2 Mbai 11:16 - Mbeti ti Nzapa - Tënë so amu fini

¹⁶ Azo ti amara kue ti Israel, ala so azia be ti ala ti gi *KOTA GBIA, Nzapa ti Israel, ala mu peko ti azo ti mara ti Lévi ti gue na Jérusalem titene ala mu *asandaga na KOTA GBIA, Nzapa ti akotara ti ala.

2 Mbai 11:16 ပူးပေါင်းရင်းမြစ်များ

1 Mbai 16:29

Ala mu na KOTA GBIA gonda so alingbi na iri ti lo. Ala ga na *sandaga, ala ga na dawa ti lo. Ala kuku akpo li ti ala na sese na gbe ti KOTA GBIA na ndembe so gonda ti lo asigigi polele.

1 Mbai 22:1

Nilaa David atene: “Ndo so laa da ti KOTA GBIA Nzapa ayeke daa si ndo so nga laa gbalaka so azo ti Israel alingbi ti mu asandaga na ndö ni na Nzapa laa.”

1 Mbai 22:19

Tongaso, ala mu be ti ala na fini ti ala kue ti gi KOTA GBIA Nzapa ti ala. Ala londo, ala sara da so a zia ni nde ndali ti KOTA GBIA Nzapa; fade ala yeke mu sanduku ti *mbuki ti KOTA GBIA na aye so a zia nde ndali ti Nzapa ti zia na ya ti da so ala sara ndali ti lo.”

2 Mbai 11:17

Tongaso ala sara si kodro-gbia ti Juda awara ngangu; na ya ti ngu ota, ala sara si komandema ti Roboam, molenge ti Salomon akpengba, ngbanga ti so na ya ti ngu ota ni, azo ti Israel asara ye tongana ti so ala sara na ngoi ti David na ti Salomon.

2 Mbai 15:12

Ala deba yanga ti ala na lege ti mbuki ti gi KOTA GBIA, Nzapa ti akotara ti ala na be ti ala kue, na yingo ti ala kue.

2 Mbai 15:15

Tere ti azo ti Juda kue anzere ndali ti deba ti yanga ti ala so ala de so, ngbanga ti so ala sara ni na be ti ala kue. Azo kue azia be ti ala ti gi KOTA GBIA; nilaa lo zia lege na ala ti wara lo. Lo mu na ala siriri mbage na mbage kue.

2 Mbai 15:9

Mingi ti azo ti mara ti Efraim, ti Manase na ti Siméon akiri na peko ti Asa si ala duti na kodro ti lo. Ala baa so KOTA GBIA Nzapa ti lo ayeke na lo. Tongaso lo bongbi ala, ala na azo ti Juda na ti Benjamin kue.

2 Mbai 19:3

Me mo sara ambeni nzoni ye: na ya ti kodro ti mo kue, akeke so azo aleke aluti na nduzu ndali ti nzapa-wali *Ashera, mo gbi ni; mo zia be ti mo kue ti gi Nzapa.”

2 Mbai 20:3

Mbeto agbu Yosafat si lo leke na be ti lo ti hunda *KOTA GBIA. Lo hunda na azo ti Juda kue titene ala ke kobe ti sambela.

2 Mbai 20:4

Azo ti Juda alondo na ya ti agbata kue ti kodro ni, ala bongbi tere ti ala titene ala gi KOTA GBIA.

2 Mbai 30:11

Me ambeni zo ti mara ti Aser, ti Manase na ti Zabulon asara tere ti ala kete si ala ga na Jérusalem.

Mbeti ti Job 34:14

Tongana Nzapa abaa ndo fade gi na lo wani, tongana lo zi fade pupu ti lo na ya ti fini ti azo ndali ti lo wani,

Abia (Psaumes) 108:1

Bia ti David.

Abia (Psaumes) 62:10

Biani, akete zo ayeke gi pupu senge; akota zo ayeke tene gi mvene senge. Tongana a zia ala kue na ndö ti kilo, fade nengo ti pupu ayeke hon nengo ti ala.

Sigingo 9:21

Me ambeni abaa tënë ni tongana mbumbuse ye; ala zia azo ti kua ti ala na anyama ti ala na yaka.

Daniel 6:14

Awato ti Daniel akiri atene na gbia: “Gbia, Daniel, oko ti azo ti Juda so a gbu ala si a ga na ala so, lo baa mo tongana senge ye. Lo baa nga mbela so mo su maboko ti mo na gbe ni tongana senge ye: na ya ti lango oko, lo yeke sambela Nzapa ti lo fani ota.”

Osée 4:8

Ala yeke te asandaga so azo ti mbi amu ndali ti siokpari ti ala wani. Nilaa nzara ti be ti awayango-sandaga kue ayeke titene azo ti mbi asara asioni ye.

Aggée 1:5

Tënë so KOTA GBIA so ayeke na ndö ti dunia kue atene ayeke so: Fadeso, ala gbu li ti ala nzoni na ndö ti aye so ayeke si na ala.

Zakarii 8:21

Fade azo ti mbeni gbata ayeke tene na azo ti mbeni gbata nde, atene: ‘Ala ga, e gue, e voro KOTA GBIA, e gi le ti KOTA GBIA so ayeke na ndö ti dunia kue.’ Fade azo ni ayeke kiri tënë: ‘E nga, e yeke gue!’

Awatokua 11:23

So lo si, lo baa lege so Nzapa asara nzoni be na azo ni. Be ti lo asi na ngia si lo mu wango na ala titene ala kue angba ti mu peko ti Kota Gbia lakue.

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Ndia ti fani use ni 32:46

lo tene na ala: “Atënë so kue mbi fa na ala laso, ala mu yanga na amolenge ti ala ti zia be ti ala daa, ti sara ye alingbi na atënë kue ti *Ndia so.

Josué 22:19

Tongana ala baa atene sese ti ala ayeke *sioni, ayeke nzoni ala kiri aga na sese ti KOTA GBIA, so ndo ti dutingo ti lo ayeke daa so. Tongaso ala lingbi ti mu asese na popo ti asese ti e titene aga ti ala. Me ye oko, ala sara ngangu li na KOTA GBIA pepe, ala sara nga ngangu li na e pepe, na sarango mbeni gbalaka nde na ti KOTA GBIA, Nzapa ti e.