2 Mbai 15:12 - Mbeti ti Nzapa - Tënë so amu fini

¹² Ala deba yanga ti ala na lege ti mbuki ti gi KOTA GBIA, Nzapa ti akotara ti ala na be ti ala kue, na yingo ti ala kue.

2 Mbai 15:12 ပူးပေါင်းရင်းမြစ်များ

1 Agbia 8:48

tongana ala kiri na mbage ti mo na be ti ala kue, na yingo ti ala kue na ya ti kodro so awato ti ala agbu ala si ague na ala daa, tongana ala baa ndo na mbage ti kodro so mo mu ando na akotara ti ala, wala ala baa ndo na mbage ti gbata so mo soro nga na mbage ti da so mbi sara ndali ti mo, tongana ala sambela mo,

2 Agbia 11:17

Yoyada asara mbuki na popo ti KOTA GBIA na gbia nga na azo ti kodro titene ala ga azo ti KOTA GBIA. Yoyada asara nga mbuki na popo ti gbia na azo ti kodro.

2 Agbia 23:3

Gbia aluti na ndö ti mbeni ye so a leke na nduzu ndali ti agbia si lo kiri lo leke tënë ti ga mbuki na KOTA GBIA. Alingbi fade zo oko oko amu zendo ti tambula na peko ti KOTA GBIA, ti sara ye na be ti lo kue nga na tënë ti be ti lo kue alingbi na atënë ti ndia ti KOTA GBIA, ambela ti lo na aye so lo fa. Alingbi fade zo oko oko asara ye alingbi na atënë ti mbuki so a su na ya ti mbeti so. Nilaa azo kue ayeda na tënë ti mbuki ni.

2 Mbai 11:16

Azo ti amara kue ti Israel, ala so azia be ti ala ti gi *KOTA GBIA, Nzapa ti Israel, ala mu peko ti azo ti mara ti Lévi ti gue na Jérusalem titene ala mu *asandaga na KOTA GBIA, Nzapa ti akotara ti ala.

2 Mbai 15:4

Me lani, na ya ti ye ti ngangu so ala yeke daa, ala kiri na mbage ti KOTA GBIA, Nzapa ti Israel; ala kiri agi lo si lo zia lege na ala titene ala wara lo.

2 Mbai 19:3

Me mo sara ambeni nzoni ye: na ya ti kodro ti mo kue, akeke so azo aleke aluti na nduzu ndali ti nzapa-wali *Ashera, mo gbi ni; mo zia be ti mo kue ti gi Nzapa.”

2 Mbai 23:16

Yoyada asara mbuki na popo ti lo na azo kue nga na gbia titene ala ga azo ti KOTA GBIA.

2 Mbai 29:10

Fadeso, mbi ye ti sara *mbuki na KOTA GBIA, Nzapa ti Israel, tongaso si sioni ngonzo ti lo ade na tere ti e.

Néhémie 10:29

– Tanga ti azo ni, awayango-sandaga, azo ti mara ti Lévi, asanziri, azo ti hengo bia na azo ti sarango kua ti kota da ti Nzapa, ala na azo so aduti nde na ambeni mara so angba lani na ya ti kodro ni si ala yeke sara ye alingbi na *Ndia ti Nzapa, azo ni kue, ala na awali ti ala na amolenge ti ala ti koli na ti wali, azo so kue alingbi ti ma nda ti tënë,

Jérémie 50:5

Ala yeke hunda lege ti guengo na *Sion, le ti ala ayeke baa ndo na mbage ti gbata ni. Ala yeke ga ti bongbi oko na mbi na lege ti *mbuki so angba lakue lakue, mbuki so be ti ala ayeke girisa na ni laoko pepe.

Awatokua 24:14

Me ye so mbi hinga na dawa ti mo ayeke so: mbi yeke voro Nzapa ti akotara ti e, mbi yeke sara ni alingbi na lege so Jésus afa na e; me azo ni atene, so ayeke sioni lege. Mbi yeda nga na atënë so kue a su na ya ti *Ndia ti Moïse na ambeti ti awayanga-Nzapa.

2 Korente 8:5

Ye so ala sara ayeke kota ahon ye so e zia be ti e fade ti ku titene ala sara ni: ala mu tere ti ala wani kozoni na *Kota Gbia si na pekoni, ala mu tere ti ala na e tongana ti so Nzapa aye.

Ndia ti fani use ni 10:12

Moïse atene: Ala azo ti Israel, ye so *KOTA GBIA Nzapa ti ala ayeke ku na mbage ti ala fadeso ayeke nyen? Lo yeke ku gi titene ala kpe mbeto ti lo, ala sara ye so kue lo ye, ala ye lo si ala sara kua na lo na be ti ala kue, na yingo ti ala kue.

Ndia ti fani use ni 29:1

Moïse abongbi azo ti Israel kue si lo tene na ala: Ala wani abaa na le ti ala aye so kue *KOTA GBIA asara na gbia Faraon, na azo ti gbe ti lo nga na kodro ti lo kue.

Ndia ti fani use ni 29:11

Fadeso KOTA GBIA Nzapa ti ala asara *mbuki na ala; alingbi ala yeda biani na tënë ti mbuki so lo deba yanga ti lo daa so.

Ndia ti fani use ni 29:12

Tongaso si ala ga azo ti lo laso si lo ga Nzapa ti ala alingbi na zendo so lo mu na ala nga na dengo ba ti yanga ti lo so lo de na akotara ti ala Abraham, Isaac na Jacob.

Ndia ti fani use ni 4:29

Tongaso, na kodro ni kâ, ala yeke gi KOTA GBIA Nzapa ti ala. Tongana ala gi lo na be ti ala kue, na yingo ti ala kue, fade ala yeke wara lo.

Ndia ti fani use ni 6:5

Alingbi mo ye KOTA GBIA Nzapa ti mo na be ti mo kue, na yingo ti mo kue, na ngangu ti mo kue.

Josué 24:25

Na lango ni so, Josué na azo ni aga ambuki. Lo leke andia na aye so Nzapa afa ndali ti azo na gbata ti Sishem.