2 Mbai 15:2 - Mbeti ti Nzapa - Tënë so amu fini

² Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

2 Mbai 15:2 ပူးပေါင်းရင်းမြစ်များ

1 Agbia 11:25

Na ndö ti sioni so Hadad asara, Rezon ayeke wato ti azo ti Israel na lango so kue Salomon angba na fini. Be ti Rezon ake azo ti Israel na ngoi so kue lo ngba ti le-gbia na sese ti Sirii.

1 Agbia 18:18

Élie akiri tënë: “Mbi laa mbi ga na kpale na ndö ti Israel pepe; me mo na azo ti sewa ti mo. Biani, ala ke ti sara ye alingbi na andia ti *KOTA GBIA si ala gue ti voro anzapa *Baal.

2 Agbia 21:14

Fade mbi yeke ke tanga ti azo ti mbi so ayeke ngba na fini si mbi yeke zia ala na maboko ti awato ti ala; awato ti ala ni ayeke nzi ala si ayeke gbu aye ti ala kue na peko ti bira.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

2 Mbai 11:12

Na ya ti agbata oko oko so kue, *avala na alikongo ayeke daa. Ndali ti so lo sara si agbata so aga angangu gbata, sese ti Juda na ti Benjamin angba na gbe ti komandema ti lo.

2 Mbai 12:5

Wayanga-Nzapa Shemaya aga abaa Roboam nga na amakonzi ti Juda so abongbi na Jérusalem na ndembe so Shishak aga nduru ti si. Lo tene na ala: “Tënë so KOTA GBIA atene ayeke so: ‘Ala ke mbi awe! Mbi nga, mbi ke ala si mbi zia ala na maboko ti Shishak.’ ”

2 Mbai 13:12

Fadeso, Nzapa wani ayeke makonzi ti e; awayango-sandaga ti lo ayeke na e, ala yeke na li ti e, ala yeke na atatalita ti huru ni si e yeke dekongo ti bira na li ti ala, azo ti Israel. Ala tiri bira na KOTA GBIA, Nzapa ti akotara ti ala pepe, ngbanga ti so ala lingbi ti so benda pepe.”

2 Mbai 13:4

Abia aluti na ndö ti hoto ti Semaraim, na sese ti Efraim, ndo so ahoto ayeke daa; lo dekongo, lo tene: “Yeroboam na azo ti Israel kue, ala ma mbi si!

2 Mbai 15:15

Tere ti azo ti Juda kue anzere ndali ti deba ti yanga ti ala so ala de so, ngbanga ti so ala sara ni na be ti ala kue. Azo kue azia be ti ala ti gi KOTA GBIA; nilaa lo zia lege na ala ti wara lo. Lo mu na ala siriri mbage na mbage kue.

2 Mbai 15:4

Me lani, na ya ti ye ti ngangu so ala yeke daa, ala kiri na mbage ti KOTA GBIA, Nzapa ti Israel; ala kiri agi lo si lo zia lege na ala titene ala wara lo.

2 Mbai 20:15

Yaziel atene: “Ala azo ti Juda kue, ala na azo ti Jérusalem kue na mo gbia Yosafat, ala ma tënë so nzoni. Tënë so KOTA GBIA atene na ala ayeke so: ‘Ala sara mbeto pepe, mbeto ti gba ti aturugu so asara ala pepe! Biani, bira ni ayeke ti ala pepe, me ti Nzapa.

2 Mbai 20:17

Tiringo bira ni ayeke ti ala pepe. Ala, azo ti Juda na ti Jérusalem, ala gue kâ, ala luti kpoo, ala kue ayeke baa lege so KOTA GBIA ayeke soo ande ala na kuâ. Ala sara mbeto pepe, ala zia mbeni ye azia mbeto na be ti ala pepe. Kekereke, ala gue na mbage ti awato ni; fade KOTA GBIA ayeke na ala.’ ”

2 Mbai 20:20

Na kota ndaperere, azo kue alondo ti gue na benyama ti Tekoa. Na guengo ti ala, Yosafat aluti na nduzu si lo tene na ala: “Azo ti Jérusalem na azo ti Juda, ala ma mbi si! Ayeke nzoni ala zia be ti ala na ndö ti KOTA GBIA, Nzapa ti ala si fade ala yeke wara ngangu. Ala zia be ti ala na ndö ti azo ti tenengo peko ti yanga ti lo si fade ala yeke so benda.”

2 Mbai 24:20

Tongaso, yingo ti Nzapa aga na ndö ti Zakarii, molenge ti Yoyada; Zakarii aluti na dawa ti azo ni si lo tene na ala: “Tënë so Nzapa atene ayeke so: ‘Ala ke ti sara ye alingbi na andia ti mbi KOTA GBIA, ngbanga ti nyen? Fade aye ti ala ayeke ga nzoni pepe. So ala zia mbi KOTA GBIA awe so, mbi nga, mbi yeke zia ala.’ ”

2 Mbai 26:5

Na ngoi so kue Zakarii angba na fini, lo so lo yeke ma ya ti ye so Nzapa afa na lo na ya ti mbeni ye tongana bango-li, lo fa na Ozias lege ti kpengo mbeto ti *KOTA GBIA Nzapa; Nzapa asara si aye ti Ozias aga nzoni.

2 Mbai 32:8

Ngangu ti gbia ni ayeke gi ngangu ti zo; me ngangu ti e ayeke KOTA GBIA, Nzapa ti e so ayeke mu maboko na e si lo yeke tiri bira ndali ti e.” Azo ni aluti na ndö ti tënë ti Ezekias, gbia ti Juda.

2 Mbai 33:11

Tongaso KOTA GBIA asara si amakonzi ti aturugu ti gbia ti Asirii aga na tere ti ala. Aturugu ni agbu Manase, ala yoro *kongi na ngbangba ti lo, ala kanga lo na zingiri ti bengba wen si ala gue na lo na Babilone.

2 Mbai 33:12

So lo yeke na ya ti pasi, lo voro tere ti lo na KOTA GBIA, Nzapa ti lo; lo sara tere ti lo kete mingi na gbe ti Nzapa ti akotara ti lo.

2 Mbai 34:3

Na ya ti ngu miombe so Yosias ale-gbia, so lo de maseka, lo to nda ti gi Nzapa ti kotara ti lo David. Na ngu baleoko na use ni, lo to nda ti sara si Juda na Jérusalem aga *nzoni: lo zi ando so azo aleke na ndö ti ahoto ti voro anzapa nde daa, akeke so a leke si aluti na nduzu ndali ti nzapa-wali *Ashera nga na ayanda so a leke na keke na ayanda so a kporo wen si a leke na ni.

Esdras 8:22

Tongana mbi hunda fade na gbia titene lo mu na e aturugu na azo ti kpengo na ambarata titene ala bata e na lege ndali ti awato ti e, ka kamene asara mbi. Biani, lani e tene na gbia, e tene: “Maboko ti Nzapa ti e ayeke na ndö ti azo so kue ayeke gi lo; me ngonzo ti lo ayeke londo ngangu na tere ti azo so azia lo.”

Abia (Psaumes) 34:4

Ala gonda KOTA GBIA legeoko na mbi; e kue yanga oko, e mu iri ti lo na nduzu.

Abia (Psaumes) 53:2

Azo so li ti ala ayeke daa pepe ayeke tene na be ti ala, atene: “Nzapa ayeke daa lawa!” Azo so fini ti ala akpa pepe, ala sara sioni ye ahon ndoni; zo oko ti sara nzoni ayeke daa pepe.

Ésaïe 45:19

Mbi tene tënë na hondengo ni pepe, na mbeni ndo na sese so avuko vukongo. Mbi tene na *ahale ti Jacob pepe, mbi tene: Ala gi mbi na ndo so angba senge! Mbi KOTA GBIA, mbi yeke tene tënë ti ye so ayeke mbirimbiri, mbi yeke tene tënë ti ye so ayeke na legeni.”

Ésaïe 51:1

*KOTA GBIA atene: “Ala so ayeke gi titene a soo ala, ala so ayeke gi mbi, ala ma mbi si! Ala baa kota têne so a de tere ni si a sara na ala; ala gbu li ti ala na ndö ti du ti têne so a gboto ala na ya ni si a sigigi na ala.

Ésaïe 7:13

Tongaso Ésaïe atene: “Ala *ahale ti David, ala ma mbi si! So ala ngba ti so li ti azo so, alingbi na ala pepe si ala ye ti so li ti Nzapa ti mbi so?

Jérémie 2:17

Ye so kue asi na mo gi ndali ti mo wani pepe? Ye ni asi ndali ti so mo zia KOTA GBIA, Nzapa ti mo na ndembe so lo yeke fa lege na mo.

Amos 5:14

Ayeke nzoni ala gi lege ti sara nzoni ye, me ala sara sioni ye pepe. Tongaso, fade ala yeke duti na fini si KOTA GBIA, Nzapa so ayeke na ndö ti dunia kue ayeke duti na ala, tongana ti so ala wani ayeke tene so.

Zakarii 1:3

nilaa fade mo yeke tene na ala: Tënë so KOTA GBIA so ayeke na ndö ti dunia kue atene ayeke so: Ala kiri na mbage ti mbi – so tënë ti yanga ti KOTA GBIA so ayeke na ndö ti dunia kue laa – si fade mbi yeke kiri na mbage ti ala; tënë so KOTA GBIA so ayeke na ndö ti dunia kue atene laa.

Wungo ti azo 14:42

Ala ma na ndö ti ahoto ni pepe, ngbanga ti so KOTA GBIA ayeke na ala pepe. Ala gue kâ pepe, ndali ti awato ti ala ayeke hon ndö ti ala na bira.

Wungo ti azo 14:43

Azo ti mara ti Amalek na azo ti Kanaan laa ayeke na dawa ti ala so. Azo ni ayeke fâ ala kue na ya ti bira ni, ngbanga ti so ala ke KOTA GBIA awe; fade lo yeke na ala pepe.”

Matthieu 13:9

Jésus akiri atene: “Zo so ayeke na mê ti mango ndo, ayeke nzoni lo ma tënë so!”

Ndia ti fani use ni 20:1

Moïse atene: Ala azo ti Israel, tongana ala yeke gue ande ti tiri bira na awato ti ala, tongana ala baa ambarata, na apusu ti mbarata nga na gba ti aturugu so ahon ti ala, alingbi ala sara mbeto pepe. Biani, *KOTA GBIA Nzapa ti ala so asara si ala sigigi na Ezipte ayeke na ala.

Ndia ti fani use ni 31:17

Ndani laa, fade ngonzo ti mbi ayeke londo na tere ti ala tongana wâ na lango ni so. Mbi yeke zia ala, mbi yeke honde le ti mbi na ala. Tongaso, fade amara nde ayeke te ala kue, akpale mingi na aye ti ngangu mingi ayeke si na ala, azo ti Israel si ala yeke tene: ‘Akpale so kue asi na e, ngbanga ti so Nzapa ti e ayeke na popo ti e mbeni pepe!’

Ndia ti fani use ni 4:29

Tongaso, na kodro ni kâ, ala yeke gi KOTA GBIA Nzapa ti ala. Tongana ala gi lo na be ti ala kue, na yingo ti ala kue, fade ala yeke wara lo.

Ahebro 10:38

Nzapa atene: “Zo so aga mbirimbiri na le ti mbi na lege ti mabe, fade lo yeke duti na fini. Me tongana lo zia lege ti mabe, fade mbi yeke wara ngia na lege ti lo pepe.”

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Jacques 4:8

Ala ga nduru na Nzapa si fade lo yeke ga nduru na ala. Azo ti siokpari, ala *sukula sioni ti ala! Azo ti be use use, ala zi aye ti sioni na be ti ala!

Josué 22:31

Pinas, molenge ti wayango-sandaga Elazar atene na azo ti mara ti Ruben, ti Gad na ti Manase, atene: “Laso, e hinga, e tene, KOTA GBIA ayeke na popo ti e, ngbanga ti so ala sara ye so ayeke sioni mingi ti kengo lo pepe. Ye so ala sara so, ala zi azo ti Israel na gbe ti ngbanga ti KOTA GBIA awe.”

Josué 24:20

Tongana ala zia KOTA GBIA ti sara kua na ambeni nzapa nde, fade lo yeke kiri na ndö ti ala ti sara sioni na ala, lo yeke fâ ala ti hunzi ala na peko ti nzoni so lo sara na ala.”

Aye so Nzapa afa 2:11

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade lo yeke kui kuâ ti use ni oko pepe.”

Aye so Nzapa afa 2:17

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo *mane so angba na hondengo ni. Mbi yeke mu nga na lo mbeni vuru têne so a su fini iri na ndö ni, mbeni zo nde ahinga iri ni pepe, gi zo so awara iri ni si ahinga.”

Aye so Nzapa afa 2:29

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

Aye so Nzapa afa 2:7

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize! “Zo so aso benda, fade mbi yeke mu na lo lege ti te le ti keke so ayeke mu fini na zo si ayeke na ya ti *paradi ti Nzapa.”

Aye so Nzapa afa 3:13

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

Aye so Nzapa afa 3:22

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

Aye so Nzapa afa 3:6

“Zo so ayeke na mê ti mango ndo, ayeke nzoni lo ma tënë so Yingo ayeke tene na a-Eglize!”

Awafango-ngbanga 10:13

Me ti ala, ala do mbi azia ti voro anzapa nde. Ndani laa mbi yeke kiri ti soo ala pepe.

Awafango-ngbanga 9:7

Azo ague, atene tënë ni na Yotam. Tongaso lo gue, lo luti na li ti hoto ti Garizim; lo dekongo, lo tene: “Ala akota zo ti Sishem, ala ma mbi si fade Nzapa ama ala!

1 Samuel 12:14

Tongana ala kpe mbeto ti KOTA GBIA, Nzapa ti ala, tongana ala sara kua na lo, ala ma yanga ti lo, tongana ala ke andia ti lo pepe, fade ala wani na gbia so ayeke na li ti ala, ala yeke ngba na peko ti KOTA GBIA, Nzapa ti ala; ye kue ayeke ga nzoni.

1 Samuel 12:15

Me tongana ala ma yanga ti KOTA GBIA pepe, tongana ala ke andia ti lo, fade maboko ti KOTA GBIA ayeke sara ngangu na ala tongana ti so lo sara ando na akotara ti ala so.