2 Mbai 10:2 - Mbeti ti Nzapa - Tënë so amu fini

² Me Yeroboam, molenge ti Nebat ama tënë ni na ndembe so lo yeke na Ezipte. Lo gue lani kâ, ngbanga ti so lo kpe gbia Salomon. So lo ma a tene, azo ti Israel abongbi na Sishem, lo londo na Ezipte lo ga.

2 Mbai 10:2 ပူးပေါင်းရင်းမြစ်များ

1 Agbia 11:26

Yeroboam, molenge ti Nebat ayeke mbeni zo ti kua ti Salomon. Nebat ayeke zo ti mara ti Efraim, zo ti kodro ti Sereda; iri ti mama ti lo ayeke Serua, mbeni wali-mua. Yeroboam atomboka na tere ti gbia.

1 Agbia 11:28

Yeroboam ayeke mbeni ngangu koli, mbeni kpengba koli; lo lingbi ti sara ye. Salomon abaa so lo yeke sara kua ti lo na legeni, nilaa lo mu lo, lo zia lo kapita na ndö ti azo ti kua ti mara ti Efraim na ti Manase.

1 Agbia 11:40

Na pekoni, Salomon agi lege ti fâ Yeroboam. Me Yeroboam akpe ague na Ezipte na tere ti Shishak, gbia ti Ezipte. Yeroboam angba kâ ngbii asi na ngoi so Salomon akui.

1 Agbia 12:2

Me Yeroboam, molenge ti Nebat ama tënë ni na ndembe so lo ngba na Ezipte. Lo gue lani kâ, ngbanga ti so lo kpe gbia Salomon. So lo ma a tene, azo ti Israel abongbi na Sishem, lo ngba gi na Ezipte.

2 Mbai 10:3

A tokua azo ti iri lo. Tongaso lo na azo ti Israel kue aga si ala tene na Roboam:

2 Mbai 9:29

Tanga ti atënë na ndö ti Salomon, na tongo nda ni ngbii asi na ndani, na aye so kue lo sara, a su tënë ni na ya ti “Mbeti ti aye so wayanga-Nzapa Natan asara”, “Mbeti ti aye so Ahia, zo ti Silo atene na peko ti yanga ti Nzapa” nga na ya ti “Mbeti ti aye so zo ti bango nda ti aye Yedo abaa na ya ti mbeni ye tongana bango-li”. Ota mbeti ni so ayeke tene tënë na ndö ti Yeroboam, molenge ti Nebat.