2 Mbai 14:12 - Mbeti ti Nzapa - Tënë so amu fini

¹² Asa na aturugu ti lo atumba peko ti ala ngbii asi na Gerar. Aturugu ti Etiopii akui gbani gbani, mbeni zo oko ti ala angba na fini pepe, ngbanga ti so KOTA GBIA na aturugu ti lo anika ala. Azo ti Juda agbu gba ti aye na peko ti bira ague na ni.

2 Mbai 14:12 ပူးပေါင်းရင်းမြစ်များ

Tongo nda ti aye 10:19

si sese ti azo ti mara ti Kanaan ni alondo na Sidon ahon na Gerar ague ngbii asi na Gaza, ti gue na mbage ti Sodome na Gomore, na Adma, na Seboim, ngbii asi na Lesha.

1 Mbai 5:21

Ala gbu anyama ti ala: *azambala 50 000, ataba na angasa 250 000, alele 2 000; ala gbu nga azo ti kanga 100 000.

2 Mbai 12:3

Shishak aga na apusu ti bira 1 200 na azo ti kpengo na mbarata 60 000; gba ti aturugu so alondo na Ezipte amu peko ti lo, ala ti kodro ti Libii, ala ti Suki na ala ti Etiopii.

2 Mbai 13:15

Aturugu ti Juda adekongo ti bira. Gi na ndembe so ala dekongo, Nzapa akinda Yeroboam na azo ti Israel kue na dawa ti Abia nga na azo ti Juda.

2 Mbai 15:11

Na lango ni so, anyama so ala gbu na peko ti bira si ala gue na ni, ala mu na *sandaga na KOTA GBIA: abagara ngbangbo mbarambara, ataba na angasa saki mbarambara.

2 Mbai 20:22

Na ndembe so ala to nda ti he bia si ala yeke sepela KOTA GBIA, lo bi wusuwusu na popo ti azo so aga ti tiri bira na azo ti Juda: azo ti Amon, ti Moab na azo so ayeke lango na sese ti ahoto ti Seir. Ala wani ayeke tiri na popo ti ala.

Abia (Psaumes) 60:12

Gi mo oko Nzapa laa, mo so mo ke e awe so, mo so mo ke ti gue na aturugu ti e na bira so, mo laa mo lingbi fade ti sara ni.

Sigingo 12:41

Na peko ti ngu ngbangbo osio na baleota so, taa gi na lango ni so, azo ti KOTA GBIA asigigi na ya ti kodro ti Ezipte na lege ti molongo ti amara ti ala.

Sigingo 12:51

Taa gi na lango ni so, KOTA GBIA azi azo ti Israel na kodro ti Ezipte asigigi na ala na lege ti molongo ti amara ti ala.

Sigingo 14:25

KOTA GBIA asara si gere ti apusu ti mbarata ti ala azi si ala ye ti hon, ala hon gbaa. Tongaso azo ti Ezipte atene: “E kpe yongoro na tere ti azo ti Israel, ngbanga ti so KOTA GBIA laa ayeke tiri bira na e ndali ti azo ti Israel!”

Amos 9:7

So tënë ti yanga ti *KOTA GBIA laa: “Ala azo ti Israel, na le ti mbi, ala ne ahon azo ti Etiopii? Mbi mu ala na sese ti Ezipte, mbi sigigi na ala, mbi mu nga azo ti Filistii na ti Kaftor, mbi sigigi na ala si mbi mu nga azo ti Sirii na ti Kir, mbi sigigi na ala. Tënë ni ayeke tongaso pepe?”

1 Korente 15:57

Me e mu singila na Nzapa so ayeke sara titene, na lege ti Kota Gbia ti e Jésus Christ, e so benda!

1 Korente 9:26

Ndani laa mbi yeke kpe loro, le ti mbi angba gi na ndö ti ye so mbi ye ti wara. Mbi yeke tongana zo ti kpongo gobo so ayeke pika ya ti pupu pepe.

Ndia ti fani use ni 28:7

Tongana awato aga ti tiri bira na ala, KOTA GBIA ayeke sara si ala kinda awato ni. Tongana awato ni amu lege oko ti ga ti tiri bira na ala, fade awato ni ayeke mu alege nde nde ti kpe kirikiri na dawa ti ala, azo ti Israel.

Ndia ti fani use ni 32:39

Fadeso, ayeke nzoni ala hinga ye so: mbi, mbi yeke gi mbi oko, na tere ti mbi, mbeni nzapa nde ayeke daa pepe. Mbi laa mbi yeke sara si zo akui, mbi laa mbi yeke sara si zo aduti na fini; mbi laa mbi yeke zia ka na tere ti zo, mbi laa mbi yeke sara si ka ni amu. Zo wa laa alingbi ti gboto zo na maboko ti mbi, zo wa?

Josué 10:10

KOTA GBIA asara si azo ti mara ti Amori akpe kirikiri na dawa ti azo ti Israel; azo ti Israel afâ ala gbani gbani na gbata ti Gabaon. Ala tumba peko ti ala na lege so ague na nduzu, na Bet-Horon si ala fâ ala ngbii asi na Azeka nga na Makeda.