2 Mbai 13:16 - Mbeti ti Nzapa - Tënë so amu fini

¹⁶ Azo ti Israel akpe na dawa ti azo ti Juda si Nzapa azia azo ti Israel na maboko ti azo ti Juda ni.

2 Mbai 13:16 ပူးပေါင်းရင်းမြစ်များ

Tongo nda ti aye 14:20

E gonda Nzapa so ayeke na yayu kâ na ndö ti aye kue, lo so lo sara titene awato ti mo ati na maboko ti mo so.” Abram amu na lo *dime ti aye so kue lo yeke na ni.

2 Mbai 13:17

Abia na aturugu ti lo afâ azo ti Israel gbani gbani: akpengba turugu ti Israel 500 000 akui.

2 Mbai 16:8

Aturugu ti Etiopii na ala ti Libii ayeke lani gbani gbani pepe? Ala yeke na apusu ti mbarata na azo ti kpengo na mbarata ni gbani gbani pepe? Me KOTA GBIA azia ala na maboko ti mo si mo kinda ala, ngbanga ti so mo zia be ti mo na lo.

Ndia ti fani use ni 2:36

Ti londo na gbata ti Aroer so ayeke na yanga ti ngu ti Arnon ti hon na mbage ti gbata so ayeke na popo-hoto ngbii ti si na Galaad, mbeni gbata oko so akara e ayeke daa pepe. KOTA GBIA Nzapa ti e azia agbata ni kue na maboko ti e.

Ndia ti fani use ni 3:3

KOTA GBIA Nzapa ti e asara si e so nga benda na ndö ti Og na aturugu ti lo; e hon ndö ti ala, tongaso e zia mbeni zo oko angba na fini pepe.

Josué 10:12

Tongaso, na lango so KOTA GBIA azia azo ti mara ti Amori na maboko ti azo ti Israel, Josué ahunda mbeni ye na KOTA GBIA, na le ti azo ti Israel kue, atene: “Lâ, mo luti na ndö ti Gabaon! Nze, mo luti na ndö ti popo-hoto ti Ayalon!”

Josué 21:44

KOTA GBIA amu ala lege ti wu tere na ya ti sese ni kue, tongana ti so lo deba yanga ti lo lani na akotara ti ala. KOTA GBIA azia awato ti ala kue na maboko ti ala, mbeni oko alingbi ti gbu le ni na ala pepe.

Awafango-ngbanga 1:4

Azo ti mara ti Juda na ti Siméon alondo na bira na tere ti azo ti Kanaan nga na azo ti Perizi. KOTA GBIA azia azo ni na maboko ti ala; ala fâ azo saki baleoko na gbata ti Bezek.

Awafango-ngbanga 11:21

*KOTA GBIA, Nzapa ti Israel azia Sihon na aturugu ti lo kue na maboko ti azo ti Israel; azo ti Israel ahon ndö ti ala na bira ni. Azo ti Israel amu sese so kue azo ti Amori ayeke lango daa.

1 Samuel 23:7

Azo ague, atene na Saul, atene, David asi na Keila awe. Nilaa Saul atene: “Nzapa azia lo na maboko ti mbi awe, ngbanga ti so lo li na ya ti gbata so gbagba ayeke na tere ni si a kanga yanga ni na angbongboro wen; lo kanga tere ti lo wani awe.”