2 Mbai 11:21 - Mbeti ti Nzapa - Tënë so amu fini

²¹ Roboam aye Maaka, molenge ti Abishalom, ahon tanga ti awali ti lo kue. Awali ti Roboam so lo ne ala mingi ayeke baleoko na miombe, awali so lo ne ala mingi pepe ayeke baleomene. Lo du amolenge-koli baleuse na miombe, amolenge-wali baleomene.

2 Mbai 11:21 ပူးပေါင်းရင်းမြစ်များ

Tongo nda ti aye 22:24

Sambâ ti Milka, so iri ti lo Reuma, lo nga lo du amolenge: Teba, Gaham, Tahash na Maaka.

2 Samuel 5:13

Na peko ti so David alondo na Hebron si lo si na Jérusalem awe, lo mu ambeni wali, ala so ayeke na kozo ndo na ala so ayeke na use ndo. Awali ni akiri adu na lo ambeni molenge-koli na ambeni molenge-wali.

1 Agbia 11:3

Awali ti Salomon so ayeke amolenge ti agbia ayeke ngbangbo mbarambara, awali ti lo so lo ne ala mingi pepe ayeke ngbangbo ota. Awali ni kue asara si be ti lo ague yongoro na Nzapa.

1 Agbia 15:2

Lo le-gbia ngu ota na Jérusalem. Iri ti mama ti lo ayeke Maaka, molenge ti Abishalom.

2 Mbai 11:23

Le ti Roboam ahan; nilaa lo kangbi tanga ti amolenge ti lo ti koli kue na ya ti asese ti Juda na ti Benjamin. Lo kangbi nga ala na ya ti agbata so ngangu gbagba ayeke na tere ni; lo mu na ala gba ti kobe, lo sara veke ti gba ti awali na ala.

Ndia ti fani use ni 17:17

Alingbi gbia ni aduti na gba ti awali pepe; tongaso pepe, fade awali ni ayeke sara titene be ti lo ahon yongoro na KOTA GBIA. Alingbi lo duti nga na gba ti nginza nga na gba ti lôro pepe.

Ndia ti fani use ni 21:16

Na lango ti kangbingo amosoro ti lo na popo ti amolenge ti lo ti koli, koli ni alingbi ti zi kozo ndo pepe na maboko ti molenge ti wali ti lo so lo ye lo pepe so ti mu na molenge ti wali ti lo so lo ye lo.

Awafango-ngbanga 8:30

Lo yeke na amolenge-koli balembarambara, ngbanga ti so lo yeke na awali mingi.