2 Mbai 14:10 - Mbeti ti Nzapa - Tënë so amu fini

¹⁰ Asa adekongo na KOTA GBIA, Nzapa ti lo, lo tene: “KOTA GBIA, mo lingbi ti mu maboko na zo so ayeke na ngangu pepe nga na zo so ayeke na ngangu. KOTA GBIA, Nzapa ti e, ga, mo mu maboko na e maa! Biani, e luti na ndö ti mo. Na iri ti mo laa e ga ti tiri bira na gba ti aturugu so. KOTA GBIA, Nzapa ti e, sara si mbeni zo ahon ndö ti mo pepe.”

2 Mbai 14:10 ပူးပေါင်းရင်းမြစ်များ

2 Mbai 13:18

Na lango ni so, azo ti Israel aga taa buba si azo ti Juda aso benda, ngbanga ti so ala luti na ndö ti KOTA GBIA, Nzapa ti akotara ti ala.

2 Mbai 14:11

KOTA GBIA akinda azo ti Etiopii na dawa ti Asa nga na dawa ti aturugu ti Juda; aturugu ti Etiopii akpe.

2 Mbai 14:9

Asa ague ti wara lo si lo na aturugu ti lo aleke tere ti ala ti tiri bira na popo-hoto ti Sefata, nduru na Maresha.

2 Mbai 26:7

Nzapa amu maboko na lo ti tiri bira na azo ti Filistii, a-arabu so ayeke lango na Gur-Baal nga na azo ti mara ti Meun.

2 Mbai 32:20

Gbia Ezekias na wayanga-Nzapa Ésaïe, molenge ti Amoz asambela Nzapa ti yayu, ala dekongo na lo titene lo mu na ala maboko.

2 Mbai 32:8

Ngangu ti gbia ni ayeke gi ngangu ti zo; me ngangu ti e ayeke KOTA GBIA, Nzapa ti e so ayeke mu maboko na e si lo yeke tiri bira ndali ti e.” Azo ni aluti na ndö ti tënë ti Ezekias, gbia ti Juda.

Abia (Psaumes) 20:8

Ambeni zo azia be ti ala na ndö ti apusu ti mbarata, ambeni azia be ti ala na ndö ti ambarata. Ti e, e zia be ti e na ndö ti iri ti KOTA GBIA, Nzapa ti e, lo laa e yeke voro lo.

Abia (Psaumes) 31:15

Me, mbi zia be ti mbi na ndö ti mo KOTA GBIA. Mbi tene: “Gi mo laa mo yeke Nzapa ti mbi.”

Abia (Psaumes) 9:20

KOTA GBIA, londo! Ayeke nzoni zo ahon ndö ti mo pepe! Ayeke nzoni mo fâ ngbanga ti amara nde na dawa ti mo.

Ndia ti fani use ni 20:1

Moïse atene: Ala azo ti Israel, tongana ala yeke gue ande ti tiri bira na awato ti ala, tongana ala baa ambarata, na apusu ti mbarata nga na gba ti aturugu so ahon ti ala, alingbi ala sara mbeto pepe. Biani, *KOTA GBIA Nzapa ti ala so asara si ala sigigi na Ezipte ayeke na ala.

Josué 19:4

Eltolad, Betul, Horma,

Awafango-ngbanga 1:17

Azo ti mara ti Juda na azo ti mara ti Siméon so ayeke a-ita ti ala, alondo si ala gue, atiri bira na azo ti Kanaan so ayeke lango na gbata ti Sefat; ala fâ azo ti gbata ni si ala buba gbata ni biani biani. Iri ti gbata ni fadeso ayeke Horma, so ti tene “Lo so a buba lo biani biani”.

1 Samuel 14:6

Jonatan atene na zo so ayeke yo aye ti bira ti lo, atene: “Ga, e gue na ndo so aturugu ti Filistii so ahinga Nzapa pepe so ayeke daa. E hinga pepe, KOTA GBIA ayeke sara nzoni ye ndali ti e. Ataa e yeke mingi wala e yeke mingi pepe, mbeni ye ayeke daa pepe ti kanga lege na KOTA GBIA ti sara si e so benda.”

1 Samuel 17:45

David atene na zo ti Filistii ni: “Mo mu yongoro zeme na likongo nga na kota likongo ti ga ti tiri na mbi. Ti mbi, mbi yeke ga ti tiri na mo na iri ti KOTA GBIA so ngangu ti lo ahon angangu kue, Nzapa ti aturugu ti Israel so mo gi yanga ti lo so.