2 Mbai 15:6 - Mbeti ti Nzapa - Tënë so amu fini

⁶ Mara ayeke tiri na mbeni mara, gbata ayeke tiri na mbeni gbata, ngbanga ti so Nzapa ayingi ala na lege ti aye ti ngangu nde nde.

2 Mbai 15:6 ပူးပေါင်းရင်းမြစ်များ

2 Mbai 12:15

Aye so Roboam asara, na tongo ndani ngbii asi na ndani, a su tënë ni na molongo ni, na molongo ni na ya ti “Mbeti ti aye so wayanga-Nzapa Shemaya na Ido, zo ti bango nda ti aye asara”. Bira angba lakue na popo ti Roboam na Yeroboam.

2 Mbai 13:17

Abia na aturugu ti lo afâ azo ti Israel gbani gbani: akpengba turugu ti Israel 500 000 akui.

2 Mbai 33:11

Tongaso KOTA GBIA asara si amakonzi ti aturugu ti gbia ti Asirii aga na tere ti ala. Aturugu ni agbu Manase, ala yoro *kongi na ngbangba ti lo, ala kanga lo na zingiri ti bengba wen si ala gue na lo na Babilone.

2 Mbai 36:17

Tongaso, KOTA GBIA atokua gbia ti Babilone na tere ti ala; gbia ni afâ amaseka ti Israel taa na ndo ti ala so ayeke nde si ayeke nzoni kue. Maseka-koli wala maseka-wali wala kangba wala mbakoro, lo baa mawa ti zo oko pepe. KOTA GBIA azia ala kue na maboko ti gbia ni.

Abia (Psaumes) 106:41

Lo zia ala na maboko ti amara nde; azo ti kengo ala laa asara komandema na ndö ti ala.

Ésaïe 10:6

Mbi tokua lo na tere ti amara so ake mbi, mbi tokua lo ti gue hio na tere ti azo so asara si ngonzo ti mbi alondo. Mbi tokua lo ti nzi ye ti azo ni, ti gbu aye ti ala tongana ti so a yeke gbu ye na peko ti bira, ti do ala na gbe ti gere tongana ti so zo ayeke do ya ti potopoto na ndö ti lege.

Ésaïe 19:2

*KOTA GBIA atene: “Mbi yeke pusu azo ti Ezipte na tere ti amba ti ala, zo oko oko ayeke tiri na ita ti lo, zo oko oko ayeke tiri na mba ti lo mbeni gbata ayeke tiri na mbeni gbata, mbeni kodro-gbia ayeke tiri na mbeni kodro-gbia.

Jérémie 25:32

Tënë so KOTA GBIA so ayeke na ndö ti dunia kue atene ayeke so: “Kota kpale alondo na mbeni mara asi na mbeni mara, ngangu pupu ti ngu-Nzapa alondo na nda ti sese kâ si ayeke ya.”

Amos 3:6

Tongana a huru didi na ya ti mbeni gbata ti fa tënë ti bira, fade mbeto alingbi ti gbu azo pepe? Tongana kpale asi na ya ti mbeni gbata, *KOTA GBIA laa asara ye ni pepe?

Aggée 2:22

Mbi yeke kinda mbata ti agbia si mbi yeke zi ngangu ti akodro-gbia ti amara; mbi yeke kinda apusu ti mbarata na azo ti kpengo na ni; ambarata na azo ti kpengo na ambarata ni ayeke ti. Zo oko oko ayeke fâ mba ti lo na yongoro zeme.

Matthieu 24:7

Fade mbeni mara ayeke londo ti tiri na mbeni mara, mbeni kodro-gbia ayeke londo ti tiri na mbeni kodro-gbia; kota nzara ayeke ga si sese ayeke yingi na ando nde nde.

Marc 13:8

Fade mbeni mara ayeke londo ti tiri na mbeni mara, mbeni kodro-gbia ayeke londo ti tiri na mbeni kodro-gbia; sese ayeke yingi na ando nde nde, kota nzara ayeke ga. Fade aye so ayeke duti tongana kozo songo ti ya ti wali so aga nduru ti du.

Awafango-ngbanga 2:14

KOTA GBIA asara ngonzo na tere ti azo ti Israel. Lo zia ala na maboko ti azo ti gbungo ye ti azo si azo ni agbu aye ti ala kue. Lo ka ala na awato ti ala so alango nduru na ala; ala lingbi ti gbu le ni na awato ti ala mbeni pepe.