2 Mbai 15:8 - Mbeti ti Nzapa - Tënë so amu fini

⁸ So Asa ama atënë so nga na tënë so wayanga-Nzapa Oded atene na peko ti yanga ti Nzapa, lo wara ngangu si lo zi ayanda so ayeke na sese ti Juda na ti Benjamin; lo zi nga ayanda so ayeke na ya ti agbata so lo mu na bira si ayeke na sese ti Efraim, ndo so ahoto ayeke daa. Na pekoni, lo leke gbalaka ti KOTA GBIA so ayeke na dawa ti kubu so azo ayeke hon daa ti li na ya ti kota da ti Nzapa.

2 Mbai 15:8 ပူးပေါင်းရင်းမြစ်များ

1 Agbia 11:5

Salomon avoro Astarte, nzapa-wali ti azo ti Sidon. Lo voro nga Milkom, fungo nzapa ti azo ti mara ti Amon.

1 Agbia 11:7

Na ngoi ni so, Salomon aleke mbeni ndo na li ti hoto si lo zia ni nde ndali ti Kemosh, fungo nzapa ti azo ti mara ti Moab; hoto ni abaa le na gbata ti Jérusalem. Lo leke nga ndo ni ndali ti Molek, fungo nzapa ti azo ti mara ti Amon.

1 Agbia 15:9

Na ngu baleuse ni so Yeroboam ayeke gbia ti Israel, Asa aga gbia ti Juda.

2 Agbia 16:14

Ti gbalaka so a sara na bengba wen si a zia ni nde ndali ti KOTA GBIA so, lo zi ni na ndo so ayeke daa kozoni; gbalaka ni ayeke ando na dawa ti kota da ti KOTA GBIA, na popo ti kota da ni na fini gbalaka. Lo zia gbalaka ni na peko ti fini gbalaka ni, na mbage ti Banga.

2 Agbia 18:22

Gbaa, ala yeke tene na mbi, atene: E zia be ti e na ndö ti KOTA GBIA, Nzapa ti e. Me mo, Ezekias laa mo zi lani ando so a leke na ndö ti ahoto ti voro lo daa; mo zi nga agbalaka ti lo si mo mu yanga na azo ti Juda nga na azo ti Jérusalem ti voro KOTA GBIA gi na dawa ti gbalaka so na Jérusalem!

2 Agbia 23:13

Ando so azo aleke na ndö ti ahoto si ayeke baa le na Jérusalem, na mbage ti Mbongo, gbia asara si aga *sioni. Salomon, gbia ti Israel asara ando ni ndali ti Astarte, fungo nzapa-wali ti azo ti Sidon. Salomon asara nga ni ndali ti Kemosh, fungo nzapa ti azo ti Moab, ndali ti Milkom, fungo nzapa ti azo ti Amon.

2 Mbai 13:19

Abia atumba peko ti Yeroboam; lo mu agbata tongana: Betel, Yeshana na Efron nga na ambeni kodro so ayeke na tere ni.

2 Mbai 17:2

Lo zia aturugu na ya ti agbata ti Juda so kue a sara angangu gbagba na tere ni. Lo zia agovoronere na ya ti agbata ti Juda na ti Efraim so babâ ti lo Asa amu na bira.

2 Mbai 19:11

Fade kota wayango-sandaga Amaria ayeke duti na li ti ala ndali ti akua kue ti KOTA GBIA. Makonzi ti azo ti mara ti Juda, Zebadia, molenge ti Ismael, lo laa lo yeke duti na li ti ala ndali ti akua kue ti gbia. Azo ti mara ti Lévi laa ayeke duti na tere ti ala ti su aye kue na mbeti. Ala gbu ngangu, ala sara kua! Ayeke nzoni KOTA GBIA aduti na zo so ayeke sara nzoni ye.”

2 Mbai 19:4

Yosafat angba na Jérusalem. Na pekoni, lo to nda ti tambula na popo ti azo ti lo, ti londo na Bersheba ngbii asi na sese ti Efraim, ndo so ahoto ayeke daa. Lo sara si azo ni akiri na mbage ti KOTA GBIA, Nzapa ti akotara ti ala.

2 Mbai 29:18

Na pekoni, azo ti mara ti Lévi ague na ndo ti gbia Ezekias si ala tene na lo: “E zi *sioni na tere ti kota da ti KOTA GBIA kue awe. Gbalaka so a yeke mu na ndö ni asandaga so a yeke gbi ni kue na wâ nga na aye ti tere ni, e zi *sioni na tere ni awe. Meza so a yeke zia mapa na ndö ni na dawa ti KOTA GBIA nga na aye ti tere ni, e zi nga *sioni na tere ni awe.

2 Mbai 4:1

A sara gbalaka na bengba wen; yongoro ti gbalaka ni ayeke metere baleoko, nduru ni ayeke metere baleoko, yongo ni na nduzu ayeke metere oku.

2 Mbai 8:12

Tongaso, Salomon amu *asandaga so a yeke gbi ni kue na wâ na KOTA GBIA na ndö ti gbalaka so lo sara ndali ti KOTA GBIA na dawa ti yanga ti kubu so a yeke hon daa ti li na ya ti kota da ti Nzapa.

Ésaïe 44:14

Lo fâ keke ti sedre, lo soro keke ti shene wala ti terebente na popo ti akeke ti ngonda. Lo lu keke ti pen, ngu-Nzapa apika na ndö ni si ayeke kono.

Ésaïe 65:4

Ala yeke duti na popo ti asende ti kuâ, ala yeke lango na ya ti adu ti têne; ala yeke te kasa ti nguru, ya ti asembe ti ala asi singo na kobe so ayeke *sioni mingi.

Jérémie 16:18

Mbi yeke mu na ala kozoni futa fani use alingbi na sioni nga na siokpari ti ala, ngbanga ti so ala sara si kodro ti mbi aga sioni. Ye so aga ti mbi, ala sara si asi singo na afungo nzapa ti ala so ayeke na fini pepe so; ala sara si ye ti mbi ni asi singo na asioni nzapa ti ala so zo alingbi ti baa na le ti lo fani use pepe so.”

Ezekiel 8:10

Mbi li si ye so mbi baa ayeke so: na tere ti dere ti gbagba ni kue, a de alimo ti anyama nde nde so kue ayeke hara harango nga na anyama so ayeke sioni so akpa titene zo abaa ni pepe. A de nga limo ti ayanda kue ti azo ti Israel na tere ti dere ni angoro ni kue kue kue.

Awayango-sandaga 18:30

“Ala bata atënë ti yanga ti mbi; ala sara mara ti asioni ye so azo asara ando kozo ti ala so pepe. Ala ga *sioni pepe na lege ti sarango mara ti aye tongaso. Mbi laa mbi yeke KOTA GBIA, Nzapa ti ala.”

Matthieu 25:16

Lo so lo wara ale ti lôro ngbangbo oku so ague hio si lo de buze na ni, lo kiri lo wara ambeni le ti lôro ngbangbo oku na ndö ni.

Awatokua 28:15

A-ita, azo ti Christ ti Rome ama tënë ti e, ala ga na lege ti e ngbii asi na Gara-ti-Apius nga na Ada-Ota-ti-Agene. So Paul abaa ala, lo mu singila na Nzapa si be ti lo akiri awara ngangu.

Ndia ti fani use ni 27:15

‘Deba aga na ndö ti zo so amu wen akporo ni si asara na mbeni nzapa nde wala na mbeni yanda si lo honde ni na mbeni ndo ti voro ni!. So ayeke ye so maboko ti zo asara. Tongaso, ayeke ye so ayeke sioni mingi na le ti *KOTA GBIA.’ Fade azo kue ayeke kiri tënë: ‘Amen!’

1 Pierre 4:3

Ando, ala mu ngoi mingi ti sarango na aye tongana ti azo so ahinga Nzapa pepe. Ala yeke sara aye ti ndumba, ala yeke sara nzara ti aye ti amba ti ala, ala yeke angbaa ti samba, ala yeke sara matanga ti te, ti nyon butuma, ala yeke voro anzapa nde, ye so akpa titene zo asara ni pepe.

Awafango-ngbanga 10:16

Na pekoni, azo ti Israel aga azi anzapa ti awande so ayeke na popo ti ala, ala kiri avoro KOTA GBIA. Tongaso, KOTA GBIA akanga be ti lo gbaa na ndö ti pasi so azo ti Israel ayeke baa.