2 Mbai 15:17 - Mbeti ti Nzapa - Tënë so amu fini

¹⁷ Me ando so azo aleke na ndö ti ahoto ti voro anzapa nde daa, Asa azi ni na sese ti Israel pepe, ataa so be ti lo ayeke use use pepe na lango so kue lo ngba na fini.

2 Mbai 15:17 ပူးပေါင်းရင်းမြစ်များ

1 Agbia 11:4

Na ngoi so Salomon aga mbakoro awe, awali ti lo ni akiri na be ti lo titene lo voro anzapa nde; ye so asara si lo kiri lo mu be ti lo kue na KOTA GBIA, Nzapa ti lo pepe tongana ti so babâ ti lo David amu ando be ti lo kue na Nzapa.

1 Agbia 22:43

Yosafat amu peko ti sarango ye ti babâ ti lo Asa kue, lo zia lege ni pepe; lo sara ye so ayeke mbirimbiri na le ti KOTA GBIA.

2 Agbia 12:3

Yoas asara ye so ayeke mbirimbiri na le ti *KOTA GBIA na lango ti fini ti lo kue, ngbanga ti so wayango-sandaga Yoyada afa lege na lo nzoni.

2 Agbia 14:4

Ando so azo aleke na ndö ti ahoto ti voro anzapa nde daa, lo zi ni pepe. Azo angba ti gue kâ ti mu *asandaga na ti zö dukani.

2 Mbai 15:16

Ataa mama ti lo Maaka, lo zi iri ti “Gbia-wali” so ayeke ndö ti lo, ngbanga ti so mama ti lo ni asara mbeni sioni yanda ndali ti nzapa-wali *Ashera. Asa amu yanga titene a kungbi yanda ni so na sese, a fâ ya ni nduru nduru si a gbi ni na ndo so ayeke na popo-hoto ti Sedron.

2 Mbai 15:18

Aye so babâ ti lo amu na Nzapa nga na aye so lo wani, lo mu na Nzapa, lo mu ni lo ga na ni na ya ti kota da ti Nzapa; aye ni ayeke so: wen ti nginza, lôro na ambeni kungba nde nde.

2 Mbai 17:6

Lo zia be ti lo kue ti sara na KOTA GBIA. Nilaa lo zi na ya ti kodro-gbia ti Juda ando so azo aleke na ndö ti ahoto si ala yeke voro anzapa nde daa; lo zi nga akeke so azo aleke aluti na nduzu ndali ti nzapa-wali *Ashera.

2 Mbai 20:32

Yosafat amu peko ti sarango ye ti babâ ti lo Asa, lo zia lege ni pepe; lo sara ye so ayeke mbirimbiri na le ti *KOTA GBIA.

2 Mbai 20:33

Me ando so azo aleke na ndö ti ahoto si ala yeke voro anzapa nde daa, lo zi ni pepe. Nilaa azo azia be ti ala kue pepe na Nzapa ti akotara ti ala.

2 Mbai 28:4

Ahaz amu asandaga si lo zö dukani na ando so azo aleke na ndö ti ahoto ti voro anzapa nde daa, na ndö ti akete hoto nga na gbe ti akeke so akugbe ni ayeke gbani gbani.

2 Mbai 33:17

Andaa azo angba ti mu sandaga na ando so a leke na ndö ti ahoto, me ala yeke mu ni gi na KOTA GBIA, Nzapa ti ala.