2 Mbai 15:16 - Mbeti ti Nzapa - Tënë so amu fini

¹⁶ Ataa mama ti lo Maaka, lo zi iri ti “Gbia-wali” so ayeke ndö ti lo, ngbanga ti so mama ti lo ni asara mbeni sioni yanda ndali ti nzapa-wali *Ashera. Asa amu yanga titene a kungbi yanda ni so na sese, a fâ ya ni nduru nduru si a gbi ni na ndo so ayeke na popo-hoto ti Sedron.

2 Mbai 15:16 ပူးပေါင်းရင်းမြစ်များ

1 Agbia 15:10

Lo le-gbia ngu baleosio na oko na Jérusalem. Iri ti mama ti lo ayeke Maaka, molenge ti Abishalom.

1 Agbia 15:2

Lo le-gbia ngu ota na Jérusalem. Iri ti mama ti lo ayeke Maaka, molenge ti Abishalom.

2 Agbia 23:12

Gbia akungbi na sese agbalaka so ayeke na li ti da-nduzu ti Akab; agbalaka so agbia ti Juda asara. Lo kungbi nga na sese agbalaka so Manase aleke na ya ti agbagba use ti kota da ti KOTA GBIA. Yosias afâ ya ni nduru nduru si lo tuku ni na popo-hoto ti Sedron.

2 Agbia 23:15

Yosias akungbi ni na sese gbalaka so ayeke na gbata ti Betel nga na ndo so ayeke na ndö ti hoto so Yeroboam asara ti pusu azo ti Israel ti sara siokpari. Lo gbi ndo ni nga na keke so a leke si aluti na nduzu ndali ti nzapa-wali *Ashera, lo gbi ni si aga fuku.

2 Agbia 23:4

Gbia amu yanga na kota wayango-sandaga Hilkia, na awayango-sandaga so ayeke mu maboko na lo nga na azo so ayeke bata yanga ti kota da ti Nzapa titene aye so a leke ando ti voro na Baal, na Ashera nga na aye mingi mingi so ayeke na le ti nduzu, ala sigigi na ni na ya ti da ni, ala gbi ni na gigi ti gbata ti Jérusalem, na popo-hoto ti Sedron. Na pekoni, ala mu mburu ti wâ ni, ala gue na ni na Betel.

2 Agbia 23:6

Lo zi na ya ti kota da ti *KOTA GBIA keke so a leke si aluti na nduzu ndali ti nzapa-wali *Ashera; lo sigigi na ni na ya ti gbata ti Jérusalem si a gbi ni na popo-hoto ti Sedron; a gbi ni kue si aga mburu ti wâ. Na pekoni a mu mburu ti wâ ni, a tuku na ndo so adu ti kuâ ti asenge zo ti kodro ayeke daa.

2 Mbai 15:17

Me ando so azo aleke na ndö ti ahoto ti voro anzapa nde daa, Asa azi ni na sese ti Israel pepe, ataa so be ti lo ayeke use use pepe na lango so kue lo ngba na fini.

2 Mbai 29:16

Awayango-sandaga ali na ya ti kota da ti KOTA GBIA ti zi *asioni ti da ni. Aye ti *sioni so kue ala wara na ya ti kota da ti KOTA GBIA ni, ala sigigi na ni, azia na ya ti gbagba si azo ti mara ti Lévi amu ni, ague, atuku na popo-hoto ti Sedron.

2 Mbai 30:14

Ala to nda ti zi agbalaka so a yeke mu *asandaga na ndö ni na Jérusalem; ala zi nga agbalaka so a yeke zö dukani na ndö ni, ala tuku ni na popo-hoto ti Sedron.

2 Mbai 34:7

Lo kungbi na sese agbalaka, lo fâ akeke so a leke aluti na nduzu ndali ti nzapa-wali Ashera nga na ayanda, lo nika ni aga fuku; lo kungbi na sese aye ti zongo na yombo na ya ti kodro ti Israel kue. Na pekoni, lo kiri na Jérusalem.

Sigingo 32:20

Moïse amu yanda ti bagara so azo ni asara so, lo gbi na wâ, lo nika ni si aga fuku. Lo tuku fuku ni na le ti ngu si lo mu ngu ni na azo ti Israel titene ala nyon.

Sigingo 34:13

Fade ala yeke kungbi na sese agbalaka ti azo ni, ala yeke kungbi angbongboro têne ti ala so ala leke si aluti na nduzu, ala yeke de na sese akeke so azo ni aleke aluti na nduzu si ala yeke voro ni so.

Awayango-sandaga 26:30

Ando so ala leke na ndö ti ahoto ti voro anzapa nde daa so, mbi yeke buba ni. Agbalaka so ala yeke zö dukani na ndö ni so, mbi yeke kungbi ni na sese; mbi yeke bongbi kuâ ti ala na ndö ti afango yanda ti ala; fade mbi yeke ke ala.

Zakarii 13:3

Tongana mbeni zo angba ti tene peko ti tënë ti yanga ti Nzapa, ataa so zo ni ayeke taa wayanga-Nzapa pepe, fade babâ na mama ti lo wani ayeke tene na lo: ‘Alingbi mo kui, ngbanga ti so mo yeke tene mvene na iri ti KOTA GBIA.’ Na ndembe so lo ngba ti tene tënë ni, babâ na mama ti lo wani ayeke kpo lo.

Marc 3:21

So asewa ti Jésus ama tënë ni, ala ga si ala ye ti mu lo, ngbanga ti so ala tene: “Li ti lo aga kirikiri awe!”

Jean 18:1

Na peko ti sambela so, Jésus na adisiple ti lo ague na mbage ti ngu ti Sedron. Mbeni ndo so a lu akeke daa ayeke kâ si Jésus na adisiple ti lo ague kâ.

2 Korente 5:16

Ndani laa, ti fadeso, e yeke kiri ti baa zo oko na le ti e na bango ndo ti zo pepe. Ataa so e baa Christ ando na le ti e na bango ndo ti zo, ti fadeso e yeke kiri ti baa lo tongaso pepe.

Ndia ti fani use ni 33:9

Ala baa babâ na mama ti ala tongana azo pepe, ala baa amolenge ti ala na a-ita ti ala tongana azo pepe; me ala bata tënë ti yanga ti mo, ala sara ye alingbi na *mbuki ti mo.

Ndia ti fani use ni 7:5

Baa ye so ala, azo ti Israel, alingbi ala sara na azo ti amara ni so laa: ala kungbi agbalaka ti ala na sese, ala fâ ya ti angbongboro têne ti ala so ala leke aluti na nduzu so, ala de na sese akeke ti ala so ala leke aluti na nduzu ndali ti nzapa-wali Ashera so, ala gbi ayanda ti ala.

Ndia ti fani use ni 9:21

Mbi mu bagara so ala sara so, ye ti peko ti siokpari ti ala ni, mbi bi ni na le ti wâ. Na pekoni, mbi fâ ya ni nduru nduru, mbi nika ni si aga fuku. Mbi tuku fuku ni na ya ti ngu so alondo na li ti hoto si ayeke sua.