2 Mbai 12:13 - Mbeti ti Nzapa - Tënë so amu fini

¹³ Gbia Roboam asara si lengo-gbia ti lo akpengba na Jérusalem. Lo yeke na ngu baleosio na oko si lo ga gbia; lo le-gbia ngu baleoko na mbarambara na Jérusalem, gbata so *KOTA GBIA asoro na popo ti amara kue ti Israel titene iri ti lo aduti na ndö ni. Iri ti mama ti lo ayeke Naama, zo ti mara ti Amon.

2 Mbai 12:13 ပူးပေါင်းရင်းမြစ်များ

1 Agbia 11:1

Gbia Salomon aye awali mingi so ayeke ti mara nde. Kozoni, lo mu molenge ti Faraon ti wali; na pekoni lo mu ambeni wali ti mara ti Moab, ti Amon, ti Edom, ti Sidon na ti Het.

1 Agbia 11:36

Me fade mbi yeke zia mbeni mara oko na molenge ti Salomon titene mbeni hale ti David, zo ti kua ti mbi angba na ndö ti mbata ti gbia lakue na dawa ti mbi na Jérusalem. Biani, Jérusalem ayeke gbata so mbi soro ni titene iri ti mbi aduti daa.

1 Agbia 14:21

Roboam, molenge ti Salomon ale-gbia na Juda. Lo yeke na ngu baleosio na oko si lo ga gbia; lo le-gbia ngu baleoko na mbarambara na Jérusalem, gbata so *KOTA GBIA asoro na popo ti amara kue ti Israel titene iri ti lo aduti na ndö ni. Iri ti mama ti lo ayeke Naama, zo ti mara ti Amon.

2 Mbai 12:1

So Roboam asara si lengo-gbia ti lo akpengba si lo ga ngangu awe, lo do *Ndia ti *KOTA GBIA, lo zia; azo ti Israel kue asara nga tongana lo.

2 Mbai 13:7

Agodobe na azo ti kirikiri abongbi na tere ti Yeroboam si ala hon ndö ti Roboam, molenge ti Salomon. Roboam angba lani maseka si lo de ti kpengba pepe, nilaa lo lingbi ti gbu le ni na ala pepe.

2 Mbai 6:5

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi, wala mbi soro mbeni zo pepe titene lo ga makonzi ti azo ti Israel, azo ti mbi.

2 Mbai 6:6

Me mbi soro Jérusalem ti duti daa, mbi soro nga David titene lo sara komandema na ndö ti Israel, azo ti mbi.’

Néhémie 13:1

Na ngoi ni so, a diko mbeti ti Moïse na le ti azo kue si na ya ni, a wara mbeni tënë so atene, fade zo ti mara ti Amon na ti Moab ayeke li laoko pepe na ya ti bongbi ti azo ti Nzapa.

Néhémie 13:26

Mbi tene na ala, mbi tene: “Ndali ti mungo awali wande laa Salomon, gbia ti azo ti Israel, asara siokpari pepe? Na popo ti amara mingi, mbeni gbia ti lingbi na lo ayeke daa pepe. Nzapa ti lo aye lo si amu lo ti ga gbia ti Israel kue. Andaa awali wande asara si Salomon ati na ya ti siokpari.

Sigingo 20:24

Ala mu sese asara na mbi gbalaka. Na ndö ni, fade ala yeke ya na mbi *asandaga ti ala so a yeke gbi ni kue na wâ, asandaga ti ala ti beoko, ataba ti ala, angasa ti ala nga na abagara ti ala. Na ndo so kue mbi yeke sara titene azo adabe ti ala na iri ti mbi, mbi yeke ga na mbage ti ala si mbi yeke sara tufa na ndö ti ala.

Ezekiel 48:35

Ti ngoro gbagba ni kue, yongo ni ayeke kudee 18 000. “Ti londo na lango ni so, fade iri ti gbata ni ayeke ‘KOTA GBIA ayeke na ndo so.’”

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Ndia ti fani use ni 12:5

Fade ala yeke gue ti voro lo gi na ndo so lo yeke soro ni na popo ti amara ti ala kue; na ndo so iri ti lo ayeke duti daa si azo ayeke gue ti voro lo daa.

Ndia ti fani use ni 23:3

Zo so babâ ti lo adu lo na mbeni wali nde, alingbi lo li na ya ti bongbi ti azo ti KOTA GBIA pepe. Ti londo na lo ngbii asi na molongo ti *ahale ti lo baleoko, alingbi zo oko ali na ya ti bongbi ti azo ti KOTA GBIA pepe.