2 Mbai 14:13 - Mbeti ti Nzapa - Tënë so amu fini

¹³ Azo ti Juda amu na lege ti bira agbata so kue ayeke na tere ti Gerar, ngbanga ti so mbeto ti KOTA GBIA asara azo ti agbata ni. Azo ti Juda agbu aye ti ya ti agbata ni, ngbanga ti so mosoro mingi ayeke kâ.

2 Mbai 14:13 ပူးပေါင်းရင်းမြစ်များ

Tongo nda ti aye 10:1

Na peko ti ngu so asuku amu ndo kue so, amolenge ti Noe ti koli Sem, Kam na Yafet adu amolenge-koli. Tënë ti sewa ti ala ayeke tongaso:

Tongo nda ti aye 10:19

si sese ti azo ti mara ti Kanaan ni alondo na Sidon ahon na Gerar ague ngbii asi na Gaza, ti gue na mbage ti Sodome na Gomore, na Adma, na Seboim, ngbii asi na Lesha.

Tongo nda ti aye 20:1

Abraham alondo na ndo so, lo gue na sese ti mbage ti Mbongo. Lo sara kodro na popo ti akodro ti Kades na Shur. Na pekoni, lo gue, lo duti na gbata ti Gerar.

Tongo nda ti aye 26:1

Mbeni kota nzara ati na ya ti kodro ni. Kota nzara ni so ayeke nde na ti so ati na ngoi ti Abraham. Isaac ague na kodro ti Gerar, na ndo ti Abimelek, gbia ti azo ti Filistii.

Tongo nda ti aye 35:5

Na pekoni, ala londo, ahon. Nzapa asara si kota mbeto agbu azo ti agbata so ayeke nduru na ala. Tongaso zo oko atumba peko ti amolenge ti Jacob pepe.

1 Mbai 12:22

Ala yeke mu maboko na David na li ti aturugu, ngbanga ti so ala kue ayeke akpengba turugu si ala ga amakonzi ti aturugu ti lo.

2 Mbai 12:3

Shishak aga na apusu ti bira 1 200 na azo ti kpengo na mbarata 60 000; gba ti aturugu so alondo na Ezipte amu peko ti lo, ala ti kodro ti Libii, ala ti Suki na ala ti Etiopii.

2 Mbai 14:14

Ala li nga na bira na ndo ti lango ti azo ti batango anyama si ala gbu ataba na angasa gbani gbani nga na *azambala. Na pekoni, ala kiri na Jérusalem.

2 Mbai 15:11

Na lango ni so, anyama so ala gbu na peko ti bira si ala gue na ni, ala mu na *sandaga na KOTA GBIA: abagara ngbangbo mbarambara, ataba na angasa saki mbarambara.

2 Mbai 17:10

Akodro-gbia so kue ayeke na tere ti Juda asara mbeto ti *KOTA GBIA si mbeni oko atiri bira na Yosafat pepe.

2 Mbai 20:29

So azo ti ambeni kodro-gbia nde ama a tene, KOTA GBIA akinda awato ti Israel, mbeto ti Nzapa asara ala mingi.

Mbeti ti Job 6:9

Tongana Nzapa aye, lo nika mbi ma! Ayeke nzoni lo yoro maboko ti lo, lo fâ mbi biani!

Mbeti ti Job 9:4

Ndara ti Nzapa ayeke kota mingi, ngangu ti lo ayeke mingi; zo wa laa alingbi ti gbu le ni na lo si lo wara sioni pepe, zo wa?

Abia (Psaumes) 108:11

Zo wa laa ayeke gue na mbi na gbata so ngangu gbagba ayeke na tere ni zo wa? Zo wa laa ayeke fa na mbi lege ti si na Edom, zo wa?

2 Tesalonike 1:9

Ngbanga so a yeke fâ na li ti azo ni ayeke so: Nzapa ayeke buba ande ala lakue lakue, ala yeke duti yongoro na le ti Kota Gbia nga na kota gonda ti lo

Josué 5:14

Koli ni akiri tënë: “Mbi yeke na mbage ti zo oko pepe; me mbi yeke makonzi ti aturugu ti *KOTA GBIA. Gango ti mbi laa.” Tongaso Josué ati, lo kpo li ti lo na sese si lo tene: “Nyen laa kota zo ti mbi aye ti tene na mbi, zo ti gbe ti lo?”

1 Samuel 25:28

Mbi gbu gere ti mo, zi na li ti mbi zo ti kua ti mo sioni so mbi sara. Biani, fade KOTA GBIA ayeke mu kodro ni na mo, kodro ni ayeke ngba lakue lakue, ngbanga ti so mo yeke tiri bira ndali ti KOTA GBIA. Na ya ti lango so kue mo yeke ngba na fini, fade a yeke wara sioni oko na li ti mo pepe.