2 Mbai 15:13 - Mbeti ti Nzapa - Tënë so amu fini

¹³ Zo so agi KOTA GBIA, Nzapa ti Israel pepe, fade a yeke fâ lo, ataa kete zo wala kota zo, ataa koli wala wali.

2 Mbai 15:13 ပူးပေါင်းရင်းမြစ်များ

Tongo nda ti aye 19:11

ala sara si le ti azo so ayeke na yanga ti da ni so avuko, ti londo na amolenge ngbii asi na akota zo. Ala gi yanga ti da ni gbaa, akara ala.

1 Agbia 18:40

Élie atene na ala: “Ala gbu awayanga ti nzapa Baal! Mbeni zo oko na popo ti ala akpe pepe!” Azo agbu awayanga ti Baal ni kue. Élie amu ala, ague na ala na yanga ti ngu ti Kishon si lo fâ go ti ala.

2 Mbai 15:14

Ala deba yanga ti ala na KOTA GBIA na dekongo na ngia, ala huru atatalita na adidi.

Mbeti ti Job 3:19

Kâ, asenge zo na akota zo, ala kue gi legeoko; ngbaa asigigi na gbe ti wa ti lo awe.

Mbeti ti Job 34:19

Nzapa laa ayeke mu mbage ti amakonzi pepe, lo yeke yamba zo ti mosoro nzoni ahon wayere pepe, ngbanga ti so lo laa lo sara ala use kue.

Abia (Psaumes) 115:13

Lo yeke sara tufa na ndö ti azo so akpe mbeto ti lo, akete zo na akota zo.

Sigingo 12:29

Na be ti bi, KOTA GBIA afâ akozo molenge-koli kue na ya ti kodro ti Ezipte: ti londo na kozo molenge ti gbia Faraon ti koli, lo so lo lingbi fade ti duti gbia na peko ti babâ ti lo, ngbii asi na kozo molenge ti azo so a gbu ala na kodro wande si abi ala na da ti kanga. Lo fâ nga akozo molenge-koli ti anyama.

Sigingo 22:19

“Zo so amu *sandaga na anzapa nde si lo ke ti mu gi na mbi KOTA GBIA, alingbi ala fâ lo.

Sigingo 22:20

“Awande so alango na ndo ti ala, alingbi ala sara sioni na ala pepe wala ala sara ngangu na ala pepe. Biani, ala nga, ala yeke lani awande na sese ti Ezipte.

Sofonii 1:6

Mbi yeke hunzi azo so ado mbi KOTA GBIA azia, ala so ayeke gi mbi pepe si ala yeke hunda mbi pepe so.”

Awatokua 26:22

Me Nzapa abata mbi ngbii asi laso si mbi ngba ti fa peko ti ye so asi mbi na azo kue: akete zo na akota zo. Mbi yeke tene gi tënë ti ye so Moïse na awayanga-Nzapa atene tënë ni ando si ye ni asi so.

Ndia ti fani use ni 29:18

Tongana mbeni zo ama atënë ti dengo ba so si lo wara nzerengo tere na be ti lo kâ, lo tene: “Fade aye ti mbi kue ayeke ga nzoni, ataa so mbi ngba ti sara ngangu li si mbi yeke sara aye so be ti mbi aye.” Biani, sese so anyon ngu alingbi na lo ayeke kiri ti hunda ngu pepe.

Aye so Nzapa afa 20:12

Na pekoni, mbi baa akuâ, akete ni na akota ni, ala yeke luti na dawa ti mbata ti gbia ni. A zi abuku si a zi mbeni buku nde: mbeti so a su iri ti azo so ayeke na taa fini daa. A fâ ngbanga na li ti akuâ alingbi na ye so ala sara tongana ti so a su tënë ni na ya ti abuku ni so.

Aye so Nzapa afa 6:15

Agbia ti sese so, akota zo, amakonzi ti aturugu, azo ti mosoro, angangu zo, azo so ayeke angbaa na azo so ayeke angbaa pepe, ala kue akpe ti honde tere ti ala na ya ti adu ti têne wala na popo ti akota têne so ayeke na ndö ti ahoto.