mo, *molenge ti zo, mu mbeni nduru keke, mo su tënë so na ndö ni: ‘Juda na azo ti Israel ti kodro-gbia so’. Na pekoni, mu mbeni nduru keke nde, mo su tënë so na ndö ni: ‘Joseph wala Efraim na azo ti Israel ti kodro-gbia so’.

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.

1 Samuel 18:28

Saul abaa si lo hinga atene, KOTA GBIA ayeke na David si molenge ti lo ti wali Mikal aye David.