2 Mbai 15:1 - Mbeti ti Nzapa - Tënë so amu fini

¹ Yingo ti Nzapa aga na ndö ti Azaria, molenge ti Oded.

2 Mbai 15:1 ပူးပေါင်းရင်းမြစ်များ

2 Samuel 23:2

Yingo ti *KOTA GBIA atene tënë na lege ti mbi; tënë ti lo ayeke na menga ti mbi.

2 Mbai 20:14

Na ya ti bongbi ti azo ni, yingo ti *KOTA GBIA aga na ndö ti Yaziel, mbeni zo ti mara ti Lévi; lo yeke molenge ti Zakarii, Zakarii ayeke molenge ti Benaya, Benaya ayeke molenge ti Yeiel, Yeiel ayeke molenge ti Matania, Matania ayeke mbeni *hale ti Asaf.

2 Mbai 24:20

Tongaso, yingo ti Nzapa aga na ndö ti Zakarii, molenge ti Yoyada; Zakarii aluti na dawa ti azo ni si lo tene na ala: “Tënë so Nzapa atene ayeke so: ‘Ala ke ti sara ye alingbi na andia ti mbi KOTA GBIA, ngbanga ti nyen? Fade aye ti ala ayeke ga nzoni pepe. So ala zia mbi KOTA GBIA awe so, mbi nga, mbi yeke zia ala.’ ”

Wungo ti azo 11:26

Ambeni koli use angba na ya ti bâbâ ni; iri ti mbeni ayeke Eldad, iri ti mbeni ayeke Medad. Yingo ni aga nga na ndö ti ala; iri ti ala ayeke na popo ti akangba balembarambara, me ala gue ti ala na da ti bongo ni pepe. Ala nga ato nda ti tene tënë tongana awayanga-Nzapa na ya ti bâbâ ni.

Wungo ti azo 24:2

Balaam ayo le ti lo na nduzu si lo baa azo ti Israel asara bâbâ ti ala mara na mara. Yingo ti Nzapa aga na ndö ti lo.

2 Pierre 1:21

Biani, zo alondo na be ti lo wani ti tene peko ti tënë ti yanga ti Nzapa pepe, me Yingo-Vuru laa ayeke fa lege na azo titene ala tene tënë na iri ti Nzapa.

Awafango-ngbanga 3:10

Yingo ti KOTA GBIA ayeke na ndö ti Otniel si lo ga wafango-ngbanga na ndö ti azo ti Israel. Lo gue na bira. KOTA GBIA azia Kushan-Rishataim, gbia ti Mezopotamii na maboko ti lo si lo hon ndö ti Kushan-Rishataim.