2 Mbai 13:5 - Mbeti ti Nzapa - Tënë so amu fini

⁵ Ala hinga pepe atene, *KOTA GBIA, Nzapa ti Israel amu ando David na *ahale ti lo titene ala le-gbia na ndö ti Israel kpu na kpu? *Mbuki so KOTA GBIA asara na ala ayeke mbuki ti ingo!

2 Mbai 13:5 ပူးပေါင်းရင်းမြစ်များ

2 Samuel 10:13

Yoab na aturugu ti lo ague na dawa ti azo ti Sirii ti tiri bira na ala; azo ti Sirii ni akpe na dawa ti lo.

1 Agbia 8:20

Salomon akiri atene: “Tënë so KOTA GBIA atene lani so, lo sara ye alingbi na ni awe: mbi ga gbia na peko ti babâ ti mbi David, mbi duti na ndö ti mbata ti gbia ti Israel, alingbi na tënë so KOTA GBIA atene lani, nilaa mbi sara kota da so ndali ti KOTA GBIA, Nzapa ti Israel.

1 Mbai 17:11

Tongana ngoi ti mo alingbi awe titene mo gue na peko ti akotara ti mo, fade mbi yeke mu mbeni *hale ti mo, so ti tene mbeni molenge ti mo ti koli titene lo ga gbia. Mbi yeke sara titene lengo-gbia ti lo akpengba.

1 Mbai 17:14

Mbi yeke sara titene lo ngba gbia kpu na kpu na ndö ti azo ti mbi nga na ya ti kodro-gbia ti mbi. Biani, lengo-gbia ti lo ayeke kpengba kpu na kpu.’ ”

2 Mbai 6:16

Fadeso KOTA GBIA, Nzapa ti Israel, sara ye alingbi na tënë so mo tene lani na babâ ti mbi David, zo ti kua ti mo; lani mo tene: ‘Tongana amolenge ti mo abata lege ti dutingo ti ala nzoni, tongana ala sara ye alingbi na *Ndia ti mbi tongana ti so mo wani, mo sara, fade mbeni zo oko ti ya ti sewa ti mo ayeke duti lakue na ndö ti mbata ti gbia ti Israel.’

Néhémie 5:9

Mbi tene na ala: “Ye so ala yeke sara so ayeke nzoni pepe. Ayeke fade nzoni titene ala duti na kpengo mbeto ti Nzapa ti e; tongaso si azo ti amara nde so ayeke awato ti e awara lege pepe ti zonga e!

Amato 1:29

Aye ni ayeke duti tongaso, ngbanga ti so ala ke ti hinga ye; ala ye ti kpe mbeto ti KOTA GBIA pepe.

Jérémie 33:26

Tongaso, mbi lingbi ti ke ahale ti Jacob na ti David, zo ti kua ti mbi? Mbi lingbi ti ke ti soro na popo ti ahale ti ala azo so ayeke le-gbia na ndö ti ahale ti Abraham, ti Isaac na ti Jacob? “Oko pepe! Fade mbi yeke sara titene ala kiri na kozo ndo ti ala, ngbanga ti so mbi baa mawa ti ala.”

Ezekiel 43:24

Mo yeke ga na ala na dawa ti mbi, KOTA GBIA; awayango-sandaga ayeke tuku ingo kete kete na ndö ni si ala gbi ni kue na wâ na mbi, KOTA GBIA.

Daniel 5:18

Babâ gbia, Nzapa so ayeke na ndö ti aye kue asara si babâ ti mo Nabukodonosor aga ando kota gbia, azo agonda lo mingi si ane lo na taa nengo ti gbia.

Awayango-sandaga 2:13

“Asandaga so kue ala yeke mu ni, fade ala yeke zia ingo daa. Ala girisa ti zia ingo daa laoko pepe, ngbanga ti so ingo ni ayeke tongana mbuki so ayeke na popo ti ala na Nzapa. Nilaa, na ya ti asandaga ti ala kue, fade ala yeke zia ingo daa.

Wungo ti azo 18:19

Asandaga ti azo ti Israel so a zia ni nde ti mu na mbi KOTA GBIA so, mbage ni ayeke ga ti mo, ti amolenge ti mo ti koli na ti wali. Ye ni so ayeke ndia ndali ti ala kpu na kpu, ye ni ayeke tongaso ndali ti *mbuki so zo alingbi ti buba ya ni pepe; mbuki ni ayeke ngba kpu na kpu na dawa ti mbi ndali ti mo, Aaron na ahale ti mo.”

2 Pierre 3:5

Ala girisa na mbana ti be ti ala wani so yayu na sese ayeke ando daa giriri: yayu na sese abaa gigi na lege ti tënë ti yanga ti Nzapa. Lo sara si sese na ngu akangbi si kuru sese asigigi na ya ti ngu.

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 16:12

Yese atokua mbeni zo, amu molenge ni aga na lo. Lo be, lo pendere, le ti lo ayeke za pendere. KOTA GBIA atene na Samuel: “Lo laa, londo mo tuku mafuta na li ti lo.”