2 Mbai 13:9 - Mbeti ti Nzapa - Tënë so amu fini

⁹ Ala tumba taa awayango-sandaga ti KOTA GBIA, ahale ti Aaron nga na azo ti mara ti Lévi si ala soro awayango-sandaga ti ala wani tongana ti so azo ti ambeni kodro asara! Zo so aga na koli-bagara oko na akoli-taba mbarambara, ala yeke soro lo tongana wayango-sandaga titene lo sara kua na anzapa so ayeke taa Nzapa pepe.

2 Mbai 13:9 ပူးပေါင်းရင်းမြစ်များ

1 Agbia 13:33

Ataa so kue, Yeroboam azia ngbene lege ti sarango ye ti lo pepe. Lo ngba ti sara ngangu li. Lo ngba ti mu azo kirikiri na popo ti azo ti Israel ti zia ala tongana awayango-sandaga ti ando so a leke na ndö ti ahoto ti voro anzapa nde daa. Zo so kue aye ti ga wayango-sandaga, lo yeke mu lo wayango-sandaga ti ando so a leke na ndö ti ahoto ti voro anzapa nde daa.

2 Agbia 19:18

Agbia ni abi anzapa ti azo ni na le ti wâ. Andaa anzapa ni ayeke taa Nzapa pepe, me ala yeke gi ye so maboko ti zo laa asara ni na keke nga na têne; nilaa agbia ti Asirii abuba anzapa ni kue.

1 Mbai 29:5

Ti fadeso, zo wa laa ayeke nduru ti mu na be ti lo wani lôro wala wen ti nginza na KOTA GBIA? Fade azo ti sarango ye na kode alingbi ti leke na aye so kue ayeke na lôro wala na wen ti nginza.”

2 Mbai 13:10

Ti e, KOTA GBIA laa ayeke Nzapa ti e; e zia lo pepe. Awayango-sandaga so ayeke sara kua na KOTA GBIA ayeke ahale ti Aaron si azo ti mara ti Lévi ayeke sara kua ti ala.

2 Mbai 29:31

Ezekias akiri amu tënë si lo tene: “Fadeso, ndali ti so maboko ti ala asi singo na asandaga, ala ga na asandaga ti ala ti beoko na asandaga ti mungo singila na KOTA GBIA na ya ti kota da ti lo.” Tongaso bongbi ti azo ni aga na asandaga ti beoko na asandaga ti mungo singila na KOTA GBIA. Azo so ayeke na nzoni be mingi aga nga na asandaga so a yeke gbi ni kue na wâ.

Sigingo 29:1

“Lege so mo yeke zia Aaron na amolenge ti lo nde titene ala sara kua ti awayango-sandaga na mbi ayeke so: “Fade mo yeke mu koli-bagara oko na akoli-taba use so mbage ti tere ti ala abuba pepe;

Sigingo 29:29

“Na peko ti kuâ ti Aaron, abongo ti lo ti wayango-sandaga ayeke ga ti amolenge ti lo. Ala yeke yu ni na lango so a yeke tuku mafuta na li ti ala si ala yeke to nda ti sara kua na mbi.

Sigingo 29:35

“Fade mo yeke sara na Aaron na amolenge ti lo alingbi gi na yanga so mbi mu na mo. Ala yeke mu lango mbarambara ti sara matanga ti lingo ti ala na kua ni.

Sigingo 32:29

Tongaso Moïse atene na azo ti mara ti Lévi: “Laso a zia ala nde ndali ti kua ti KOTA GBIA awe. Biani, ataa amolenge ti ala ti koli wala a-ita ti ala, ala fâ ala. Ayeke nzoni KOTA GBIA asara tufa na ndö ti ala laso.”

Jérémie 2:11

Laoko ala baa mbeni mara so azia anzapa ti lo ti mu ambeni nde? Ataa so ala yeke anzapa pepe! Me azo ti mbi azia mbi, mbi so mbi yeke nengo ti ala, ala mu peko ti ye so alingbi ti sara mbeni ye oko pepe.

Jérémie 5:7

“Jérusalem, fade mbi yeke zi siokpari na li ti mo tongana nyen? Amolenge ti mo azia mbi awe; ala yeke deba na iri ti aye so ayeke Nzapa pepe. Mbi mu na ala anzoni ye kue so alingbi; me ala gue na peko ti koli wala wali nde, ala yeke gbugburu tere ti ala na da ti wali-ndumba.

Osée 8:6

Kete bagara ti Samarii ni alondo na Israel, mbeni zo ti sarango ye na kode laa aleke ni; kete bagara ni ayeke Nzapa pepe. Biani, fade a yeke fâ ya ti lo kete kete.

Awayango-sandaga 16:32

“Wayango-sandaga so a tuku mafuta na li ti lo si a zia kua ti kota wayango-sandaga na maboko ti lo na peko ti babâ ti lo, lo laa lo yeke sara titene Nzapa azi siokpari na li ti azo. Lo yeke yu abongo so a sara na len, abongo so a zia ni nde ndali ti Nzapa.

Awayango-sandaga 8:2

“Mu Aaron na amolenge ti lo, na abongo so a zia nde ndali ti Nzapa, na mafuta ti tukungo na li ti zo ti zia lo nde, na koli-bagara so a yeke mu na *sandaga ndali ti zingo siokpari na li ti zo, na akoli-taba use nga na sakpa ti mapa so a sara na mama ni pepe.

Awatokua 19:26

Fadeso, ye so asi, ala baa ni si ala ma nga tënë ni: koli so iri ti lo Paul ayeke tene, anzapa so azo ayeke leke ayeke anzapa oko pepe si lo sara kue titene azo mingi ayeda ti mu peko ti lo. Azo ti Efeze ge na ala ti sese ti Azii nga amu peko ti lo.

Galasii 4:8

Ando, ala hinga Nzapa pepe, ala yeke angbaa ti aye so ala baa ti ala atene, ayeke anzapa, andaa aye ni so ayeke anzapa biani pepe.

Ndia ti fani use ni 32:17

Ala yeke ya *asandaga na asioni yingo so ayeke nga Nzapa pepe, ala hinga anzapa ni so pepe. Ala yeke afini nzapa so akotara ti ala ahinga ala laoko pepe.