2 Mbai 13:14 - Mbeti ti Nzapa - Tënë so amu fini

¹⁴ Azo ti Juda abaa ndo na peko, ala baa so, fade ala yeke tiri bira na aturugu so ambeni ayeke na dawa ti ala si ambeni ayeke na peko ti ala. Azo ti Juda adekongo na KOTA GBIA si awayango-sandaga ahuru tatalita.

2 Mbai 13:14 ပူးပေါင်းရင်းမြစ်များ

1 Mbai 5:20

Na ngoi ti bira ni, ala toto na Nzapa; lo yeda na sambela ti ala si lo mu maboko na ala, ngbanga ti so ala zia be ti ala na lo. Tongaso ala hon ndö ti azo ti mara ti Hagri nga na asongo ti ala.

2 Mbai 14:11

KOTA GBIA akinda azo ti Etiopii na dawa ti Asa nga na dawa ti aturugu ti Juda; aturugu ti Etiopii akpe.

2 Mbai 18:31

So amakonzi ti azo ti kpengo na apusu ti mbarata abaa Yosafat, ala tene: “So gbia ti Israel laa.” Nilaa ala ngoro lo titene ala ti na ndö ti lo. Me Yosafat adekongo. Tongaso *KOTA GBIA amu maboko na lo si Nzapa atumba awato ti lo na tere ti lo.

2 Mbai 32:20

Gbia Ezekias na wayanga-Nzapa Ésaïe, molenge ti Amoz asambela Nzapa ti yayu, ala dekongo na lo titene lo mu na ala maboko.

Abia (Psaumes) 50:15

Tongaso, tongana ye ti ngangu asi na mo, mo iri mbi, fade mbi yeke zi mo na ya ni si mo yeke gonda mbi.

Abia (Psaumes) 91:5

Fade mo yeke sara mbeto ti aye so pepe: ataa asioni ye ti bi so ayeke zia mbeto na be ti zo, ataa le ti kokora so a bi na kota lâ,

Sigingo 14:10

So gbia Faraon aga nduru awe, azo ti Israel ayo le ti ala na nduzu si ala baa so azo ti Ezipte ayeke ga na peko ti ala. Kota mbeto agbu azo ti Israel si ala dema tere ti ala na KOTA GBIA.

Wungo ti azo 10:9

“Na kodro ti ala, tongana ala gue ti tiri bira na awato ti ala so ayeke sara ngangu na ala, ayeke nzoni ala huru tatalita ni si ngangu dekongo ayeke na gbe ni. Tongaso, mbi KOTA GBIA Nzapa ti ala, mbi yeke dabe ti mbi na ala si mbi yeke zi ala na maboko ti awato ti ala ni.

Josué 6:16

Ti fani mbarambara ni, so awayango-sandaga ahuru didi awe, Josué atene na azo ni, atene: “Ala dekongo ngangu, ngbanga ti so KOTA GBIA azia gbata ni na maboko ti ala awe!

Josué 8:20

Azo ti Ai abaa ndo na peko ti ala, ala baa so guru ti wâ alondo na ya ti gbata ni si ayeke gue na nduzu. Ala hinga ndo so ala lingbi ti kpe daa pepe, ngbanga ti so azo ti Israel so ayeke kpe fade ti gue na mbage ti benyama, ala kiri na peko ti tiri na azo so ayeke tumba peko ti ala.