2 Mbai 13:11 - Mbeti ti Nzapa - Tënë so amu fini

¹¹ Lakue na ndaperere nga na lakui, ala yeke ya na KOTA GBIA *asandaga so a yeke gbi ni kue na wâ, ala yeke zö na lo dukani so fion ni anzere na lo, ala yeke zia mapa so a mu na Nzapa na ndö ti meza so ayeke *nzoni si lakue na lakui, ala yeke za wâ na ya ti alamba so ayeke na ndö ti gere so a sara na lôro. Ti e, e yeke sara kua na KOTA GBIA, Nzapa ti e. Me ti ala, ala zia lo awe.

2 Mbai 13:11 ပူးပေါင်းရင်းမြစ်များ

Tongo nda ti aye 26:5

Mbi yeke sara ye so kue, ngbanga ti so Abraham ama yanga ti mbi, lo sara ye so mbi hunda na lo, lo sara ye alingbi na atënë ti yanga ti mbi, ambela ti mbi na andia ti mbi.”

2 Mbai 13:10

Ti e, KOTA GBIA laa ayeke Nzapa ti e; e zia lo pepe. Awayango-sandaga so ayeke sara kua na KOTA GBIA ayeke ahale ti Aaron si azo ti mara ti Lévi ayeke sara kua ti ala.

2 Mbai 2:3

Mbi ye ti sara da ndali ti KOTA GBIA, Nzapa ti mbi, ti zia ni nde ndali ti lo. Na ya ti da ni, fade a yeke zö na dawa ti lo dukani so fion ni afun nzoni, a yeke leke mapa si a yeke zia na dawa ti lo lakue lakue, a yeke mu na lo *asandaga so a yeke gbi ni kue na wâ, na ndaperere nga na lakui, a yeke mu nga na lo asandaga ti *lango ti wungo tere, ti alango ti fini nze na ti alango ti amatanga ti KOTA GBIA Nzapa ti e; ye so a diko ndali ti azo ti Israel kpu na kpu laa.

2 Mbai 2:4

Da so mbi ye ti sara so ayeke duti kota da, ngbanga ti so Nzapa ti e ayeke kota ahon anzapa kue.

2 Mbai 4:20

agere ti lamba na alamba ti ala so a yeke zia wâ daa na dawa ti da so ayeke nde si ayeke nzoni kue ahon atanga ni; a sara ni kue na lôro ti nzoni ni, alingbi na kode ni.

Sigingo 29:38

“Baa, aye so fade ala yeke ya na *sandaga na ndö ti gbalaka ni na ya ti lango oko oko ayeke so: akete taba use ti ngu oko; ala yeke ya ni kpu na kpu.

Ezekiel 44:15

“Awayango-sandaga so ayeke azo ti mara ti Lévi, *ahale ti Sadok so asara kua na ndo so a zia ni nde ndali ti mbi na ngoi so azo ti Israel ahon kirikiri yongoro na tere ti mbi, awayango-sandaga so laa ayeke ga nduru na mbi ti sara kua na mbi. Ala yeke luti na dawa ti mbi ti mu na mbi mafuta ti anyama nga na mene ti anyama so a mu na *sandaga. So tënë ti yanga ti Kota Gbia NZAPA laa.

Ezekiel 44:8

Ala wani asara kua pepe na ndo so a zia ni nde ndali ti mbi, me ala mu kua ni na awande titene ala sara ni na plase ti ala.

Ezekiel 48:11

Ndo ni so ayeke ndali ti awayango-sandaga so a zia ala nde ndali ti Nzapa; ala so ayeke azo ti mara ti Sadok. Lani ala sara kua ti KOTA GBIA na ngoi so azo ti Israel agirisa lege; awayango-sandaga so angba na tere ti Nzapa, ala girisa lege pepe tongana ti azo ti mara ti Lévi.

Wungo ti azo 1:53

Ti azo ti mara ti Lévi, ala yeke sara bâbâ ti ala angoro da so a zia nde ndali ti Nzapa. Tongaso si ngonzo ti KOTA GBIA ati na ndö ti bongbi ti azo ti Israel pepe. Kua ti azo ti mara ti Lévi ayeke ti sara akua kue ti da ni.”

Wungo ti azo 16:6

Kore, mo na azo ti mo, ala sara tongaso: ala mu akete ta ti zongo na dukani.

Wungo ti azo 9:19

Tongana mbinda ni angba na ndö ti da ni aninga, azo ti Israel ayeke sara kua na KOTA GBIA, ala yeke londo ti hon pepe.

Nzoni Tënë so Luc asu na mbeti 1:9

Ala soro lo alingbi na ti so awayango-sandaga ayeke sara ni lakue titene lo laa lo li na ya ti da ti Kota Gbia ti zö dukani.