2 Mbai 12:2 - Mbeti ti Nzapa - Tënë so amu fini

² Na ngu oku ni so Roboam ayeke gbia, Shishak, gbia ti Ezipte aga ti tiri bira na Jérusalem, ngbanga ti so azo ti Israel asara ye so ayeke sioni mingi ti ke KOTA GBIA.

2 Mbai 12:2 ပူးပေါင်းရင်းမြစ်များ

1 Agbia 11:40

Na pekoni, Salomon agi lege ti fâ Yeroboam. Me Yeroboam akpe ague na Ezipte na tere ti Shishak, gbia ti Ezipte. Yeroboam angba kâ ngbii asi na ngoi so Salomon akui.

2 Agbia 7:6

Biani, Kota Gbia asara si azo ti Sirii ama na ya ti bâbâ ti ala kâ toto ti ambarata, ti apusu ti mbarata nga na toto ti gba ti aturugu. Tongaso azo ti Sirii atene na popo ti ala, atene: “Gbia ti Israel afuta agbia ti mara ti Het na agbia ti Ezipte titene ala tokua aturugu ti ala ti tiri bira na e!”

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

2 Mbai 14:8

Zera, zo ti Etiopii, aga na aturugu kutu oko nga na apusu ti bira 300 ti tiri bira na ala. Zera ague ngbii asi na Maresha.

2 Mbai 14:9

Asa ague ti wara lo si lo na aturugu ti lo aleke tere ti ala ti tiri bira na popo-hoto ti Sefata, nduru na Maresha.

2 Mbai 24:18

Azo ti Israel azia kota da ti *KOTA GBIA, Nzapa ti akotara ti ala si ala voro akeke so a leke aluti na nduzu ndali ti nzapa-wali *Ashera, ala voro nga ayanda. Nilaa ngonzo ti Nzapa alondo na tere ti azo ti Juda na ti Jérusalem ndali ti sioni so ala sara so.

Ésaïe 18:2

Mo so mo yeke tokua alembe ti tambula na le ti kota ngu ti Nil si ala yeke tambula na ya ti ango so a sara na sosongo! Ala alembe so ayeke gue tokua hio hio so, ala kiri na mbage ti azo ti mara so ayo mingi si poro ti tere ti ala ayeke za zango so, azo so ayeke zia mbeto na be ti azo na ndo so ngbii asi na ndo kue, mara so ayeke na ngangu si ayeke nika awato ti ala so. Ala kiri na kodro ti ala so abale ahon na ya ni so.

Ésaïe 63:10

Me ala tomboka na tere ti lo, ala sara si yingo ti lo so ayeke nde si ayeke nzoni kue awara vundu. Tongaso lo kiri lo ga wato ti ala si lo wani, lo tiri bira na ala.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Abia ti demango tere 5:15

Ngia ti be ti e kue ahunzi, adodo ti e ahunzi awe; aga gi totongo akuâ.