2 Mbai 13:20 - Mbeti ti Nzapa - Tënë so amu fini

²⁰ Na ngoi so Abia ayeke gbia, Yeroboam akiri awara ngangu oko pepe. Na ndani, KOTA GBIA apika lo si lo kui.

2 Mbai 13:20 ပူးပေါင်းရင်းမြစ်များ

1 Agbia 14:20

Yeroboam ale-gbia ngu baleuse na use; na pekoni, lo kui, lo hon na peko ti ababâ ti lo. Molenge ti lo Nadab laa aga gbia na peko ti lo.

1 Agbia 15:9

Na ngu baleuse ni so Yeroboam ayeke gbia ti Israel, Asa aga gbia ti Juda.

2 Mbai 13:19

Abia atumba peko ti Yeroboam; lo mu agbata tongana: Betel, Yeshana na Efron nga na ambeni kodro so ayeke na tere ni.

2 Mbai 13:21

Me Abia awara ti lo ngangu mingi. Lo mu awali baleoko na osio si lo du amolenge-koli baleuse na use nga na amolenge-wali baleoko na omene.

Ezekiel 24:16

“*Molenge ti zo, wali so anzere na le ti mo so, mbi yeke zi fini ti lo gi biaku tongaso. Me fade mo yeke toto kuâ ti lo pepe, mo yeke dema tere ti mo pepe, ngu ti le ti mo ayeke yuru pepe.

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.

1 Samuel 25:38

Lango baleoko na pekoni, KOTA GBIA apika Nabal si lo kui.

1 Samuel 26:10

David atene: “KOTA GBIA ayeke na fini! KOTA GBIA wani laa ayeke fâ lo. Tongana lango ti kuâ ti lo alingbi, fade lo yeke kui, wala tongana lo gue na bira, fade lo yeke kui.