2 Mbai 14:4 - Mbeti ti Nzapa - Tënë so amu fini

⁴ Lo zi ando so azo aleke na ndö ti ahoto si ala yeke voro anzapa nde daa na ya ti gbata kue ti Juda, lo zi nga agbalaka so azo ayeke zö dukani na ndö ni. Nilaa na ngoi ti lengo-gbia ti lo, kodro aduti kpoo.

2 Mbai 14:4 ပူးပေါင်းရင်းမြစ်များ

Tongo nda ti aye 18:19

Mbi soro lo titene lo mu yanga na amolenge ti lo, na *ahale ti lo so kue ayeke ga na peko ti lo titene ala ma yanga ti KOTA GBIA; ala sara ye so ayeke mbirimbiri, na ye so ayeke na legeni. Tongaso si mbi KOTA GBIA, mbi yeke sara ande na Abraham aye so kue mbi tene tënë ti sarango ni ndali ti lo.”

2 Mbai 11:16

Azo ti amara kue ti Israel, ala so azia be ti ala ti gi *KOTA GBIA, Nzapa ti Israel, ala mu peko ti azo ti mara ti Lévi ti gue na Jérusalem titene ala mu *asandaga na KOTA GBIA, Nzapa ti akotara ti ala.

2 Mbai 14:3

Lo mu yanga na azo ti Juda ti gi KOTA GBIA, Nzapa ti akotara ti ala, ti sara ye alingbi na ndia ti lo nga na atënë ti ndia ti lo.

2 Mbai 14:5

Kodro ni aduti kpoo si azo aga ti tiri bira na lo na ya ti angu ni so pepe, ngbanga ti so KOTA GBIA wani amu na lo siriri. Tongaso lo wara lege ti sara angangu gbagba na tere ti agbata ti Juda.

2 Mbai 29:21

Kâ, azo ni ague na akoli-bagara mbarambara, akoli-taba mbarambara, akete taba mbarambara nga na akoli-ngasa mbarambara ti mu na *sandaga ndali ti zingo siokpari na li ti zo. A mu asandaga ni ndali ti azo ti da ti gbia, ndali ti ndo so ayeke nde si ayeke nzoni kue nga ndali ti azo ti Juda. Gbia amu yanga na awayango-sandaga so ayeke *ahale ti Aaron titene ala mu anyama so na sandaga na ndö ti gbalaka ti KOTA GBIA.

2 Mbai 29:27

Ezekias amu yanga titene a mu sandaga so a yeke gbi ni kue na wâ na ndö ti gbalaka. Na ndembe so a to nda ti mungo sandaga ni, gi na ndembe ni laa azo ato nda ti he bia ndali ti KOTA GBIA; ala yeke huru tatalita, ala yeke pika aye ti mozoko so David, gbia ti Israel aleke.

2 Mbai 29:30

Na pekoni, gbia Ezekias na amakonzi atene na azo ti mara ti Lévi ti he bia ti sepela KOTA GBIA na lege ti abia so David na Asaf, zo ti bango nda ti aye aleke ando so. Azo ti mara ti Lévi asepela KOTA GBIA na ngia, na pekoni ala kuku, akpo li ti ala na sese.

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

2 Mbai 30:19

azo so kue azia be ti ala ti gi mo Nzapa, KOTA GBIA, Nzapa ti akotara ti ala, ataa so ala sukula sioni ti ala pepe ti zia aye nde ndali ti mo.”

2 Mbai 33:16

Lo kiri lo leke gbalaka ndali ti KOTA GBIA; lo mu *asandaga ti beoko na asandaga ti mungo singila na KOTA GBIA na ndö ti gbalaka ni. Na pekoni, lo mu yanga na azo ti Juda ti voro KOTA GBIA, Nzapa ti Israel.

Néhémie 13:9

Na pekoni, mbi mu yanga titene a sukula ya ti kubu ni si a kiri na akungba ti ya ti kota da ti Nzapa, asandaga na dukani.

Abia (Psaumes) 119:10

Mbi gi mo na be ti mbi kue; sara si mbi hon nde na atënë ti ndia ti mo pepe.

Amos 5:4

Tënë so *KOTA GBIA atene na azo ti Israel ayeke so: “Ala gi mbi si fade ala duti na fini.

Josué 24:15

Tongana sarango kua ti KOTA GBIA anzere na ala pepe, ala soro laso anzapa so ala ye ti sara kua na ala: wala ala ye ti voro anzapa so akotara ti ala avoro ala ando na mbage ti ngu ti Efrate, wala ala ye ti voro anzapa ti mara ti Amori so ala ayeke na popo ti ala. Me ti mbi na azo ti da ti mbi, fade e yeke sara kua na KOTA GBIA.”

1 Samuel 3:13

Mbi tene na Heli, mbi tene, fade mbi yeke fâ ngbanga na li ti azo ti sewa ti lo lakue ndali ti sioni so amolenge ti lo asara: lo hinga kue atene, ala yeke zonga Nzapa, me lo kanga lege na ala pepe.