2 Mbai 15:7 - Mbeti ti Nzapa - Tënë so amu fini

⁷ Me ti ala fadeso, azo ti Israel, ala gbu ngangu, be ti ala awoko pepe. Fade ala yeke wara futa ti kua ti ala.”

2 Mbai 15:7 ပူးပေါင်းရင်းမြစ်များ

Tongo nda ti aye 15:1

Na peko ti aye so, tënë ti KOTA GBIA asi na Abram na lege ti mbeni ye tongana bango-li si atene na lo: “Sara mbeto pepe, Abram. Mbi laa mbi yeke *vala ti mo. Ye so mo yeke wara ande na peko ti ye so mo sara ayeke kota mingi.”

1 Mbai 28:20

Na pekoni, David atene na molenge ti lo Salomon: “Gbu ngangu, sara ye ti koli, mo sara ye! Zia mbeto asara mo pepe, zia mbeto ahon ndö ti mo pepe! Fade KOTA GBIA, Nzapa ti mbi ayeke na mo, lo yeke girisa mo pepe, lo yeke zia mo pepe, ngbii kua ti kota da ti KOTA GBIA ahunzi.

2 Mbai 19:11

Fade kota wayango-sandaga Amaria ayeke duti na li ti ala ndali ti akua kue ti KOTA GBIA. Makonzi ti azo ti mara ti Juda, Zebadia, molenge ti Ismael, lo laa lo yeke duti na li ti ala ndali ti akua kue ti gbia. Azo ti mara ti Lévi laa ayeke duti na tere ti ala ti su aye kue na mbeti. Ala gbu ngangu, ala sara kua! Ayeke nzoni KOTA GBIA aduti na zo so ayeke sara nzoni ye.”

2 Mbai 32:7

“Ala gbu ngangu, ala kanga be ti ala! Ala sara mbeto pepe, ala do na mbeto pepe na dawa ti gbia ti Asirii na gba ti azo so amu peko ti lo so. Biani, ngangu so ayeke na e ayeke mingi ahon ti lo.

Abia (Psaumes) 19:11

Aye ni kue ayeke nzoni mingi ahon lôro, ahon gba ti lôro ti nzoni ni; aye ni anzere ahon mafuta ti wotoro, anzere ahon mafuta ti wotoro ti nzoni ni.

Abia (Psaumes) 27:14

Zia be ti mo ti ku KOTA GBIA! Gbu ngangu! Kanga be ti mo! Zia be ti mo ti ku KOTA GBIA!

Abia (Psaumes) 58:11

Fade tere ti zo ti mbirimbiri ayeke nzere tongana lo baa a kiri na azo ti sioni peko ti sioni ti ala; fade lo yeke tambula na ya ti mene ti ala.

Jérémie 31:16

Me tënë so KOTA GBIA atene ayeke so: “Awe-oo! Kiri mo dema tere ti mo pepe! Kiri mo toto pepe! Fade mo yeke wara futa ti kua ti mo; so tënë ti yanga ti KOTA GBIA laa. Amolenge ti mo ayeke londo na ndo ti awato ti ala ti kiri.

Daniel 10:19

Na pekoni, lo tene na mbi, lo tene: ‘Mo koli so Nzapa aye lo mingi so, mo sara mbeto pepe! Ayeke nzoni mo duti na siriri! Wara ngangu, kpengba tere ti mo!’ So lo yeke tene tënë na mbi, ngangu ti mbi ato nda ti ga daa si mbi tene na lo, mbi tene: ‘Babâ, mo lingbi ti tene tënë senge, ngbanga ti so mo mu na mbi ngangu awe.’

Zakarii 8:9

Tënë so KOTA GBIA so ayeke na ndö ti dunia kue atene ayeke so: “Ala gbu ngangu! Ala ma fadeso atënë so awayanga-Nzapa atene na ngoi so a yeke zia agere ti kota da ti KOTA GBIA titene akiri asara da ni.

Matthieu 5:12

Ayeke nzoni be ti ala anzere, ala duti na ngia, ngbanga ti so futa ti ala ayeke ande kota na yayu. Biani, gi tongaso laa azo asara ando ngangu na awayanga-Nzapa so ayeke kozoni na ala.”

Matthieu 5:46

Tongana ala ye gi azo so aye ala, nzoni ye ti nyen laa ala yeke wara na pekoni? Azo ti rongo nginza ti lapo ayeke sara nga gi tongaso pepe?

Matthieu 6:1

“Ala sara hange! Tongana ala sara nzoni kua ndali ti Nzapa, ala sara ni titene azo abaa ala pepe. Tongana ala yeke sara kua ni gi ndali ti le ti azo, fade Babâ ti ala so ayeke na yayu ayeke mu na ala futa ni pepe.

Matthieu 6:18

si azo ahinga pepe atene, mo yeke ke kobe. Me mo sara si gi Babâ ti mo ahinga tënë ni; Babâ ti mo so ayeke daa si zo alingbi ti baa lo pepe so. Lo yeke baa ye so mo yeke sara na hondengo ni si lo yeke mu ande na mo ye ti peko ni.”

Matthieu 6:4

Mu ye ni na hondengo ni si Babâ ti mo so ayeke baa ye so mo yeke sara na hondengo ni amu na mo ye ti peko ni.”

Matthieu 6:6

Ti mo, tongana mo ye ti sambela, mo li na ya ti kubu ti mo, mo kanga yanga ti kubu ni si mo sambela Babâ ti mo so zo ayeke baa lo pepe. Fade Babâ ti mo so ayeke baa ye so mo yeke sara na hondengo ni ayeke mu na mo ye ti peko ni.

Nzoni Tënë so Luc asu na mbeti 6:35

Me ala ye awato ti ala, ala sara nzoni na azo! Ala sara boon na azo, me ala ku ti wara mbeni ye na peko ni pepe. Tongaso si ala yeke wara ande kota ye ti nzoni na pekoni si ala yeke duti amolenge ti Nzapa so ayeke na yayu kâ na ndö ti aye kue. Nzapa ayeke sara nzoni na azo so ahinga ti mu singila pepe nga na azo ti sioni.

1 Korente 15:58

Tongaso, a-ita ti mbi so mbi ye ala mingi, ala luti ngangu, ye ayingi ala pepe! Ala ngba lakue na sarango kua ti Kota Gbia. Ayeke nzoni, ala hinga atene, kua so ala yeke sara na Kota Gbia, peko ni ayeke ngba senge pepe.

1 Korente 16:13

Le ti ala akpengba, ala gbu ngangu na lege ti mabe, ala duti tongana akoli, ala kpengba!

1 Korente 3:14

Zo so asara da si da ni angba, fade lo yeke wara futa ti kua ti lo.

1 Korente 3:8

Zo so alu ye na zo so atuku ngu na ndö ni, ala kue ayeke gi legeoko. Fade Nzapa ayeke mu na zo oko oko futa ti lo alingbi na kua so lo sara.

Efeze 6:10

Ti hunzi na ni, ala kpengba na lege ti kota ngangu ti *Kota Gbia, ngbanga ti so ala ga oko na lo.

Kolose 3:24

Ayeke nzoni ala hinga atene, Kota Gbia ayeke futa ande ala; so ti tene ala yeke wara anzoni ye so Kota Gbia ayeke bata ni ndali ti azo ti lo. Taa Gbia so ala yeke sara kua na lo ayeke Christ.

Ahebro 10:35

Tongaso, be ti ala so ala zia na ndö ti Nzapa, ala girisa ni pepe, fade ala yeke wara kota ye na peko ni.

Ahebro 6:10

Biani, Nzapa ayeke kirikiri pepe. Yengo so ala ye ando lo na ni nga na sarango nzoni so ala yeke sara na a-ita ti ala, azo ti Nzapa si ala ngba daa laso so, fade Nzapa ayeke girisa ni pepe.

Josué 1:6

Gbu ngangu, mo sara ye ti koli, ngbanga ti so mo laa mo yeke sara ande titene kodro so mbi deba yanga ti mbi ti mu na akotara ti ala, aga ye ti ala.

Josué 1:7

Biani, gbu ngangu, mo sara ye ti koli; mo sara ye alingbi na *Ndia so kue Moïse, zo ti kua ti mbi, afa na mo. Mo zia lege ti Ndia ni ti gue mbage na mbage pepe; tongaso si na ndo so kue mo yeke gue daa, aye so kue mo yeke sara, fade ayeke ga nzoni.

Josué 1:9

Mbi mu yanga na mo, mbi tene: gbu ngangu, mo sara ye ti koli! Zia mbeto asara mo pepe, zia mbeto ahon ndö ti mo pepe, ngbanga ti so mbi KOTA GBIA, Nzapa ti mo, fade mbi yeke na mo na ndo so kue mo yeke gue daa.”

Josué 14:14

Ndani laa, Kaleb, molenge ti Yefune, zo ti kete mara ti Kenaz awara gbata ti Hebron si angba ti lo ngbii asi laso. Lo wara ni, ngbanga ti so lo mu lani peko ti KOTA GBIA, Nzapa ti Israel na be ti lo kue.

2 Jean 1:8

Ala sara hange! Tongaso, fade ye ti peko ti kua ti e agirisa na maboko ti ala pepe, me ala wara futa ti kua ti ala kue.

Ruth 2:12

Mbi sambela titene anzoni ye so mo sara so, KOTA GBIA akiri peko ni na mo. Ayeke nzoni KOTA GBIA, Nzapa ti Israel, so mo ga ti duti na gbe ti lo akiri peko ni kue na mo.”