2 Mbai 11:15 - Mbeti ti Nzapa - Tënë so amu fini

¹⁵ Yeroboam wani asoro awayango-sandaga ti lo titene ala sara kua na ando so azo aleke na ndö ti ahoto ti voro anzapa daa, anzapa so akpa akoli-ngasa wala akete bagara.

2 Mbai 11:15 ပူးပေါင်းရင်းမြစ်များ

1 Agbia 12:28

Na peko ti so gbia ahunda wango na azo awe, lo mu yanga titene ala leke abagara use na lôro. Lo tene na azo ni, lo tene: “Ala azo ti Israel, ala gue na Jérusalem alingbi awe! Baa, anzapa ti ala so asara si ala sigigi na kodro ti Ezipte laa!”

1 Agbia 12:31

Yeroboam asara ada ti vorongo anzapa nde na li ti ahoto. Lo mu asenge zo ti kodro ti sara kua ti wayango-sandaga, ataa so azo ni ayeke azo ti mara ti Lévi pepe.

1 Agbia 13:33

Ataa so kue, Yeroboam azia ngbene lege ti sarango ye ti lo pepe. Lo ngba ti sara ngangu li. Lo ngba ti mu azo kirikiri na popo ti azo ti Israel ti zia ala tongana awayango-sandaga ti ando so a leke na ndö ti ahoto ti voro anzapa nde daa. Zo so kue aye ti ga wayango-sandaga, lo yeke mu lo wayango-sandaga ti ando so a leke na ndö ti ahoto ti voro anzapa nde daa.

1 Agbia 14:9

Ti mo, mo sara ye ti sioni mingi ahon azo so kue ayeke kozoni na mo: mo zia ngonzo na be ti mbi na lege so mo sara ndali ti mo wani anzapa nde nga na ayanda so mo kporo bengba wen si mo sara na ni; mo zia mbi na peko!

2 Mbai 13:8

Fadeso, ala ye ti londo ti ke kodro-gbia so KOTA GBIA amu na *ahale ti David. Yeroboam, mo na azo ti mo, ala yeke gbani gbani si na popo ti ala, ala yeke na abagara ti lôro so Yeroboam asara titene aga anzapa ti ala.

2 Mbai 13:9

Ala tumba taa awayango-sandaga ti KOTA GBIA, ahale ti Aaron nga na azo ti mara ti Lévi si ala soro awayango-sandaga ti ala wani tongana ti so azo ti ambeni kodro asara! Zo so aga na koli-bagara oko na akoli-taba mbarambara, ala yeke soro lo tongana wayango-sandaga titene lo sara kua na anzapa so ayeke taa Nzapa pepe.

Sigingo 32:31

Moïse akiri na mbage ti KOTA GBIA si atene na lo: “Ae KOTA GBIA! Azo so asara kota siokpari awe; ala mu lôro asara na mbeni nzapa.

Osée 13:2

Ti fadeso, azo ti Efraim angba ti sara siokpari: ala kporo wen si asara na anzapa nde, ala mu wen ti nginza ti ala si na lege ti kode ti ala, ala sara na ayanda. Ye so kue ayeke ye ti maboko ti awakode-kua. Ndali ti anzapa ni, azo ayeke tene: “Azo, ala mu asandaga na anzapa ni!” Azo ayeke su ngbangba ti akete bagara!

Awayango-sandaga 17:7

Tongaso si azo ti Israel ayeke kiri ti mu sandaga pepe na anzapa so akpa akoli-ngasa si ala yeke sara aye ti ndumba na ala so. Ndia so ayeke ngba kpu na kpu ndali ti azo ti Israel na *ahale ti ala.

Ndia ti fani use ni 32:17

Ala yeke ya *asandaga na asioni yingo so ayeke nga Nzapa pepe, ala hinga anzapa ni so pepe. Ala yeke afini nzapa so akotara ti ala ahinga ala laoko pepe.

1 Timothée 4:1

Yingo-Vuru atene biani atene, na lango ti ndani, fade ambeni zo ayeke zia lege ti mabe, ala yeke ma gi tënë ti ayingo so ayeke handa azo si ala yeke ma atënë so alondo na asioni yingo.

Aye so Nzapa afa 16:14

Ayingo so ayeke asioni yingo so ayeke sara aye ti kpene. Ala gue ti wara agbia ti dunia kue ti bongbi ala na ndo oko ngbanga ti bira so ayeke ti ande na kota lango ti Nzapa so ngangu ti lo ahon angangu kue.