2 Mbai 15:4 - Mbeti ti Nzapa - Tënë so amu fini

⁴ Me lani, na ya ti ye ti ngangu so ala yeke daa, ala kiri na mbage ti KOTA GBIA, Nzapa ti Israel; ala kiri agi lo si lo zia lege na ala titene ala wara lo.

2 Mbai 15:4 ပူးပေါင်းရင်းမြစ်များ

2 Mbai 15:15

Tere ti azo ti Juda kue anzere ndali ti deba ti yanga ti ala so ala de so, ngbanga ti so ala sara ni na be ti ala kue. Azo kue azia be ti ala ti gi KOTA GBIA; nilaa lo zia lege na ala ti wara lo. Lo mu na ala siriri mbage na mbage kue.

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

2 Mbai 33:12

So lo yeke na ya ti pasi, lo voro tere ti lo na KOTA GBIA, Nzapa ti lo; lo sara tere ti lo kete mingi na gbe ti Nzapa ti akotara ti lo.

Abia (Psaumes) 106:44

Me tongana KOTA GBIA ama toto ti ala si lo baa ye ti ngangu so asi na ala,

Ésaïe 51:1

*KOTA GBIA atene: “Ala so ayeke gi titene a soo ala, ala so ayeke gi mbi, ala ma mbi si! Ala baa kota têne so a de tere ni si a sara na ala; ala gbu li ti ala na ndö ti du ti têne so a gboto ala na ya ni si a sigigi na ala.

Ésaïe 55:6

Ala gi *KOTA GBIA na ndembe so ala lingbi ti wara lo. Ala iri lo na ndembe so lo yeke nduru na ala.

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Osée 6:1

Nilaa ala yeke tene: “Ala ga, e kiri na mbage ti *KOTA GBIA. Lo laa lo zia ka na tere ti e, lo laa lo yeke sara si ka ni amu; lo laa lo pika e si e wara ka, lo laa lo yeke kanga le ti ka ni.

Zakarii 1:3

nilaa fade mo yeke tene na ala: Tënë so KOTA GBIA so ayeke na ndö ti dunia kue atene ayeke so: Ala kiri na mbage ti mbi – so tënë ti yanga ti KOTA GBIA so ayeke na ndö ti dunia kue laa – si fade mbi yeke kiri na mbage ti ala; tënë so KOTA GBIA so ayeke na ndö ti dunia kue atene laa.

Rome 10:20

Ésaïe atene tënë ni na mbeto pepe, lo tene: “Azo so agi mbi pepe, ala laa awara mbi; azo so ahunda ye na mbi pepe, ala laa mbi fa tere ti mbi na ala.”