2 Mbai 13:21 - Mbeti ti Nzapa - Tënë so amu fini

²¹ Me Abia awara ti lo ngangu mingi. Lo mu awali baleoko na osio si lo du amolenge-koli baleuse na use nga na amolenge-wali baleoko na omene.

2 Mbai 13:21 ပူးပေါင်းရင်းမြစ်များ

1 Agbia 15:7

Tanga ti atënë na ndö ti Abiam, aye so kue lo sara, a su tënë ni na ya ti “Mbeti ti aye so agbia ti Juda asara”. Bira ayeke lani na popo ti Abiam na Yeroboam.

2 Mbai 11:21

Roboam aye Maaka, molenge ti Abishalom, ahon tanga ti awali ti lo kue. Awali ti Roboam so lo ne ala mingi ayeke baleoko na miombe, awali so lo ne ala mingi pepe ayeke baleomene. Lo du amolenge-koli baleuse na miombe, amolenge-wali baleomene.

2 Mbai 13:20

Na ngoi so Abia ayeke gbia, Yeroboam akiri awara ngangu oko pepe. Na ndani, KOTA GBIA apika lo si lo kui.

2 Mbai 13:22

Tanga ti atënë na ndö ti Abia, aye so lo sara na atënë so lo tene, a su tënë ni kue na ya ti “Mbeti ti dango be ti wayanga-Nzapa Ido”.

Awafango-ngbanga 10:4

Lo yeke na amolenge-koli baleota so ala kue ayeke tambula na ndö ti alele baleota. Ala yeke awa ti kodro baleota na sese ti Galaad. Azo adi iri ti akodro so Akete kodro ti Yair ngbii asi laso.

Awafango-ngbanga 9:5

Lo londo, lo gue na da ti babâ ti lo so ayeke na Ofra. Kâ, lo fâ a-ita ti lo, amolenge ti Yerubaal balembarambara kue; lo fâ ala gi na ndö ti têne oko. Zo so asoo kuâ ayeke gi ngambe ni so iri ti lo Yotam, ngbanga ti so lo honde tere ti lo.