2 Mbai 14:11 - Mbeti ti Nzapa - Tënë so amu fini

¹¹ KOTA GBIA akinda azo ti Etiopii na dawa ti Asa nga na dawa ti aturugu ti Juda; aturugu ti Etiopii akpe.

2 Mbai 14:11 ပူးပေါင်းရင်းမြစ်များ

1 Agbia 8:44

“Tongana azo ti mo ague ti tiri bira na awato ti ala na ndo so mo ye ti tokua ala daa, tongana ala baa ndo na mbage ti gbata so ti sambela mo KOTA GBIA, so ti tene gbata so mo soro; tongana ala baa ndo na mbage ti kota da so mbi sara ndali ti mo,

1 Mbai 5:20

Na ngoi ti bira ni, ala toto na Nzapa; lo yeda na sambela ti ala si lo mu maboko na ala, ngbanga ti so ala zia be ti ala na lo. Tongaso ala hon ndö ti azo ti mara ti Hagri nga na asongo ti ala.

2 Mbai 13:12

Fadeso, Nzapa wani ayeke makonzi ti e; awayango-sandaga ti lo ayeke na e, ala yeke na li ti e, ala yeke na atatalita ti huru ni si e yeke dekongo ti bira na li ti ala, azo ti Israel. Ala tiri bira na KOTA GBIA, Nzapa ti akotara ti ala pepe, ngbanga ti so ala lingbi ti so benda pepe.”

2 Mbai 13:14

Azo ti Juda abaa ndo na peko, ala baa so, fade ala yeke tiri bira na aturugu so ambeni ayeke na dawa ti ala si ambeni ayeke na peko ti ala. Azo ti Juda adekongo na KOTA GBIA si awayango-sandaga ahuru tatalita.

2 Mbai 13:15

Aturugu ti Juda adekongo ti bira. Gi na ndembe so ala dekongo, Nzapa akinda Yeroboam na azo ti Israel kue na dawa ti Abia nga na azo ti Juda.

2 Mbai 13:18

Na lango ni so, azo ti Israel aga taa buba si azo ti Juda aso benda, ngbanga ti so ala luti na ndö ti KOTA GBIA, Nzapa ti akotara ti ala.

2 Mbai 14:10

Asa adekongo na KOTA GBIA, Nzapa ti lo, lo tene: “KOTA GBIA, mo lingbi ti mu maboko na zo so ayeke na ngangu pepe nga na zo so ayeke na ngangu. KOTA GBIA, Nzapa ti e, ga, mo mu maboko na e maa! Biani, e luti na ndö ti mo. Na iri ti mo laa e ga ti tiri bira na gba ti aturugu so. KOTA GBIA, Nzapa ti e, sara si mbeni zo ahon ndö ti mo pepe.”

2 Mbai 16:7

Na ngoi ni so, Hanani, zo ti bango nda ti aye aga awara Asa, gbia ti Juda si lo tene na lo: “Mo zia be ti mo na *KOTA GBIA, Nzapa ti mo pepe; me mo zia be ti mo na gbia ti Sirii. Ndani laa aturugu ti gbia ti Sirii akpe na maboko ti mo.

2 Mbai 18:31

So amakonzi ti azo ti kpengo na apusu ti mbarata abaa Yosafat, ala tene: “So gbia ti Israel laa.” Nilaa ala ngoro lo titene ala ti na ndö ti lo. Me Yosafat adekongo. Tongaso *KOTA GBIA amu maboko na lo si Nzapa atumba awato ti lo na tere ti lo.

2 Mbai 20:12

Nzapa ti e, fade mo fâ ngbanga na li ti ala pepe? Na dawa ti gba ti aturugu so aga ti tiri bira na e so, e yeke na ngangu oko pepe, e hinga ye so e lingbi ti sara oko pepe. Me le ti e kue gi na ndö ti mo.”

2 Mbai 20:32

Yosafat amu peko ti sarango ye ti babâ ti lo Asa, lo zia lege ni pepe; lo sara ye so ayeke mbirimbiri na le ti *KOTA GBIA.

2 Mbai 25:8

Tongana mo na ala ague, ataa mo tiri bira ni na ngangu ti mo kue, fade Nzapa ayeke sara titene mo ti na gbe ti awato ti mo, ngbanga ti so gi Nzapa oko laa ayeke na ngangu ti mu maboko na zo, wala ti sara si zo ati.”

2 Mbai 26:7

Nzapa amu maboko na lo ti tiri bira na azo ti Filistii, a-arabu so ayeke lango na Gur-Baal nga na azo ti mara ti Meun.

2 Mbai 32:20

Gbia Ezekias na wayanga-Nzapa Ésaïe, molenge ti Amoz asambela Nzapa ti yayu, ala dekongo na lo titene lo mu na ala maboko.

2 Mbai 32:8

Ngangu ti gbia ni ayeke gi ngangu ti zo; me ngangu ti e ayeke KOTA GBIA, Nzapa ti e so ayeke mu maboko na e si lo yeke tiri bira ndali ti e.” Azo ni aluti na ndö ti tënë ti Ezekias, gbia ti Juda.

Abia (Psaumes) 120:1

A yeke he bia so na ndembe ti guengo ni na Jérusalem. Na ya ti ye ti ngangu so asi na mbi, mbi iri *KOTA GBIA si lo yeda na mbi.

Abia (Psaumes) 18:6

Gbanda ti ndo ti akuâ agbu mbi, kuâ azia kuku ti lo na dawa ti mbi ti gbu mbi.

Abia (Psaumes) 20:5

Ayeke nzoni lo mu na mo ye so be ti mo aye; lo sara si aye so kue mo leke na be ti mo ti sara aga nzoni.

Abia (Psaumes) 20:7

Fadeso mbi hinga awe: KOTA GBIA ayeke mu ngangu na zo so lo tuku mafuta na li ti lo ti zia lo gbia. Kâ na yayu, nzoni ndo ti lo, lo kiri tënë na gbia; na lege ti ngangu ti lo, lo sara akota ye ti soo lo.

Abia (Psaumes) 20:8

Ambeni zo azia be ti ala na ndö ti apusu ti mbarata, ambeni azia be ti ala na ndö ti ambarata. Ti e, e zia be ti e na ndö ti iri ti KOTA GBIA, Nzapa ti e, lo laa e yeke voro lo.

Abia (Psaumes) 22:5

Ando, akotara ti e azia be ti ala na ndö ti mo, ala zia be ti ala na ndö ti mo si mo zi ala na ya ti ye ti sioni.

Abia (Psaumes) 22:6

Ala dekongo na mo si mo zi ala na ya ti pasi; ala zia be ti ala na ndö ti mo si kamene agbu le ti ala pepe.

Abia (Psaumes) 34:6

Azo so abaa ndo na mbage ti lo, le ti ala ayeke za zango na ngia, kamene ayeke gbu le ti ala pepe.

Abia (Psaumes) 37:5

Zia gigi ti mo na maboko ti KOTA GBIA, zia be ti mo na ndö ti lo, fade lo yeke sara na mo.

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 9:19

Me azo so ye atia ala, Nzapa ayeke girisa ala biani biani pepe; azo ti mawa so azia be ti ala ti ku ye, ala yeke ku ni gbaa pepe.

Abia (Psaumes) 91:15

Tongana lo iri mbi, fade mbi yeke kiri tënë na lo, mbi yeke duti na tere ti lo na ya ti ye ti ngangu so asi na lo; mbi yeke zi lo na ya ti ye ti sioni si mbi yeke sara titene a gonda lo.

Sigingo 14:10

So gbia Faraon aga nduru awe, azo ti Israel ayo le ti ala na nduzu si ala baa so azo ti Ezipte ayeke ga na peko ti ala. Kota mbeto agbu azo ti Israel si ala dema tere ti ala na KOTA GBIA.

Amato 18:10

KOTA GBIA ayeke tongana ngangu gbagba na tere ti azo; zo ti mbirimbiri ayeke kpe na ya ni ti bata tere ti lo.

Ésaïe 10:20

Na lango ni so, tanga ti azo ti Israel na azo ti mara ti Jacob so angba na fini ayeke kiri ti zia be ti ala pepe na ndö ti azo so apika ala. Me ala yeke zia be ti ala kue na ndö ti *KOTA GBIA, Nzapa ti Israel, lo so lo yeke nde si lo yeke nzoni kue.

Ésaïe 2:22

Ala zia be ti ala na ndö ti zo pepe! Fini ti lo ayeke gi pupu so ayeke sigigi na hon ti lo. Lo yeke nyen?

Ésaïe 26:13

KOTA GBIA, Nzapa ti e, ambeni makonzi nde so ayeke mo pepe, ala laa asara komandema na ndö ti e. Me gi mo oko laa e yeke di iri ti mo.

Jérémie 1:19

Fade ala yeke tiri na mo, me ala yeke hon ndö ti mo pepe, ngbanga ti so mbi yeke na mo ti zi mo na maboko ti ala; so tënë ti yanga ti KOTA GBIA laa.”

Awayango-sandaga 26:8

Azo oku na popo ti ala ayeke tumba peko ti awato ngbangbo oko; azo ngbangbo oko ayeke tumba peko ti awato saki baleoko si ala yeke fâ awato ni na ya ti bira.

Amos 5:9

Lo yeke sara si azo akinda zo ti ngangu, ala buba ngangu gbagba kue.

Zakarii 2:8

Kozo ange ni atene na mbeni so, atene: “Kpe loro, mo tene na maseka-koli so kâ so, mo tene: Fade gbata ti Jérusalem ayeke ngba senge tongaso, a yeke sara gbagba na tere ni pepe, ngbanga ti so azo na anyama so ayeke lango na ya ni ayeke wu ahon ndoni.

Matthieu 16:18

Tongaso mbi tene na mo: mo yeke Pierre. Na ndö ti têne so, mbi yeke leke ande *Eglize ti mbi; fade kuâ ayeke na ngangu pepe ti hon ndö ti Eglize ti mbi.

Jean 14:1

Jésus atene na ala: “Ala gi be ti ala pepe; ala ma na be na Nzapa, ala ma na be na mbi nga.

Jean 14:27

“Mbi zia na ala siriri; siriri ti mbi wani laa mbi yeke mu na ala. Mbi yeke mu ni na ala tongana ti so azo ti dunia ayeke mu ni pepe. Ala gi be ti ala pepe; mbeto asara ala pepe.

Awatokua 2:21

Tongaso, zo so kue ayeke iri Kota Gbia ti mu maboko na lo, fade lo yeke soo kuâ.’

Awatokua 3:16

Koli so ala yeke baa lo si ala hinga lo so, ngangu akiri na ya ti tere ti lo ndali ti so lo ma na be na iri ti Jésus. Na lege so lo ma na be na Jésus, tere ti lo akiri aga nzoni; ye ni laa ala kue ayeke baa so.

Awatokua 9:4

Lo ti na sese si lo ma mbeni go so atene na lo: “Saul, Saul, mo yeke sara ngangu na mbi ngbanga ti nyen?”

Rome 8:31

Tongaso, fade e yeke tene nyen na ndö ti tënë so? Tongana Nzapa ayeke na e, zo wa laa alingbi ti ke e?

Ndia ti fani use ni 32:27

Me mbi sara mbeto titene awato ti ala ahe ala; mbi sara mbeto titene azo ti kengo ala ahanda tere ti ala pepe, atene: ngangu ti maboko ti e laa asara ye so, KOTA GBIA laa asara ni pepe!

Ndia ti fani use ni 32:30

Wato oko senge alingbi ti tumba peko ti aturugu ti Israel saki oko? Awato use senge alingbi ti sara si azo ti Israel saki baleoko akpe? Biani, mbi KOTA GBIA so mbi yeke Kota Têne ti batango ala, mbi zia ala na maboko ti awato ti ala ni awe.

Ndia ti fani use ni 32:36

Biani, fade KOTA GBIA ayeke fâ ngbanga ti azo ti lo, lo yeke baa mawa ti azo ti kua ti lo na ndembe so lo yeke baa so ngangu ti ala ahunzi awe, mbeni zo ti mu maboko na ala ayeke daa pepe, ngbaa, wala zo so asigigi na gbe ti ngbaa ayeke daa mbeni pepe.

Awafango-ngbanga 7:7

KOTA GBIA atene na Gédéon: “Na lege ti azo ngbangbo ota so anyon ngu na menga ti ala so laa mbi yeke soo azo ti Israel; na lege ti azo ni, mbi yeke zia azo ti Madian na maboko ti ala, azo ti Israel. Ayeke nzoni tanga ti azo ni kue akiri na ndo ti ala.”

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”

1 Samuel 17:47

Fade azo so kue abongbi ge so ayeke hinga atene, KOTA GBIA ayeke sara titene azo ti lo aso benda na lege ti yongoro zeme wala likongo pepe. Me KOTA GBIA laa ayeke makonzi ti bira; fade lo yeke zia ala na maboko ti e.”

1 Samuel 2:9

KOTA GBIA ayeke bata fini ti azo so aye lo. Me azo so ake tënë ti lo, ala yeke kui na ya ti vukongo ndo. Taa-tënë, zo alingbi ti hon ndö ti aye na ngangu ti lo wani pepe.