2 Mbai 12:6 - Mbeti ti Nzapa - Tënë so amu fini

⁶ Amakonzi ti azo ti Israel na gbia asara tere ti ala kete si ala tene: “KOTA GBIA ayeke mbirimbiri!”

2 Mbai 12:6 ပူးပေါင်းရင်းမြစ်များ

2 Mbai 12:12

Ndali ti so Roboam asara tere ti lo kete, KOTA GBIA azia ti sara ngonzo na tere ti lo si a fâ azo ni kue kue kue pepe. Na ndö ni kue, ambeni nzoni ye ayeke na sese ti Juda.

2 Mbai 21:2

A-ita ti Yoram ayeke daa; ala kue ayeke amolenge ti Yosafat. Iri ti ala ayeke Azaria, Yehiel, Zakarii, Azariahu, Mikael na Shefatia.

2 Mbai 32:26

Me ataa so Ezekias asara fade baba, lo na azo ti Jérusalem asara tere ti ala kete. Nilaa na ngoi so Ezekias ade na fini, ngonzo ti KOTA GBIA ati na ndö ti ala pepe.

2 Mbai 33:12

So lo yeke na ya ti pasi, lo voro tere ti lo na KOTA GBIA, Nzapa ti lo; lo sara tere ti lo kete mingi na gbe ti Nzapa ti akotara ti lo.

2 Mbai 33:19

Tënë ti sambela ti lo, lege so Nzapa azia ti sara ngonzo na tere ti lo, asiokpari ti lo nga na aye so lo sara ti ke Nzapa, a su tënë ni na ya ti mbeti ti Hozai. Na ya ti mbeti ni, a su nga iri ti ando so lo leke na ndö ti ahoto titene azo avoro anzapa nde daa, ando so lo leke akeke daa aluti na nduzu ndali ti nzapa-wali *Ashera nga na ayanda nde nde; lo sara aye ni so kozo titene lo sara tere ti lo kete.

2 Mbai 33:23

Me lo sara tere ti lo kete pepe na dawa ti KOTA GBIA tongana ti so babâ ti lo Manase asara. Ti Amon ni, lo kiri lo sara sioni mingi ahon ti babâ ti lo.

Mbeti ti Job 33:27

Lo yeke he bia na dawa ti azo kue, lo tene: “Mbi sara siokpari, mbi sara ye so ake ndia, me Nzapa asara na mbi alingbi na sioni so mbi sara so pepe.

Abia (Psaumes) 129:4

Me KOTA GBIA ayeke mbirimbiri, lo fâ ya ti akamba ti azo ti sioni.

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Sigingo 9:27

Faraon atokua a iri Moïse na Aaron si lo tene na ala: “Ti so ni, mbi sara sioni awe! Mbi na azo ti mbi, e sara sioni; KOTA GBIA laa ayeke mbirimbiri.

Jérémie 13:15

Ala ma si! Ala dingi mê ti ala! Ala baa tere ti ala tongana akota zo pepe. *KOTA GBIA laa ayeke tene tënë so.

Jérémie 13:18

Tene na gbia nga na kota gbia-wali, mo tene: “Ala duti na sese! Biani, pendere kpoto ti ala ti gbia alondo na li ti ala ati awe.

Jérémie 44:10

Vundu ade agbu ala ndali ni pepe ngbii asi laso; zo oko akpe mbeto ti mbi pepe, zo oko abata lege ti aye so mbi fa na ala pepe; andia so mbi mu na ala nga na akotara ti ala, ala bata lege ni pepe.’ ”

Abia ti demango tere 1:18

KOTA GBIA ayeke mbirimbiri; mbi laa mbi ke yanga ti lo. Ala azo ti mara kue, ala ma mbi si: ala baa nga pasi so mbi yeke na ni laa? Azo agbu amaseka-koli na amaseka-wali ti mbi, ahon na ala na kodro wande awe!

Daniel 5:22

Ti mo Baltazar, molenge ti lo, mo hinga aye so kue, me mo ke ti sara tere ti mo kete.

Daniel 9:14

Ndani laa mo leke ye kue titene sioni kpale so asi na e, ngbanga ti so KOTA GBIA Nzapa ti e ayeke mbirimbiri na ya ti asarango ye ti lo kue; me e ke ti ma yanga ti mo.

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Rome 10:3

Lege so Nzapa aleke titene zo amu si lo ga mbirimbiri na le ti lo, azuife ahinga ni pepe, ala leke lege ti ala wani ti ga mbirimbiri. Tongaso ala ke lege so Nzapa aleke titene zo amu si lo ga mbirimbiri.

Jacques 4:10

Ala sara tere ti ala kete na gbe ti *Kota Gbia si fade lo yeke mu ala na nduzu.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”

Awafango-ngbanga 1:7

Adoni-Bezek atene: “Agbia balembarambara so mbi fâ akota li ti maboko ti ala na ti gere ti ala ayeke ro lani anduru mapa so ati na gbe ti meza ti mbi. Ye so mbi sara so laa Nzapa akiri peko ni na mbi so!” A mu Adoni-Bezek, ague na lo na Jérusalem si lo kui kâ.