2 Mbai 13:7 - Mbeti ti Nzapa - Tënë so amu fini

⁷ Agodobe na azo ti kirikiri abongbi na tere ti Yeroboam si ala hon ndö ti Roboam, molenge ti Salomon. Roboam angba lani maseka si lo de ti kpengba pepe, nilaa lo lingbi ti gbu le ni na ala pepe.

2 Mbai 13:7 ပူးပေါင်းရင်းမြစ်များ

2 Samuel 3:39

A tuku mafuta na li ti mbi titene mbi ga gbia awe; me fadeso, ade mbi wara ngangu mingi pepe si akoli so iri ti mama ti ala ayeke Seruya ayeke azo ti sarango ngangu mingi ahon mbi. Ayeke nzoni KOTA GBIA akiri sioni na zo ti sioni alingbi na sioni ti lo.”

1 Agbia 21:10

Ala zia agodobe use na dawa ti Nabot titene ala bi tënë na li ti lo, atene: ‘Mo zonga Nzapa, mo zonga nga gbia ti kodro!’ Na pekoni, fade ala sigigi na lo na ya ti gbata ni, ala bo lo na têne titene lo kui!”

1 Agbia 21:13

Agodobe use aga aduti na dawa ti Nabot si ala to nda ti bi tënë na li ti lo na le ti azo kue, ala tene: “Nabot azonga Nzapa, lo zonga nga gbia ti kodro!” Tongaso ala mu Nabot, asigigi na lo na ya ti gbata ni, ala bo lo na têne si lo kui.

2 Mbai 10:16

So azo ti Israel kue abaa atene, gbia ama tënë ti ala pepe, ala kiri tënë na gbia, atene: “Nyen laa ayeke na popo ti e na David, nyen? Nyen laa abongbi e na molenge ti Yese, nyen? Azo ti Israel, zo oko oko akiri na da ti lo! Ti mo, *hale ti David, fadeso, mo baa ndo na ndö ti da ti mo!” Na pekoni, azo ti Israel kue akiri na da ti ala.

2 Mbai 12:13

Gbia Roboam asara si lengo-gbia ti lo akpengba na Jérusalem. Lo yeke na ngu baleosio na oko si lo ga gbia; lo le-gbia ngu baleoko na mbarambara na Jérusalem, gbata so *KOTA GBIA asoro na popo ti amara kue ti Israel titene iri ti lo aduti na ndö ni. Iri ti mama ti lo ayeke Naama, zo ti mara ti Amon.

Mbeti ti Job 30:8

Mara ti azo ti fuu laa, iri ti ala ayeke daa pepe. A mu keke si a tumba na ala na ya ti kodro.

Abia (Psaumes) 26:4

Mbi duti na ndo ti azo ti handango ndo pepe; mbi fono pepe na azo so tënë ti yanga ti ala ayeke nde na sarango ye ti ala.

Amato 12:11

Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, li ti lo ayeke daa pepe.

Amato 28:19

Zo so ayeke fâ yaka, fade lo yeke na gba ti kobe; me zo so ayeke tumba peko ti asenge senge ye, yere ayeke hon ndö ti lo.

Zo ti bongbingo azo 10:16

Mawa na kodro so gbia ni ade molenge si amakonzi ti kodro ni amu ngoi ti ala kue gi ti tengo kobe!

Ésaïe 3:4

*KOTA GBIA atene: “Fade mbi yeke mu gi amolenge ti duti amakonzi na ndö ti ala, ala yeke sara komandema ti mbana na ndö ti ala.”

Awatokua 17:5

Me kota be asara azuife; ala mu ambeni godobe na tere ti ala, ala bi tomboka na li ti gba ti azo si ala bi wusuwusu na ya ti gbata ni. Ala gue na da ti Yason ti gbu Paul na Silas ti ga na ala na gbe ti azo ni.

1 Korente 14:20

A-ita, ayeke nzoni gbungo-li ti ala ayeke tongana ti amolenge pepe. Tongana ayeke tënë ti sarango sioni, ala ga tongana akete molenge so ahinga ti sara sioni pepe; me ayeke nzoni gbungo-li ti ala ayeke tongana ti akota zo.

Ndia ti fani use ni 13:13

Mbeni ye tongaso alingbi nga ti si: mbeni lâ, ala azo ti Israel, ala ma a tene, na ya ti mbeni gbata oko so KOTA GBIA Nzapa ti ala amu na ala titene ala duti daa,

Tite 1:10

Biani, ambeni zo mingi ayeke daa so li ti ala akpengba, ala yeke diko abuba tënë si ala yeke handa azo; mingi ti ala ayeke azuife so aga azo ti Christ.

Ahebro 5:12

Ngoi ahon mingi so ala lingbi fade ti ga awafango-ye! Me ala kiri aga azo titene a kiri a fa na ala akozo tënë ti Nzapa. So aye ti fa atene, ala de ti kpengba titene a mu na ala kpengbango kobe pepe, ala ngba ti nyon me.

Awafango-ngbanga 11:3

Tongaso Yefte akpe yongoro na tere ti a-ita ti lo, lo gue, lo sara kodro na Tob. Ambeni godobe aga na tere ti lo, ala mu maboko na lo ti sara bira.

Awafango-ngbanga 9:4

Tongaso ala mu na Abimelek ale ti nginza balembarambara so ayeke na ya ti da ti nzapa Baal-Berit. Lo mu nginza so, lo futa na agodobe nga na azo ti kirikiri titene ala mu peko ti lo.

1 Samuel 22:2

Azo so aye ti ngangu asi na ala, azo so yongo ti azo ayeke na li ti ala nga na azo so tere ti ala anzere pepe abongbi na tere ti David si lo ga makonzi ti ala. Wungo ti ala kue ayeke nduru na ngbangbo osio.