2 Mbai 14:7 - Mbeti ti Nzapa - Tënë so amu fini

⁷ Asa ayeke na aturugu 300 000 so ala yeke azo ti mara ti Juda; ala laa ayeke yo kota *vala nga na likongo. Lo yeke nga na aturugu 280 000 so ayeke azo ti mara ti Benjamin; ala laa ayeke yo kete vala si ala yeke pika akokora. Ala kue ayeke angangu zo ti bira.

2 Mbai 14:7 ပူးပေါင်းရင်းမြစ်များ

1 Agbia 15:23

Tanga ti atënë na ndö ti Asa, aye so kue lo sara, aye ti koli so kue lo sara na tënë ti agbata so lo sara angangu gbagba na tere ni, a su tënë ni na ya ti “Mbeti ti aye so agbia ti Juda asara”. Me na ngoi so lo ga mbakoro awe, kobela ti gere asara lo.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

2 Mbai 14:4

Lo zi ando so azo aleke na ndö ti ahoto si ala yeke voro anzapa nde daa na ya ti gbata kue ti Juda, lo zi nga agbalaka so azo ayeke zö dukani na ndö ni. Nilaa na ngoi ti lengo-gbia ti lo, kodro aduti kpoo.

2 Mbai 14:6

Lo tene na azo ti Juda: “E sara angangu gbagba na tere ti agbata so, e sara agbagba na tere ni, e sara akota da so ayo na nduzu, e zia angbongboro wen na yanga ni ti kanga na ni; e sara ni na ndembe so kodro ni ade ti e so. Biani, e gi KOTA GBIA, Nzapa ti e; nilaa lo sara si e duti kpoo mbage na mbage kue so.” Tongaso ala sara agbata si aye ti ala aga nzoni.

2 Mbai 15:15

Tere ti azo ti Juda kue anzere ndali ti deba ti yanga ti ala so ala de so, ngbanga ti so ala sara ni na be ti ala kue. Azo kue azia be ti ala ti gi KOTA GBIA; nilaa lo zia lege na ala ti wara lo. Lo mu na ala siriri mbage na mbage kue.

2 Mbai 17:13

Lo bata aye gbani gbani na ya ti agbata ti Juda; lo zia akpengba turugu ti bira na Jérusalem.

2 Mbai 17:17

Ti mara ti Benjamin, makonzi ni ayeke Eliada, mbeni kpengba turugu; lo yeke na li ti aturugu 200 000; aturugu ni ayeke na akokora nga na *avala na maboko ti ala;

2 Mbai 20:30

Tongaso, kodro-gbia ti Yosafat aduti kpoo, ngbanga ti so Nzapa ti lo amu na lo siriri mbage na mbage kue.

2 Mbai 25:5

Amasia abongbi azo ti Juda na ala ti Benjamin; lo kangbi ala na lege ti asewa ti ala. Lo zia amakonzi na li ti aturugu saki oko, amakonzi na li ti aturugu ngbangbo oko. A diko wungo ti aturugu so ngu ti ala alingbi ngu baleuse na ala so ngu ti ala ahon baleuse; a wara azo 300 000 so ahinga ti tiri bira nzoni, ala lingbi ti bi likongo, ti gbu *vala nzoni.

2 Mbai 26:13

Aturugu 307 500 ayeke na gbe ti komandema ti ala; ayeke angangu turugu so alingbi ti tiri bira ti bata gbia na dawa ti awato ti lo.

2 Mbai 32:5

Ezekias awara ngangu si lo kiri lo leke gbagba ti gbata ni na ando so adu akoro daa. Ada so ayo na nduzu, lo kiri lo leke ni titene ayo na nduzu ahon ti kozoni; lo sara mbeni gbagba nde na gigi ti kozo gbagba ni; lo leke nga ndo so iri ni Milo so ayeke na Gbata ti David; lo mu yanga si a sara na lo gba ti aye ti bira na *avala.

2 Mbai 8:5

Lo kiri lo leke Bet-Horon-ti-nduzu na Bet-Horon-ti-gbeni, agbata so a sara ngangu gbagba na tere ni, gbagba ayeke na tere ni si a kanga yanga ni na angbongboro wen.

Jean 9:4

Na ndembe so lâ angba ti su, ayeke nzoni e sara kua ti lo so lo tokua mbi. Ndo aga nduru ti vuko awe, fade zo alingbi ti sara kua mbeni pepe.

Awatokua 9:31

Tongaso *Eglize ti sese ti Judée kue, ti Galile na ti Samarii ayeke lani na siriri. Na lege ti ngangu ti Yingo-Vuru, Eglize ni ayeke kpengba, ayeke kpe mbeto ti Kota Gbia si ayeke mai.

Josué 23:1

Na peko ti so *KOTA GBIA azi azo ti Israel na maboko ti awato ti ala so angoro ala, lo mu na ala siriri aninga awe. Josué aga mbakoro si ngu ti lo ahon mingi awe.

1 Pierre 3:12

Biani, le ti *Kota Gbia ayeke na ndö ti azo ti mbirimbiri, mê ti lo ayeke ma sambela ti ala; me ti azo so ayeke sara ye ti sioni, Kota Gbia ayeke londo ti ke ala.”