Roboam akui, lo hon na peko ti ababâ ti lo; a lu lo na tere ti ababâ ti lo na Gbata ti David. Iri ti mama ti lo ayeke Naama, zo ti mara ti Amon. Molenge ti lo Abiam aga gbia na peko ti lo.
Lo zi agbalaka ti anzapa ti awande nga na ando so azo aleke na ndö ti ahoto si ala yeke voro anzapa nde daa; lo kungbi na sese angbongboro têne so azo aleke si aluti na nduzu, lo fâ ya ti akeke so ala leke si aluti na nduzu ndali ti nzapa-wali *Ashera.
Yoram awara mbeni mbeti so wayanga-Nzapa Élie atokua na lo; tënë ti ya ti mbeti ni atene: “Tënë so KOTA GBIA, Nzapa ti babâ ti mo David atene ayeke so: Mo sara ye tongana ti babâ ti mo Yosafat pepe wala tongana ti kotara ti mo Asa, gbia ti Juda pepe.
Ye so Ezekias asara na ya ti kodro-gbia ti Juda kue laa. Lo sara ye so ayeke nzoni, ye so ayeke mbirimbiri na ye so ayeke na legeni na le ti KOTA GBIA, Nzapa ti lo.
Na peko ti so *KOTA GBIA azi azo ti Israel na maboko ti awato ti ala so angoro ala, lo mu na ala siriri aninga awe. Josué aga mbakoro si ngu ti lo ahon mingi awe.