2 Mbai 12:5 - Mbeti ti Nzapa - Tënë so amu fini

⁵ Wayanga-Nzapa Shemaya aga abaa Roboam nga na amakonzi ti Juda so abongbi na Jérusalem na ndembe so Shishak aga nduru ti si. Lo tene na ala: “Tënë so KOTA GBIA atene ayeke so: ‘Ala ke mbi awe! Mbi nga, mbi ke ala si mbi zia ala na maboko ti Shishak.’ ”

2 Mbai 12:5 ပူးပေါင်းရင်းမြစ်များ

2 Samuel 24:14

David akiri tënë na Gad, atene: “Mbi yeke na ya ti ye ti ngangu mingi! Mbi gbu gere ti mo, zia e ti na maboko ti KOTA GBIA, ngbanga ti so nzoni be ti lo ayeke kota; me mbi ye ti ti na maboko ti azo pepe.”

1 Agbia 12:22

Me tënë ti Nzapa asi na wayanga-Nzapa Shemaya, atene:

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

2 Mbai 11:2

Me tënë ti *KOTA GBIA asi na wayanga-Nzapa Shemaya, atene:

2 Mbai 12:15

Aye so Roboam asara, na tongo ndani ngbii asi na ndani, a su tënë ni na molongo ni, na molongo ni na ya ti “Mbeti ti aye so wayanga-Nzapa Shemaya na Ido, zo ti bango nda ti aye asara”. Bira angba lakue na popo ti Roboam na Yeroboam.

2 Mbai 15:2

Lo gue, lo wara Asa si lo tene na lo: “Gbia Asa, mo na azo ti Juda nga na azo ti Benjamin kue, ala ma mbi si! *KOTA GBIA ayeke na ala, tongana ala yeke na lo. Tongana ala gi lo, fade lo yeke zi lege na ala ti wara lo; me tongana ala zia lo, fade lo nga lo yeke zia ala.

2 Mbai 24:20

Tongaso, yingo ti Nzapa aga na ndö ti Zakarii, molenge ti Yoyada; Zakarii aluti na dawa ti azo ni si lo tene na ala: “Tënë so Nzapa atene ayeke so: ‘Ala ke ti sara ye alingbi na andia ti mbi KOTA GBIA, ngbanga ti nyen? Fade aye ti ala ayeke ga nzoni pepe. So ala zia mbi KOTA GBIA awe so, mbi nga, mbi yeke zia ala.’ ”

Abia (Psaumes) 37:33

Me KOTA GBIA ayeke zia lo na maboko ti ala pepe; tongana a ye ti fâ ngbanga na li ti lo, fade KOTA GBIA ayeke zia lo titene a de ngbanga na li ti lo pepe.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 23:33

*KOTA GBIA atene na Jérémie: “Tongana azo so, wala mbeni wayanga-Nzapa, wala mbeni wayango-sandaga ahunda mo, atene: ‘Nengo tënë ti KOTA GBIA so lo zia na ndö ti e tongana nengo kungba so ayeke so wa?’ Fade mo kiri tënë na ala, mo tene: ‘Ala laa ayeke nengo kungba ni. Ndani laa, fade mbi yeke bi ala yongoro; so tënë ti yanga ti KOTA GBIA laa.’

Jérémie 4:18

Futa ti lege ti dutingo ti mo na sioni sarango ye ti mo laa mo wara awe so! Ye ni asee, taa-tënë, me so lengo ti sioni ti mo laa! So ali taa mo, agbu bio!”

Jérémie 5:19

Tongana ala tene: ‘KOTA GBIA Nzapa ti e asara ye so kue na e ngbanga ti nyen?’, fade mo yeke kiri tënë na ala, mo tene: Na ya ti kodro ti ala wani, ala zia mbi ti sara na anzapa ti awande. Ndani laa, fade ala yeke sara na awande na ya ti kodro so ayeke ti ala, azo ti Israel pepe.”