2 Mbai 10:8 - Mbeti ti Nzapa - Tënë so amu fini

⁸ Me Roboam abaa wango so akangba ni amu na lo so tongana mbumbuse ye. Lo gue, lo hunda wango na amaseka so lo na ala akono legeoko si ala yeke sara kua na gbe ti lo.

2 Mbai 10:8 ပူးပေါင်းရင်းမြစ်များ

2 Samuel 17:14

Absalom na azo ti Israel kue atene: “Wango so Hushai, zo ti mara ti Arki amu so ayeke nzoni mingi ahon wango ti Ahitofel.” Andaa *KOTA GBIA aye ti buba ya ti nzoni wango so Ahitofel amu si fade Absalom awara kpale.

2 Mbai 10:9

Lo tene na ala: “Azo so ahunda na mbi ti zi mbage ti nengo kungba so babâ ti mbi azia lani na ndö ti go ti ala. Ti ala, wango ti nyen laa ala lingbi ti mu na mbi titene mbi kiri tënë na azo so?”

Amato 1:25

Awango ti mbi kue, ala ke ni; mbi gboto mê ti ala, ala yeda pepe.

Amato 13:20

Zo so ayeke fono na azo ti ndara, fade lo yeke ga zo ti ndara; me zo so ayeke sara kamarade na azo ti buba, lo yeke baa sioni daa.

Amato 19:20

Mo ma awango, mo yeda na aye so a yeke fa na mo; na ndani, fade mo yeke ga zo ti ndara.

Amato 25:12

Wango so zo ti ndara amu na azo so azia mê ti ala kpoo ti ma tënë ayeke tongana bage ti lôro nga na ye ti go ti lôro ti nzoni ni.

Amato 27:10

Zo so mo na lo aye tere, wala zo so babâ ti mo na lo aye tere, mo zia lo pepe. Tongana mbeni ye ti ngangu asi na mo, mo gue na ndo ti ita ti mo pepe. Zo so ayeke nduru na mo ayeke nzoni ahon ita ti mo so ayeke na yongoro ndo.

Amato 9:9

Mu wango na zo ti ndara si fade lo ga zo ti ndara ahon ti kozoni. Fa ye na zo ti mbirimbiri si hingango ye ti lo akiri akono ahon ti kozoni.

Zo ti bongbingo azo 10:16

Mawa na kodro so gbia ni ade molenge si amakonzi ti kodro ni amu ngoi ti ala kue gi ti tengo kobe!

Ésaïe 30:1

Mawa na amolenge ti ngangu li! So tënë ti yanga ti *KOTA GBIA laa. Ala yeke leke apialo so alondo na mbi pepe; ala yeke sara *ambuki kirikiri so be ti mbi aye tënë ni pepe. Ala yeke sara si siokpari aga na ndö ti tere, na ndö ti tere.