2 Mbai 11:14 - Mbeti ti Nzapa - Tënë so amu fini

¹⁴ Azo ti mara ti Lévi azia sese ti ala so ayeke na tere ti agbata ni nga na ambeni ye ti ala, ala gue na Juda nga na Jérusalem, ngbanga ti so Yeroboam na amolenge ti lo akanga lege na ala ti sara kua ti ala ti wayango-sandaga na *KOTA GBIA.

2 Mbai 11:14 ပူးပေါင်းရင်းမြစ်များ

1 Agbia 13:33

Ataa so kue, Yeroboam azia ngbene lege ti sarango ye ti lo pepe. Lo ngba ti sara ngangu li. Lo ngba ti mu azo kirikiri na popo ti azo ti Israel ti zia ala tongana awayango-sandaga ti ando so a leke na ndö ti ahoto ti voro anzapa nde daa. Zo so kue aye ti ga wayango-sandaga, lo yeke mu lo wayango-sandaga ti ando so a leke na ndö ti ahoto ti voro anzapa nde daa.

2 Mbai 11:13

Awayango-sandaga na azo ti mara ti Lévi so ayeke na sese ti Israel kue akiri na peko ti Roboam.

2 Mbai 13:9

Ala tumba taa awayango-sandaga ti KOTA GBIA, ahale ti Aaron nga na azo ti mara ti Lévi si ala soro awayango-sandaga ti ala wani tongana ti so azo ti ambeni kodro asara! Zo so aga na koli-bagara oko na akoli-taba mbarambara, ala yeke soro lo tongana wayango-sandaga titene lo sara kua na anzapa so ayeke taa Nzapa pepe.

Wungo ti azo 35:8

Azo ti mara ti Israel so ayeke wara agbata mingi, fade ala yeke mu nga agbata mingi na azo ti mara ti Lévi. Azo ti mara ti Israel so ayeke wara agbata mingi pepe, fade ala yeke mu nga agbata mingi pepe. Mara oko oko ayeke mu agbata alingbi na wungo ti agbata so lo yeke wara ni.”